– Атым Алия. Бой жетип чоңойгондон тарта жигиттердин жүрөк оорусуна айландым. Бул менин апама окшоп сымбаттуу, кара каштуу, узун чачтуу болгонумдан болсо керек. Менин артымдан ээрчиген жигит толтура эле, а менин бир гана максатым – ошол кезде популярдуу болуп жаткан ырчы мырзанын жүрөгүн багындыруу болчу. Болбосо ал ырчынын жашы менден бир топ улуу, үй-бүлөлүү болчу. Ага карабай мен "ырчы менен бир түн болмоюнча турмушка чыкпайм. Кыздык белгимди ошол мырзага гана арнайм" деп алдыма максат койдум. Ал үчүн айылдан Бишкекке концертине келчүмүн. Дагы жакшы көлдүк болуп калганым, баткендик болсом эмне кылат элем?
Ошентип жүрүп ал ырчы менен бийчи курбум аркылуу таанышып калдым. Бир көргөндө эле "клипке тартыла турган кыз экенсиң, чачың дагы узун турбайбы" деп чачыма арбалып калды.
– Көлдүн ак куусу болосуңбу?
– Ооба.
– Жашың канчада?
– 18де.
– Кызарып бышып, үзүлөйүн деп турган чагың экен да. Үзүп алсам кана, эх,- деп тамаша-чыны аралаш сүйлөп калды. Бул ырчы сыртынан олуттуу көрүнгөндүктөн мындай сөздөрдү күткөн эмесмин. Бирок мага бул тамашалары жагып жатты. Ошентип аны менен телефон аркылуу сүйлөшүп жүрүп өтө жакын болуп кеттик.
Жайкы каникулда көлдүн жээгинде пансионат иштеткен эжеме жардам берип иштеп калдым. Бир күнү сүйүктүү ырчым телефон чалып, "каяктасың?" дейт, "көлдөмүн" десем, "кечинде концертке келбейсиңби" деди. Макул болуп бардым. Концерттен кийин ырчы-чоорчулар менен бир музыканттын үйүнө барып конок болдук. Үй ээлери мени ырчынын администратору деп ойлошту окшойт, эч нерсе сурашкан жок. Элдин баары чарчап уктайлы деп жатканда ал "Алия, жээк бойлой басып келбейлиби?" деп калды. Бүт кыргыз кыздары ашык болгон ырчы менен жетелешип, кыналыша көл жээктеп басып бараттым. Аябай сөзмөр, анан тамашакөй экен. Анын сөзүнө эрип, өзүмдү уятымдан эле араң кармап бараткам. Бир маалда ал:
– Алия, жер чийген чачтарыңа оролуп чыкпай калсам, ээ. Канча жыл өстүрдүң чачыңды?- деп калды.– Апам 5-класстан бери кайчы тийгизбей кастарлап келет.
Өпкүлөп, жыттагылап бара жаткан ырчым "өзүң кастарлап келген аялуу жериңди мага арнайсыңбы?" деп кучактай жыгылды. Менин да көзүм тумандап, кантип ырчынын астына суналып жатып бергенимди билбей калдым. Ал таттуу сөздөрүн, ошол эле жерден эргүү келип кеттиби, куюлуштура ырларды арнап жатты. Өзү айткандай, жер чийген чачтарыма ороп алып такыр кучагымдан чыгарбай, өзүмдүк кылып менчиктеп алгым келди. Мына эми көздөп жүргөн максатыма жеттим. Мындан кийин далай таттуу түндөрдү, ырахатка балкыган кечтерди өткөрдүк. Байкасам, мүнөзүбүз да бири-бирибизге төп келет экен.
Ошентип азыр экөөбүз баш кошуу тоюна камынуудабыз. Ал эми ырчыны төшөктө багынткан түндөн бизге белек катары болочок наристебиз курсагымда.
Алия
Астра Айдарова
erotika@super.kg