Кыргыз мамлекети санариптик телеберүүгө өтүүгө даяр. Бул тууралуу бүгүн, 10-февралда “Кыргызстан” фракциясынын жыйынында Маалыматтык технологиялар жана байланыш мамлекеттик комитетинин төрагасы Бакыт Шаршембиев билдирди.
Ал Кыргыз Республикасынын санариптик телеберүүгө өтүүсү боюнча макулдашууга 2006-жылы Женевада кол коюлганын белгиледи. Мындан сырткары өтүү процесси төрт бөлүктөн турганын жана техникаларды орнотуу иштери аяктап калганын кошумчалады.
Бакыт Шаршембиевдин айтымында, өлкөнүн 95 пайызы санариптик телеберүүгө кошулду, калган 5 пайызы ушул жылдын май айына чейин туташат. Аналогдук көрсөтүү 15-майда өчүрүлөт.