СПОРТ ЖАҢЫЛЫКТАРЫ

Универсиада

КЫРГЫЗ СПОРТЧУЛАРЫ МЕДАЛГА ЖЕТКЕН ЖОК

Алматы шаарында 29-январдан 8-февралга чейинки аралыкта Кышкы Универсиадада Кыргыз өлкөсүнүн спортчулары медалдарга жетишкен жок. Өлкөбүздүн атынан жалпы 10 спортчу катышып, алардын арасынан эң мыкты көрсөткүчү 16-орун болду. Сноубордчу Тимур Губаев гана мелдештин чейрек финалына чейин барып, 34 катышуучунун арасынан 16-орунга жазылды.

Футбол

"ДОРДОЙ" ЖООПТУК БЕТТЕШТЕ "БАЛКАНДЫ" 2:1 ЭСЕБИНДЕ УТТУ

7-февралда Түркмөнстандын Балканабад шаарында АФК Кубогунун тандап алуу оюндарынын алкагында жергиликтүү "Балкан" командасы бишкектик "Дордой" менен жооптук беттеш өткөрдү. Аталган эки команданын биринчи оюну 31-январда Ош шаарында өтүп, 1:1 эсеби менен аяктаган.
"Дордойдон" Алишер Азизов менен Авазбек Откеев айырмаланса, үй ээси бир гол менен гана жооп кайтарды. Эсеп 2:1 "Дордойдун" пайдасында.
Эми "Дордой" дагы бир тандап алуу баскычында «Хосилот» командасы менен ойнойт.

Футбол

КОНФЕДЕРАЦИЯ КУБОГУНУН БАРДЫК КАТЫШУУЧУЛАРЫ АНЫКТАЛДЫ

Орусияда 17-июнь – 2-июль аралыгында өтө турган Конфедерация Кубогунун бардык катышуучулары аныкталды. 6-февраль күнү Камерун Африка Кубогун утуп, аталган мелдештин акыркы катышуучусу катары белгилүү болду. Айта кетсек, Конфедерация Кубогунда ар бир континенттин чемпион аталган курама командалары катышат. Жалпы 8 команда ат салышат: үй ээси катары Орусия, Жаңы Зеландия, Португалия, Мексика, Чили, Австралия, Германия жана Камерун кубокту талашмакчы.

Адилет Керимбек уулу
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Tyty1990

2017-02-15 10:52:27

Дордой балкан жооптук беттешин каерден корсок болот.

admin_superstan

2017-02-15 11:44:58

Tyty1990, саламатсызбы? http://www.super.kg/media/uservideo/184491/
http://www.super.kg/media/uservideo/184489/

Tyty1990

2017-02-15 11:48:32

admin_superstan,рахмааааат чооон

Комментарий калтыруу үчүн өз ысымыңыз менен кириңиз же каттоодон өтүңүз.

№ 745, 10-16-февраль, 2017-ж.