Чач таза жана кайраттуу болсо, ал сөзсүз түрдө жагымдуу көрүнөт. Туура эмес кам көрүүдөн улам чач өз сапатын жоготуп, түшө баштайт. Чачтын түшүү себептерин, ага кам көрүү тууралуу врач-косметолог Айсулуу Бабаева кеңеш берет.
ЧАЧТЫН ТҮШҮҮ СЕБЕПТЕРИ
Чачтын көп түшүшү ооругандан, анын ичинде жугуштуу, көпкө созулган өнөкөт оорулар, ошондой эле чач түбүндөгү май безинин функциясы бузулгандан болот.
Чачтын бузулушуна ачык тийген күн жана катуу суук да терс таасирин тийгизет. Ысыкта чач кургап сынат жана түшөт, ал эми төмөнкү температурада теринин үстүнкү кан тамырлары кысылып, чачка керектүү азык-заттын келиши азаят.
Мындан тышкары организмдеги микро-элементтердин төмөндөп кетишине да байланыштуу. Эгер чач түшө баштаса, демек, организмге темир жана B витаминдери, белок жетишпейт.
Айымдар кош бойлуу кезинде витаминдер жетишпей баштайт, ошол мезгилде чачтын түшүшү күчөйт. Ошондуктан бул учурда чочулоонун кажети жок.
Көп ачууланганда нерв системи бузулат. Мындай адамдардын чачынын түшүшү өнөкөткө айланып калат да, 13 күн ичинде чачы агарып баштайт.
Оорулардан башка ар түрдүү дарыларды колдонуу да себепчи болот. Мисалы, кан басымдын көтөрүлүшүнө каршы, бойго бүтүүдөн сактоочу жана ооруну басаңдатуучу дарылар.
Чачты бат-бат боёо, түзөө, кайруу, тармалдатуу, чач кургаткычты дайыма колдонуу – мунун баары чачтын көп өлчөмдө түшүп, жукарып, сапатынын начарлашына алып келет.
Алкоголь жана кофеинди көп колдонуу да чоң таасирин тийгизет.
ҮЙ ШАРТЫНДА ЧАЧТЫН ТҮШҮҮСҮН АЛДЫН АЛУУ
Жаңы жашылчалар, мөмө-жемиштер, ошонун ичинен С жана B витаминине бай жемиштер менен азыктануу кажет.
Тамактануу рационунда дан өсүмдүктөрдүн, буурчак (курамында В тобундагы витаминдер бар), эт, балык (андагы кычкыл белоктун сиңишине жардам берсе, белок чачтын кайраттуу болушуна жооп берет), күрүчтүн көп болушу шарт.
Чачтын түбүн бекемдөөчү каражаттарды, шампунь, бальзамдарды колдонуу керек.
Майдын жардамы менен чачты чыңдаса болот. Кастор, зайтун, кокос жана уйгак майлары чачтын чың болушун камсыздайт.
ДАРЫЛОО
Эгер бир суткада 50-100 тал чач түшсө, мунун коркунучу жок. Андан да көп түшүп баштаса, анда чара көрүү керек. Биринчи кезекте медициналык текшерүү жасаткан туура. Анткени ким кандай оору менен ооруп жатканын же кайсы микроэлементтердин жетишпегенин такташыбыз кажет. Жыйынтыкка жараша медициналык ыкмалар менен дарыланууну сунуштайбыз. Бизде дарылоо мезококтейль (курамында өсүмдүк, жаныбар майы, витаминдер бар) жана плазмолифтинг (дарылануучудан кан алынып, кайра өзүнө куюлат) аркылуу жүргүзүлөт. Мезококтейль керектүү микроэлементтер менен азыктандырса, плазмолифтинг терини жашартып, кан айланууну жөнгө салат. Мүмкүнчүлүк жок болсо, анда үй шартында элдик ыкмаларды колдонуп, чачтын түшүшүн көзөмөлгө алыңыз.
АТАЙЫН МАСКАЛАР
Чалкандын кургатылганын алып, чай демдегендей эле демдеп, жакшылап тундуруп алып, башыңызды жууп бүткөндөн кийин ошол демделген чалкан менен башыңызды 2-3 сыйра чайкап коюңуз. Бул маска чачтын түшүшүнүн алдын алат.
2 аш кашык шампунь же бальзам, B1, B2, B3, B6, B12 витаминдеринен 1 ампула жана 1 чай кашык алоэ ширесин алабыз. Баарын жакшылап аралаштырып, даяр болгон маска менен башты жууш керек. B тобундагы витаминдер чачтын түбүн бекемдейт.
1 стакан ысытылган сырага төө жалбырактын тамырын кошуп демдейбиз. 2 сааттан кийин даяр болгон масканы чачтын түбүнө сүйкөйбүз. Кечинде жасап, эртең менен жууса, жакшы жыйынтык берет. Сырадан жасалган маска чачтын түшүшүнүн алдын алып, бекемдеп, көлөм берип, бат өстүрөт.
Кокос майын башыбызга сүйкөп, целлофан баштык кийип, жылуу оройбуз. Бул масканы кечинде жасап, эртең менен жууп салабыз. Кокос майы кургак жана бат сынган чачтар үчүн сунушталат.
2 чийки жумурткага 3 аш кашык жылытылган бал жана 1 аш кашык зайтун майын кошуп аралаштырабыз. 30 мүнөт кармагандан кийин таза жууйбуз. Бул маска нормалдуу типтеги чачтын түптөрүн бекемдейт.
Майлуу чачтар үчүн 200 грамм ысытылган сырага чалкан, шалфейден 1 аш кашык кошуп, 1 сааттан ашык демдейбиз. Чачка тегиз сүйкөп, башыбызды жоолук менен бекем байлап, түнү бою кармайбыз да, эртең менен жууп салабыз. Жумасына эки ирет колдонсо, чачтын майлуулугун азайтат.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (19)
tashi62
2016-10-10 09:51:36
Эркектер үчүн кандай кеңеш бар.?
+5
eliza_eliza
2016-10-10 13:06:20
Эрте жашта агара баштаган чачка кандай кенеш бере аласыздар?
+3
nurasel
2016-10-10 14:16:58
Саламатсыздарбы? Бетим кургай берет кандай кылсам болот кенеш берип коюнуздарчы
+3
Shadykanov
2016-10-11 05:30:35
nurasel,Betti kundo samyndap juubaw kerek eken. Menikida suxoi bolup tuloi berchu aiylga baryp suunun ozunole juusam sonun boldu jakwy kremden koldonu kerek.
0
AtbawyKadamjai
2016-10-10 15:50:52
Бойго бутурбоочу каражат дейби, ошондо менин чачым спиралдан тушушу мумкунбу?
-3
Merin
2016-10-14 13:57:25
AtbawyKadamjai, они имеют в виду таблетки противозачаточные....
0
Usow
2016-10-11 04:27:29
Сураныч эркектер учун да айта кетсенер эмне үчүн чач эрте агарат жана кандай дарылоого болот
+3
Merin
2016-10-14 14:00:17
Usow, когда витаминов не хватает, влияние различных отрицательных факторов. и гены тоже влияют, если в вашей семье есть, люди у кого рано появились седые волосы. то и у вас поэтому могут быть, так. чесноком мазать надо, или употреблять, сделав настой из меда, чеснока и лимона. также на многие болезни полезен этот настой, также и иммунитет повышает.
0
meerimma84
2016-10-11 10:04:49
Топ топ болуп тушкон чачка кандай кенеш бераластар
+3
Durdana
2016-10-12 13:39:25
менин чачым торогондон кийин тушо берди эле кырып салдым мына сага
+2
jorobek.kg
2016-10-13 15:01:33
Эркектер учун кенеш чачтын тушушуно жана агарышынан кутулуу жолу лезива менен жалтырата кырып салыш керек
Ыкмалары чачты кырардан алдын жылуу суу менен 2 же 5 мунот жибитиш керек анан аялдар эмес сакал алып жургон эркектер гана кырышы шарт. Ато аялдар бут башын кесмелеп салат
+3
Mavlyuda
2016-10-13 21:35:02
Комменттер хахаа го. Мен да эринбестен кылсам кана ушул маскаларды
0
aikera1992
2016-10-13 22:41:27
Чачтын учундагы ачакейдин кантип алдын алса жана эмнеден пайда болот? Боебойм, түздөбөйм, фен, үтүк колдонбогонума көп жыл болду. Улам чачымды чабыкка бере берип, кыскарып кетти. Бир жылда мына бешинчи чабык.
0
Bubu88
2016-10-14 00:52:41
Эркектерге деле анча мынча сулуулуктун сырларынан кенеш берип койгулачы алар деле биз сыяктуу сулуу болгусу келет
+1
ss90
2016-10-14 17:14:26
Чачтын ачакей болбошу учун,жалтырап турушу учун,тушпосу учун даарат алуу жетиштуу!!!
0
Nurkyz1977
2016-10-16 17:31:22
Чачты эн жакшы шампундар менен жууп бальзамды да дайыма пайдаланыш керек. Сатып аларда сапатына конул буруу кажет. Химиялык боектор менен боебой хна кана пайдалансанар чач ар убак ойундагыдай болот.
0
MUSA.95
2016-10-16 22:32:37
Жакшы кенештер... рахмат
0
Elnura.tajubaeva
2016-12-22 18:04:39
сырга төө жалбырактын тамырын дейт ким билет биринчи жолу угуп жатам
0
Комментарий калтыруу үчүн өз ысымыңыз менен кириңиз же каттоодон өтүңүз.
Чач таза жана кайраттуу болсо, ал сөзсүз түрдө жагымдуу көрүнөт. Туура эмес кам көрүүдөн улам чач өз сапатын жоготуп, түшө баштайт. Чачтын түшүү себептерин, ага кам көрүү тууралуу врач-косметолог Айсулуу Бабаева кеңеш берет.
Чалкандын кургатылганын алып, чай демдегендей эле демдеп, жакшылап тундуруп алып, башыңызды жууп бүткөндөн кийин ошол демделген чалкан менен башыңызды 2-3 сыйра чайкап коюңуз. Бул маска чачтын түшүшүнүн алдын алат.
