Карганбек Самаковдун жактоочусу аны актоону өтүндү

Бүгүн, 17-февраль күнү Бишкек шаарынын Октябрь райондук сотунда Жогорку Кеңештин мурдагы депутаты Карганбек Самаковдун, мурдагы өкмөт башчы Игорь Чудиновдун, мурдагы вице-премьер-министр Искендербек Айдаралиевдин жана башкалардын иши боюнча соттук териштирүү жүрүп жатат. Жарыш сөзгө чыккан Самаковдун жактоочусу Бакыт Асамудинов кардарынын күнөөсү далилденбегенин айтты.

"Карганбек Самаковдун иш-аракетинде эч кандай кылмыштын курамы жок. Мындан улам аны актоону өтүнөм", - деди Асамудинов.

Буга чейин мамлекеттик айыптоочу Карганбек Самаковдун мүлкүн конфискациялоо менен 19 жылга, анын баласы Кубанычбек Самаковду 18 жылга эркинен ажыратууну сурады. Ошондой эле Искендербек Айдаралиев менен Игорь Чудиновду 11 жылга, Курманбек Бакиев менен Жаныш Бакиевди 18 жылга жана башка кылмышка катыштыгы бар адамдарды 18 жылга чейин камоону өтүндү.

Айта кетсек, Башкы прокуратура 2008-жылы Байтик, Лебединовка жана Кара-Жыгач айыл өкмөттөрүндөгү жер тилкелерин "Айыл чарба багытындагы жерлер" категориясынан "Калктуу конуштардын жерлери" категориясына которуу фактысы боюнча кылмыш ишин тергөөнү аяктап, ишти сотко жөнөткөн. Анда Карганбек Самаковго карата "коррупцияны уюштуруу", Жаныш Бакиевге жана Курманбек Бакиевге карата "коррупцияга көмөктөшүү", К.Самаковдун уулу Кубанычбек Самаковго жана алардын 4 адамына карата "коррупцияны кошо аткаруучулук" беренелери боюнча айыптар тагылган.

Өкмөттүн "КРнын Аламүдүн районунун аймагындагы жерлерди которуу жөнүндө" мыйзамсыз токтомун чыгарганы үчүн мурунку премьер-министр Игорь Чудиновго, мурунку биринчи вице-премьер-министр И.Айдаралиевге жана мурунку айыл чарба министри А.Ногоевге карата "кызматтык абалынан кыянаттык менен пайдалануу" беренеси боюнча айып тагылган.

12:29 17-02-2017

Автор: Бекжан Рыскулов
Фото: Бекжан Рыскулов

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 318 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 704 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 584 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 559 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 434 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 913 0

Архив

Комментарийлер (5)

Kubat.karagulov

2017-02-17 13:24:14

Жактоочу сен анчалык жанталашпасаң деле акталат.Бул жөнөкөй эле саясий шоу экенин сен эле билбей калбасаң башкалар билет болсо керек.Элдин көңүлүн кулаган учактан ага түшкөн акчанын кандай бөлүнүшүнөн буруп алаксытуу эле амалы бийликтин

98.doni

2017-02-17 15:00:45

Саясаттагылар бири да адам эмес экен,Кыргызстан учун канча жакшылык кылды, бардык мурастарыбызды юнеского каттатып кытайлык кыргыздар талашкан улуу Манас эпосун да алып берди коро албагандар ушуну кылып жатышат!!!

Nusi..91

2017-02-17 15:35:14

Чудинов баягыда шайлоодо журот эле го,аны кармабаптырбы.

Kubat.karagulov

2017-02-17 18:23:19

Бул бүгүнкү бийликтин куулугу да чогуу иштешкен жакындары миллиондорду жеп киши олтүрсө да эч нерсе болбойт.Качан гана оппозицияга отүп кетсе же бөлүшпөй койсо эле койчо баса калышат

altyn7776

2017-02-17 20:54:17

Ажонун козун май басты. Иса Омуркуловду жер сатты деп кылмыш ишин козгоп, Кайра лидер кылып койду, жанторо Сатыбалдиевди 6 млрд сомдун дайнын билбейт деп, премьер министр кылып иштетти... Карганбек байкенин кыргыз элине жасаган жакшылыктарына коз жумуп эмне тытынып жатат?!!

Комментарий калтыруу үчүн өз ысымыңыз менен кириңиз же каттоодон өтүңүз.