Орусиянын Саратов облусунда жол кырсыгынан каза болгон 4 Кыргыз жаранынын сөөгү кечээ, 19-январда туугандарына өткөрүлүп берилди. Бул тууралуу бүгүн, 20-январда Өзгөчө кырдаалдар министрлигинин басма сөз кызматы билдирди.
Маалыматка ылайык, маркумдардын сөөгү 19-январда Кара-Балта шаарына алынып келинди.
Эске салсак, 15-январда Орусиянын Саратов облусунда жол кырсыгы катталып, 4 Кыргыз жараны каза тапкан. Алардын сөөгү 16-январда Кыргыз диаспорасы жана маркумдардын туугандары тарабынан жүктөлүп, Кыргыз Республикасына жөнөтүлгөн.