Жылнаама

1- Сентябрь 1953 -жылы мамлекеттик жана коомдук ишмер Абдыганы Эркебаев туулган

Абдыганы Эркебаев - кыргыздын мамлекеттик жана коомдук ишмери, сынчы, адабиятчы. Филология илимдеринин доктору (1992), Кыргыз Республикасынын УИАсынын академиги (1993), Кыргызстандын Улуттук илимдер академиясынын президенти.

Абдыганы Эркебаев Кыргызстандын Ош облусуна караштуу Чоң-Алай районундагы Кара-Тейит айылында туулган.

1975-жылы Кыргыз мамлекеттик университетинин филология факультетинин кыргыз тили жана адабияты адистиги боюнча артыкчылык диплому менен бүтүргөн. 1976-жылы Москвадагы М.Горький атындагы Дүйнөлүк адабияттар институтунун стажёру, аспиранты болгон. Эмгек жолун Кыргызстан ЛКЖС БКнын пропаганда жана маданий-массалык иштер бөлүмүндө лектор болуп иштөө менен баштаган.

1982-1985-жылдары жана 1987-1988-жылдары КЖПИде орус жана чет өлкөлүк адабияттар кафедрасынын улук окутуучусу;

1985-жылы «Кыргызстан маданияты» гезитинин башкы редакторунун орун басары;

1988-жылы Кыргыз ССРинин ИАсынын Тил жана адабият институтунун директору;

1990-жылы Кыргыз Республикасынын Жогорку Кеңешинин депутаты;

1991-жылы Кыргыз Республикасынын Басма сөз жана маалымат министри;

1992-жылы Кыргыз Республикасынын Вице-премьер-министри;

1993-жылы Ош облустук мамлекеттик администрациясынын башчысы;

1995-жылы Кыргыз Республикасынын Жогорку Кеңешинин Эл өкүлдөр жыйынынын депутаты;

1997-жылы Жыйындын төрагасы;

2000-жылы Кыргыз Республикасынын Жогорку Кеңешинин Мыйзам чыгаруу жыйынынын төрагасы, кийинчерээк КРСУнун проректору болуп иштеген.

Абдыганы Эркебаев 10 китептин жана адабият, искусство жана саясат боюнча 200дөн ашык макалалардын, рецензиялардын автору. 1980-жылдан СССР Жазуучулар союзунун мүчөсү.