"Быйыл кыш эрте келип, "зима не будет" болбой калды", - деди бүгүн, 24-ноябрда Жогорку Кеңештин жыйынында депутат Кубанычбек Нурматов.
"Быйыл кыш катуу болот окшойт. Өкмөт Энергохолдингди түзгөндө жакшы болот дешкен эле, бирок жакшы болбой жатат. Тоолуу аймактарда жашаган мугалимдерге кыйын болууда. Аларга көмүрдүн баасын түшүрүш керек. Көмүр карьерин алып мектептерге берсе, өкмөттүн өзүнө жеңил болмок", - деди депутат.
Мындан тышкары ал шаардагы маселелерге токтолду. "Күндөн-күнгө шаардык көчөлөрдө дарактар унаалардын үстүнө кулап жатат. Кар жааганда зерикпей карды таяк менен түшүрүү керек. Мындай тапшырманы борбор калаанын 4 райондук акимиатына берсек", - деп сунуштады Нурматов.