ЖЫЛНААМА, 21-февраль: Гарри Поттер тууралуу тасмаларда Северус Снеггдин ролун аткарып таанылган Алан Рикман туулган

Англиялык актёр, режиссёр, "Распутин" сериалындагы башкы ролу үчүн "Эмми" жана "Алтын глобус" сыйлыктарына ээ болгон, BAFTA сыйлыгынын лауреаты Алан Рикман Лондондо туулган. Алан Рикман алгачкы жолу Брюс Уиллис менен биргеликте "Die Hard" тасмасында тартылып, ал фильм 1988-жылы экранга чыккан. Ал эми 1992-жылы жарыкка чыккан "Робин Гуд: Уурулар ханзаадасы" тасмасындагы аткарган ролу менен Алан терс каармандардын мыкты аткаруучусу экенин далилдей алган. Ал эми эң биринчи оң каармандын ролу 1991-жылы көрсөтүлгөн "Ак ниеттүү, алаңгазар, күчтүү" тасмасында берилген. Алан Рикман 50дөн ашык тасмага тартылган. Эң атактуу ролу "Гарри Поттер" тууралуу тасмаларындагы Северус Снеггдин ролу болгон. Андан сырткары "Дворецкий", "Парфюмерчи: Киши өлтүргүчтүн окуясы", "Тоо падышасы" жана башка тасмаларда мыкты ролдорду жараткан.

Алан Рикман 2016-жылы 14-январда 69 жашында рак оорусунан Лондондо каза болгон.

Көптөгөн сынчылар анын ийгилигин үнүнүн өзгөчө тембрине байланыштырышкан. Улуу Британияда ал театр актёру жана Падышалык Шекспир компаниясынын мүчөсү катары таанылган.

21-февралдын жылнаамасы.