Оор абалда Балыкчыдан Бишкектеги ооруканага жеткирилген 2 айлык Данилдин абалы учурда канааттандырарлык

Балыкчы шаарында төрөлгөн 2 айлык Данил Саматов оор абалда Бишкек шаарындагы ооруканага жеткирилген. Анын абалы учурда канаатандырарлык. Бул тууралуу SUPER.KG`ге Данилдин апасы Замира Саматова билдирди.

"Данилдин абалы оорлошуп, убагында тез жардам көрсөтүлбөгөндүктөн комага түшүп калган болчу. Азыр андан чыгып, бир аз жакшы, кичине жылыш бар. Бирок дагы деле жакшы боло элек. Дарыгерлер карап жатышат", - дейт З. Саматова.

Белгилей кетсек, 17-февралда Саламаттыкты сактоо министрлигинин басма сөз кызматы пневмониянын (өпкөнүн кагынышы) оор түрү менен ооруган 2 айлык наристенин өмүрүн сактап калуу үчүн Бишкектен "Тез жардам" көрсөтүү кызматы дарыгерлери менен Балыкчыга жөнөтүлгөнүн билдирген.