Өткөн суткада өлкөдө 6 өрт кырсыгы катталды. Бул тууралуу бүгүн, 20-январда Өзгөчө кырдаалдар министрлигинин басма сөз кызматы билдирди.
Маалым болгондой, Чүй облусунда 3, Талас облусунда 2 жана Ош облусунда 1 өрт кырсыгы катталды.
Токмок шаарынын Ломоносов көчөсүндө 50 чарчы метр, жыгач устундуу, шифер менен жабылган сарай жана мончонун чатыры, 70 чарчы метр жыгачтан салынган курулуш чарбасы толугу менен күйгөн. Өрттүн чыгышына электр жабдууларын куроодо эреженин бузулушу себеп болгон.