Аскат Сулайманов, актёр: "МЕН ЭМЕС, ПУТИН ДЕЛЕ АЖЫРАШЫП, ҮЙЛӨНҮП ЖАТПАЙБЫ"
5 баланын атасы, актёр Аскат Сулайманов чыгармачылыгында бир топ ийгиликтерди жаратып, учурда эл көзүндөгү инсан. Кино, театрда жараткан ролдоруна өзүнүн баасы кандай, үйдө кандай уул, кандай ата, кандай күйөө? Бул суроолордун жообу төмөндө.
– Саламатсызбы? Аскат мырза, жакында эле социалдык тармактардагы баракчаңызга "Казакстандан кино тартып келдик" деп жаздыңыз...
- Саламатчылык! Ооба, өзүм режиссёрлук кылып "Революция токтотулат" деген аталыштагы тасма тартып жатканбыз, ошонун акыркы эпизоддорун Астанадан жыйынтыктап кайттык. Ошону менен катар мелодрама жанрындагы "Миллион жана сүйүү эрежеси" аттуу дагы бир жаңы тасмабыздын тартуу иштерин баштадык. Режиссёр катары бул менин төртүнчү эмгегим. Буга чейин "Президент жана бомж-2", "Москва сүйүүсү" деген тасмаларды элге тартуулагам. Учурда кино тартуу менен эле алектенбестен, театрда дагы жаңы спектаклдердин үстүндө иштеп жатабыз. Индия элинин "Махабхарата" деген абдан көлөмдүү эпосу бар. Ошол 19 томдук эпостон эки жарым сааттык "Бхарата урпактары" деген аталыштагы спектаклинде Шакуни деген бузуку терс каармандын ролун ойноп жатам. Буюрса, бул спектакль менен 20-декабрда Индияга сапар тартканы турабыз.
– Театр сахнасында, кино тасмаларда бир топ ролдорду жаратууга жетиштиңиз. Кайсынысы сизге сыймык жаратат дагы, кайсынысы өкүндүрөт?
- Өкүнүп калдым деп деле айтпайм, бирок бир ролум бар. Ушуну ойнобой эле койсом болмок экен деген ойдо калгам. Аны атабай эле коёюн, режиссёру таарынып калат го. Калган ролдорума эл өзү сынчы. Кандай гана роль жаратпа, кийин экрандан көргөндө сын көз караш менен карап калат экенсиң. Театр менен кинонун дагы бир айырмачылыгы ушул, спектаклде бир ролуңду 10 жылдан кийин ойносоң, башкача көз караш менен ойноп кетсең болот, а тасмада 10 жылдан кийин башкача көз караш менен карайсың, бирок оңдой албайсың. Мисалы, мындан 13-14 жыл мурда тартылган "Айыл өкмөтү" тасмасындагы ролумду карап отуруп бул жерин башкача ойносом болмок экен деп көп эле жерлерине оңдоо киргизгим келет, бирок ал мүмкүн эмес.
– Учурда уул-кыздарыңыз бой жете баштаган кез. Арасында сиздин жолуңузду жолдойм дегендери барбы?
- Ооба, балдарымдын алды бой жетип 18ге чыкты. Экинчиси 17 жашка толду. Ошол экинчи балам жакында эле өткөн өспүрүмдөр арасындагы "Карек" кинофестивалына өзүнүн тарткан тасмасын жиберип 87 эмгектин ичинен "Эң мыкты актёр" наамын жеңип алды. Анда улуу балам Арген, Арсен өзү, анан классташтары ойноптур.Кино тартып жүргөнүнөн "кел жардам берейин, мага көрсөтчү" десем, "жок, ата, сиз жардам берсеңиз бул сиздин киноңуз болуп калат, кийлигишпеңиз" деп койгон. Азамат, жакшы кино тартыптыр.
– Уулуңуздун сиздин жолуңузду жолдошун каалаган чыгарсыз?
- Негизи балдарымды катуу эле кармадым, ачуумдун келип турганын көзүмдөн эле байкашат. Өз учурунда туура багыт көрсөткөнгө аракет кылам. Мени менен акылдашышат, сыйлашат. Ал эми кесип тандоо жаатында эч кимисине кийлигишпейм. Өзүм деле бала кезде апам "сен жалгыз баласың, артист болуп эмне кыласың талаалап, милиция кызматкери бол" дегенинде көнбөй койгом. Кийин ойногон ролдорумду көрүп "келечегиңе балта чапмак турбаймынбы, артист болсоң мейли" деп калган. Улуу балам милиция кызматкери болом деп жүрөт. Андан кийинкиси Арсен минтип тасма жаатында ийгилик жарата баштаганынан "киного кетесиңби?" десем, "жок, ата, мен ашпозчу болгум келет, Италияга кетем" деп койду. Ал эми 7-класстагы баламдан "ким болосуң?" деп сурасам, "ой, билбейм, ата" деп коёт. Ал эми кыздардын тарбиясы энесинен көз каранды эмеспи, ата катары аларга кеп-кеңешимди айтып турам.
– Жеке жашооңузда да чоң өзгөрүүлөр бар экен...
- Ооба, быйыл август айында үйлөндүм. Келинчегимдин аты Мээрим, Ат-Башыдан болот. 1988-жылы туулган. Турмуш деген ушул экен, мурунку жубайым экөөбүз пикир келишпестиктерден улам ажырашып кеткенбиз. Жаман эмес, 17 жыл жакшы жашадык. Урушуп-талашпай эле сүйлөшүп, эки ажырым жолго түштүк. Балдарыма каралашып, кем-карчысын берип турам. Меникин эле аябай трагедия кылышты "Аскат үйлөнүптүр" деп, аларга айтар элем, мен эмес, Путин деле ажырашып, үйлөнүп жатпайбы, баарыбыз эле пендебиз да. Ажырашкандан кийин 2 жылдай ойлонуп бой жүрдүм. Андайда жоро-жолдош да көбөйүп кетет экен, күнү-түнү алар менен болуп. Апам да "үйлөн’’ дей баштады. "Эртең менен бара турган ишиң болсун, кечинде күтүп алар кишиң болсун" деп коёт эмеспи. Азыр баары жакшы, апам Мээримди жакшы кабыл алды, Мээрим да балдарым менен тил табышып кетти. Бактылуу жашап жаткан кезибиз.
– Кыз бала атасына жакын болот эмеспи. Кыздарыңыз сиздин үйлөнгөнүңүздү кандай кабыл алышты?
- Өзгөчө кичине кызым мага аябай жакын. Ошондуктан кыздарымдын көңүлүн оорутуп алуудан чочуладым. Бирок мага эч нерсе билинген деле жок. Эки жыл ичинде алар деле даяр болуп калышкан. Кызыма кээде тамашалап "эми мен башка "мама" алып келем го" деп койсом, "ала бериңиз" деп койчу.
– Бизге бөлгөн убактыңыз үчүн чоң рахмат. Бактылуу болуңуздар.
"Кыздарым Айназик менен Аделина".
"Жубайым Мээрим балдарым менен бат эле тил табышып кетти".
"Ушундай образда Индияга сапар тартканы турам".
Чолпон Сүйүнбаева
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (140)
Ар бир уй булодо ар кандай сыр болот может экоондо тен бар,байыган сайын аялдарды да тушунуш кайынжурт!!!
Мага аткарган ролдору жагат. Ийине жеткире аткарат. Бактылуу болсун.
Кыргыз элим, бири-бирибиздин жаманын жашырып, жакшысын ашыргандан коро, жаман жагын чукуп эле турабыз да...
Mavlyuda, жалаң баш тамгалар менен жазууга тыюу салынган. Оозеки эскертүү!
Аялында деле болуш керек. Тамагын жасап, уйун таза тутуп, жылуу суйлоп отурган аялдан ким 17жылда баш тартып кетсин. Аскат байке деле эмес жубайында да барда. А тиги жаш катыны актердун коомдогу актёр деген статусуна эле кызыктыго. Катардагы жонокой эркек беш баласы мн ажырашканда улуу корунмоктон картан корунсода тиймек эмес.))
Жаш кыз алганга жараша сулуурак кыз алса болмок,))))
Ээй. Сыйлабай калдым бул адамды. Кыргыз байыса катын алат дегени ушу экен да
Жаман эркек белгиси элуу жашта жаш болот...
Аял байкуш жаштыгын ушуга арнап, бешти тороп анан алган рахматы ушул экенда..
Жийиркеничтуу
chinkobek, жалаң баш тамгалар менен жазууга, кимдир-бирөөнүн кадыр-баркына шек келтирген билдирүү калтырууга тыюу салынган. Эскертүү!
Путин крышадан секирсе ? сиз дагы секиресизби ? )))
Аябай мыкты,талантуу актер, бардык рольдорду жеткире жасалмасыз аткарат. Аябай сыйлачумун,жаш катын алганы учун анча сыйлабай калдым. Балдары катын ала турган болуп калганда озу катын алыптыр.Уят эй.Тиги аялы да 5 баласын таштап кеткен кишиге турмушка чыкканы кызык экен.5 баланы таштаган эркек жаш катынын деле жонле таштап кетет да бир куну андан да жашты каалап.
Окуп алып шок болдум. Ажырашканын укпаптырмын. Жалко конечно. Аскат байке кийин окунбосо болду. Ар бир чыгаан инсандын артында, колдогон Тыл,жубайы го. Ушунча ысык-суугуна куйуп, барда да,жокто да жанында колдоп ушул даражага жетишине комокчу болгон жубайын таштап жаш кызга уйлонгону. аттин. 17 жыл жашап 5 баланы торогончо пикир монун келишип жашап, атактуу болуп калганда пикир КЕЛИШПЕЙ калгны жаман экен. Тьфу.тьфу.тьфу. кудай андайдын бетин ары кылсын. Ар кимибизде уй-булоо бар.
Аскат байкени психология жактан караганда, КРИЗИС СРЕДНЕГО ВОЩРАСТА.деп коет. Эркек 40 жаштын тегерегинде Карып баратканын мойнуна алгысы келбей психологиялык кризиске кабылат. Эрки кучтуулор женип чыгат, Аскат байкеге окшогон эрки жок эркектер жаш кыздарга уйлонушот,чтобы самоутверждаться... жашмын мени жаш кыздар карашат деп.
Бул жактан жаш келинчеги жалко бир чети. Анткени Аскат байке кризистен откондо кайра биринчи келинчегине кайрылып келет. Айтты,койду дебегиле. Я больше чем уверенна. А жаш аялы калат.
