«Азия Микс» командасынын сулуусу, өзбекстандык ырчы, актриса Ситора Фармонованын ырчылык лицензиясын өзбектер 19-июль күнү токтотту. «Узбекнаво» эстрадалык бирикмеси өзүнүн расмий баракчасына Ситора келишимдин шарттарын аткарбаганына байланыштуу лицензиясынан кол жууганын жарыялады. Тагыраагы, Ситоранын чет өлкөгө гастролго көп чыкканы буга себеп болгон. Муну уккан кыргыз мекендештер актрисага "кыргыз жарандыгын бериш керек" деп чыгышты. Бул тууралуу оюн билүү үчүн Ситоранын өзүнө байланышканыбызда: «Мен жаңы лицензия алуу үчүн документтерди, арызды тапшырдым, буюрса, беришет болуш керек. Ал эми кыргыз жарандыгын мага эч ким сунуштай элек. Эгер сунуш түшүп калса ойлонуп көрөбүз»,- деген жообун айтты.