Бүгүн, 11-январда Бишкектеги ресторандардын биринде рэп ырчысы Добр уулу Азиреттин жентек тоюн өткөрдү. Ага ырчынын жакындары, классташтары, шеринелеш достору катышты. Уулунун жентек тоюн туулган күнүндө өткөрүүнү пландаган ырчы тойго көп убакыт даярданганын айтат:
"Буга чейин ата-эне, туугандарыбызга чакан той бергенбиз. Бүгүн келинчегим Жибектин, менин досторум үчүн уулумдун жентек тоюн өткөрүп жатабыз. Бул тойду туулган күнүмдө өткөрөм деп пландап, даярданып жүргөнбүз. Балалуу болгондо ата-энеңдин кадырын билет экенсиң. Андыктан бизди ушул даражага жеткирген ата-энебизге терең ыраазычылыгыбызды билдиребиз. Уулубуз Азирет жашоодо өз ордун тапкан, ден соолугу бекем, акыл-эстүү, мыкты жигиттерден болуп чоңойсун деген максатта эл чакырып, бата алганы турабыз".
Жентек тойдо тамадалык кызматты Манас Алыкулов аркалап, келген конокторго кыскача сөз берип, андан соң ырдатып, бийлетип жатты.