Свердлов райондук администрациясынын жыйындар залында борбор калаанын аймагында терроризм жана экстремизмге каршы күрөшүү боюнча отурум болуп өттү. Бул тууралуу 3-августта мэриянын басма сөз кызматы билдирди.
Маалыматка караганда Бишкек шаарындагы коомдук-саясий туруктуулукту сактоо, терроризм, диний экстремизмдин пайда болушуна бөгөт коюу боюнча иш-аракеттер талкууланып, катышуучулар тарабынан бекитилди.
Отурумга аталган райондун администрациясынын башчысы, аймактык башкармалыктардын жетекчилери, билим берүү жана медициналык мекемелердин өкүлдөрү, УКМК, прокуратура жана Свердлов райондук ички иштер башкармалыгынын кызматкерлери катышты.