Композитор Совхозбек Айткеев Москвадагы басмаканадан чыккан өрттөн каза болгон 14 мекендешибизге арналган реквием жазды. Бул тууралуу Маданият, маалымат жана туризм министрлигинин басма сөз кызматы билдирди. Маалым болгондой, композитор реквиемди 28-августтан 29-августка караган түнү жазды.
Эскерте кетсек, 27-августта Москвадагы басмаканадан чыккан өрттөн 17 адам каза болсо, алардын 14ү Кыргыз Республикасынын жарандары.