ТАЛИБДЕР ООГАНСТАНДЫН КУНДУЗ ШААРЫН БАСЫП АЛЫШТЫ

28-сентябрда түнкү саат 3төр чамасында талибдер Ооганстандын Кундуз шаарына кол салышкан. Ал күнү кечинде согушкерлер шаардын теӊ жарымын өздөрүнө каратышса, эртеси толугу менен басып алышкан. Учурда шаардын борборунда согушкерлердин желеги желбиреп турат. Мындан тышкары талибдер шаардагы түрмөдө отургандардын бардыгын эркиндикке чыгарып жиберишкендери да айтылууда. Дүйнө коомчулугу Кундузду басып алуу согушкерлердин 14 жылдагы алгачкы чоӊ ийгилиги катары баалашууда. Мындан соӊ Ооганстандын өкмөттүк аскерлери шаарды бошотуп алуу үчүн согушкерлерге каршы чабуул баштаганы кабарланган. Соӊку маалыматтарга таянсак, өкмөттүк армия талибдерден шаардык түрмөнүн жана провинциянын полиция башкармалыгынын имаратын кайтарып алышты. Буга кошумча АКШнын согуштук учактары да согушкерлерге абадан сокку урганын НАТО билдирүүдө.
Айта кетсек, Кундуз шаарынын калкы 100 миӊден ашуун жана шаар аркылуу бир катар стратегиялык жолдор кесилишет. Ал эми провинциянын өзү Тажикстан менен чектешкендиктен, согушкерлерден коӊшулаш тажик туугандар да чочулап турган чагы.

Асхат Субанбеков
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (14)

Araika

2015-10-05 09:23:48

Дуйнодо тынчтык болсо экен.

aytkulova

2015-10-05 09:50:56

Тынчтык эле болсунчу...

osor

2015-10-05 11:12:33

тынчтык болсунчу

arash96

2015-10-05 15:56:42

Эмне учун карап турушат башкалар.Бут дуйнонун кучу жетсе керек эле.

mirlaane

2015-10-05 17:30:54

тажик менен кыкен бекем болуш керек етиет шарт!

dastan.bujun

2015-10-06 11:00:42

акыр заман белгилери уруш коп болуп жатат олум кобойду

Mars55

2015-10-06 13:53:35

Золотой миллиард деген чын окшойт.

Abdyrashit.Satylganov

2015-10-06 21:43:19

Бул Орусия Сирияга чабуул урса, Америка Афганстанга чабуул урса.. Канча деген адам өлдү го... Эми кудай өзү сактасын кыргызстанымы

Askar.96kg

2015-10-07 12:08:08

Чын эле акыр замандын белгилери болуп жатат.. согуш көбөйгөнү, ар кандай агымдардын көбөйүшү...

meka_060790

2015-10-07 13:58:13

Адамдын оозунда болсо Алланын кулагында дейт,эмнеле акыр заманды чакырып атасынар,Бир нерсе болсоле кыяматтын белгиси деп,кудай озу сактап тынчтык болуп балдарыбыздын жакшылыгын королу десенер

Askar.96kg

2015-10-07 21:17:56

meka_060790, акыр заманды чакырбасак да келүүчү нерсе да, күн өткөн сайын өлүмгө жакындагай, барган сайын акыр заманга жакындайт экенбиз...

Laro4ka

2015-10-08 10:26:46

Акыр заман деген тушунунукту туура тушунуп туура кабыл алыш керек. Акыр заман десе эле адамдардын кырылып калганын тушунуу туура эмес деп ойлойм. Дуйно учун эн глобалдуу маселелердин бири болгон учунчу дуйнолук согуш башталып кетсе, ошол жаман. Ал эми акыр заман деген эски адамдардын тушунугу. 21-кылымда жашап жатабызбы деги элдер?!

guzel_

2015-10-08 15:11:05

Акыр заман келе жатат деген ушул да.адамдар бири бирин кырып жатып эле жок болобуз.

ZANIA-92

2015-10-11 13:48:20

Асманда учуп коргошун,
Ааламда согуш болбосун.
Аккалпак кыргыз жеримде,
Ар дайым тынчтык орносун.

Комментарий калтыруу үчүн өз ысымыңыз менен кириңиз же каттоодон өтүңүз.

№ 674, 2-октябрь-8-октябрь, 2015-ж