Бишкекте өз жанын кыюуга аракеттенген мас абалдагы өспүрүмдөр табылды

Борбордун райондорунда мектеп директорлору жана укук коргоо органдарынын кызматкерлеринин катышуусунда социалдык тармактардагы коркунуч тууралуу жыйындар өттү. Бул тууралуу Бишкек шаардык мэриясынын басма сөз кызматы кабарлады.

Ошондой эле жыйындарга социалдык мугалимдер, психологдор, жашы жете электер боюнча инспекторлор да катышкан. Анда балдарды өздөрүнө жана жакындарына зордук көрсөтүүчү оюндардан сактоо боюнча маселелер жана сунуштар каралды.

"Дайыр Асанов атындагы сейил бакта Инстаграм тармагындагы провокациялык оюндун тапшырмаларын аткарып жатышкан 5 өспүрүм кармалып, Октябрь райондук ички иштер башкармалыгына өткөрүлүшкөн. Саат 18:00 чамасында виртуалдык оюн боюнча өздөрүнүн жанын кыюуга аракет кылган өспүрүмдөр мас абалда табылышкан", - деп айтылат маалыматта.

Мындан сырткары айрым интернет-клубдарга рейддер жүрүп, саат 22:00дөн кийин бир нече өспүрүм кармалып, кээ бири ата-энелерине өткөрүлүшсө, кээ бири психологдор менен сүйлөшүүгө жиберилишкен.

"Свердлов районунда 9 интернет-клуб текшерүүгө алынып, 8 өспүрүм кармалып, үчөө ата-энелерине кайтарылса, бешөө Ички иштер министрлигинин алдын алуу борборуна жеткирилишкен. Ленин районунун аймагындагы 10 интернет-клубдан 9 өспүрүм кармалган. Ата-энелерине түшүндүрүү иштери жүргүзүлдү", - деп кошумчалаган мэрия.

Өспүрүмгө тиешелүү деңгээлде тарбия бербегени үчүн ата-энелерге административдик чаралар каралары маалым болду. Ал эми 22:00дөн кийин же окуу маалында өспүрүм табылган
интернет-клубдарга да жабылып калганга чейин административдик чаралар көрүлөт.

08:36 03-02-2017

Автор: Үмүт Абдраимова
Фото: Бишкек шаардык мэриясы

Жазылуу

РУБРИКАДАГЫ СОҢКУ КАБАРЛАР

22:03 2024-04-24 | Саясат

Баку шаарында Чыңгыз Айтматовдун эстелигинин ачылыш аземи болду 487 0

21:52 2024-04-24 | Коом жана турмуш

Бишкекте терроризмдин алдын алуу боюнча эл аралык конференция өттү 215 0

21:31 2024-04-24 | Коом жана турмуш

Бишкекте 20 жаштагы кыз дайынсыз болууда 963 0

20:59 2024-04-24 | Кылмыштар, кырсыктар

Бишкекте ишкерди уурдап, 140 миң доллар талап кылган кылмыштуу топтун мүчөлөрү кармалды 1009 0

19:35 2024-04-24 | Кылмыштар, кырсыктар

Кадамжайда аткезчилик жол менен алынып келе жаткан жаңгак аныкталды 727 0

18:56 2024-04-24 | Саясат

Садыр Жапаров Азербайжандын президенти менен болгон сүйлөшүүлөр боюнча билдирүү жасады 1105 0

Архив

Комментарийлер (5)

UlukmanKalyev

2017-02-03 08:43:56

Омеей ушул оюн балээ эле болду го. Орус оюндагыны кылат деп бекеринен айтпайтта не максатта чыгарды экен эми бул оюнду эмне пайдасы бар жаштарыбыз неле ал оюнга кызыгып калышты?

Alixan-Nookat.2015

2017-02-03 08:55:25

Бул оюнду чыгарган адамды таап катуу жазалоо керек.

zaika.tvo9.1990

2017-02-03 09:46:29

Alixan-Nookat.2015,ноябрда эле кармалыптыр кечээ фейсбуктан окудум эле.

-1

baltabai

2017-02-03 09:21:26

Интернет кулбтарды жаап салыш керек

Parish

2017-02-03 11:09:38

Эми ушул эле жетпей турат эле
бизге. Азыркы замандын жаштары
бери жыгыл десе нары жыгыла
турган болуп калышты.Бул оюун
эмес олум да.

Комментарий калтыруу үчүн өз ысымыңыз менен кириңиз же каттоодон өтүңүз.