Темир Назаров: «КЛИПТЕГИ РОЛУМДУ АТКАРУУ МЕН ҮЧҮН ООР БОЛДУ»
Көптөн бери көрүнбөй калган ырчы Темир Назаров чыгармачылыкка жаңы дем менен кайтты. Тагыраак айтканда, анын «Арнайм сага» аттуу жаңы ырынын клиби көпчүлүктүн көңүлүн буруп, мактоого арзып жаткан чагы. Ырчыга байланышканыбызда, ал чыгармачылыгы тууралуу төмөнкүлөргө токтолду.
– Темир, жаңы ырыңыздын жаралуу тарыхына токтоло кетсеңиз?
– Бул ырдын үстүнөн 1 жылга жакын иштедим. Кыргыз жана орус тилинде ырдалган. Ырдын жеке жашоомо тиешеси жок, жаштарга белек болсун деген ниетте чыгардым. Өзүңүздөр билгендей, мен буга чейин эл-жерди даңазалаган чыгармаларга басым жасачумун. Бирок мезгилдин, угармандардын талабы жеңилирээк чыгармаларга жетелеп жатат.
– Жеңил чыгармалар деп калдыңыз, бул багыттагы чыгармалардын үстүндө иштеп баштаганыңыздын себеби эмнеде?
– Мен дайыма изденүүдө жүрөм. Ар кандай темаларды иликтейм, элге кандай чыгармалар көбүрөөк жагып жатканына баам салам. Айта кетчү жагдай, коомдогу абалга жараша да чыгармалар жаралат. Андан ырчынын ыр куржуну толот экен. Кийинки учурда ырчылар жаштарга, достукка, энеге, сүйүүгө арналган чыгармаларга кайрылып жатышат. Мындайча айтканда, угармандардын табитине жараша. Биз той-топурларда көп жүрөбүз, бир топ адамдар менен баарлашабыз, алардын өтүнүчү да ушул багытта болуп калат.
– Бул ырдын клибин мурункулардан башкача тартыптырсыз. Идея кимге таандык?
– Клипти белгилүү клипмейкер Александр Белов тартты. Идея, сценарий режиссёрго таандык. Бирок ишке киришердин алдында биз да ойлорубузду айтып, бир чечимге келгенбиз. Эң башкы максатыбыз – өзгөчө клип болсун деген ой болгон. Клипте биз чыныгы кыз-жигиттин ортосундагы назик сезимди берүүгө аракеттендик. Албетте, мен үчүн абдан оор болду, анткени мындай ролду биринчи жолу жараттым. Клипти бир дем менен баштан-аяк 1 күндө тартып салдык, бирок монтаж иштери көпкө созулду. Ал эми жанымдагы бийкеч модель болгондуктан жакшы ойноп берди. Учурдан пайдаланып чыгармачылык топко ыраазычылык айткым келет.
Асхат Субанбеков,
Бактыгүл Момбекова
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (63)
Канечно оор болот да ырдап атсан кармалап атса.Андайда "васька" ойгонот куйтундап, секирип,эркелеп.
Жалан ангелдер коммент берген гор ээ. Тимеле суттон ак болуп кетесинер. Койгулачы Эми . Кайдагы менталитет бизде. Особенно уйдо жатып чандайып аялынын акчасына иштеген эркектер толтура кыргызда
Башка жаш жигитти койушса болмок . Былчыйган эркек мн арыкчырай орус кыз такыр шайкеш келген эмес.
Муз твга койгум жок,только ушул Темир Назаров байкебиздин клиби,чын эле сатып алганбы?бирок ийгилик,сыйлайм)бирок жашынына жараша тарбиялуу ыр ырдаса сонун болмок,
темирдин озуно ушу жагып атты бекен.муз каналдан ушу клипп чыкканда дароо башка каналга алмай болдум.кантип ушундай ой келди экен темирге тушунбойсун
Ушул кантип клип болсун тооба
Убагында Туулган жер ыры хит эле ал убакта мен жаш элем ошол күндөрүмү сагынып кетем.
Ушул комментарии окуйт бекен ээ оздору интересно
Уят бул биздин менталитетке туура келбеген корунуш аялы шордуу кантип чыдап отурат экен ушундай клипти коруп уят эле Темир Назаров мен сени сыйлайт элем.
Башы башталганда эле кой дегенбиз,болбойт экен деп
Жакшы ыр клип деле жакшы заманга ылайыкташтырып тартканго эми ушул болбойтго деп жата бербей дуйнолук аренага чыгышсын.
Мен коро албай койдум. Башталганда эле котором башка каналга. Кыргыз кыздар калбай калгансып орус кыздарды тартып атышканын айтайын. До конца коро алган жокмун. Не клип бул озу?
