Мындан 15 жыл мурун, 2002-жылы 20-февралда Египетте Каирден Луксор шаарына багыт алган жүргүнчү ташуучу поезддин 3-класстагы вагонунда өрт чыгып, анын кесепетинен 383 киши көз жумуп, жүздөгөн адам жаракат алган. Полиция берген маалыматка караганда, машинист вагондордун бири өрттөнүп жатканын байкабай өрт чыккандан кийин 7 чакырым жерди басып өткөн. Вагон күйүп баштаганда 15 жүргүнчү терезелерден жерге секирип түшүшкөн. Алардын айрымдары аман калса, кээ бири каза болгон. Өрт жүргүнчүлөрдүн бири тамак жасайын деп жатканда келип чыккан.
20-февралга карата жылнаама.