10 баласы бар туруп эски унаада жалгыз жашаган Алтын Отомбаеванын аянычтуу тагдыры
Турмуштун оор сыноосуна кабылып, жетим өсүп кичинесинен жакшылык көрбөгөн 65 жаштагы Алтын Отомбаеванын кейиштүү тагдыры менен SUPER.KG порталы таанышып кайтты. Айтымында, анын 10 баласы бар. Ага карабастан көчөдө күн кечирип, жарактан чыккан унаанын ичинде 2 жылдан бери жашайт. Мындан 2 жыл мурун Кара-Балтадагы 2 бөлмөлүү үйү өрттөнүп кетип, талаада калган. Балдарынын үйүнө барса, күйөө бала, келиндери батырбай, бүгүнкү күндө муздак темирдин ичинде жашап жатат.
"Менин 3 уул, 7 кызым бар. Алар да оор жумуштарда иштеп, кыйналып жашайт. Үй өрттөнүп кеткенден кийин кызымдын үйүндө турдум. Күйөө балам кызыма "энеңди, чычкандай кызыңды да багайын" деп ачууланып кийимин алып үйдөн чыгып кетти. Анткени кызымдын мурунку турмушунан бир кызы бар эле, кийин бул күйөөсү менен бир кыздуу болушту. Ошондон кийин балдарыма жүк болгум келбей, эскилиги жеткен унаанын ичинде жашайын деп чечтим. Бир балама орус улутундагы келин алып бергем. Алардын да жашоосуна аралашкым келбейт. Ден соолугум жакшы болсо, оокат-ашына жардам берет элем", - дейт ал.
Отомбаеванын колу-бутун үшүк алып кеткен. Анысы аз келгенсип жүрөк кемтиги менен жабыркайт. Акчасы жок болгондуктан дарыгерлерге көрүнө элек. Жалгыз бой эне балдарын багам деп Кыргыз-Казак чек арасында оор жүктөрдү көтөрүп иштеп жүрүп инсультка кабылган.
"Дарыгерге көрүнөйүн десем акчам жок. Барсам эле акча сурап, кымбат дарыларды жазып берет. Ага акыбалым жетпейт. Акыркы жолу былтыр ооруканага жатып чыктым. Ага балдарым 7000 сом төлөгөнүн көрүп жүрөгүм ооруп, өзүмдү күнөөлөдүм. Балдарым өздөрү кыйналып жашап жатат. Алар кээде келип кабар алып, дары-дармегиме көмөктөшүп турат. Экинчи кызымдын баласынын жүрөгү ооруйт. Мен көчөдө жашасам да мейли, небереме операция жасатса эле болду. Жакында эле неберемди Москвага алып барып көрсөтүп келдик. Акчабыз эч нерсеге жеткен жок. Кымбат экен", - деген эне учурда гүл сатып иштейт.
Учурда Алтын Отомбаева Супу аттуу жигиттин кол астында гүл сатып иштеп, күнүнө 50 сом алат. Кээде азык-түлүгү жок, чай менен гана курсак тойгузат. Отомбаеванын ата-энеси кичинесинде эле каза болуп калган. Турмушка чыкканда да кыйынчылык күндөрдөн арылган эмес. Чабанга турмушка чыгып, ал койлорду жоготуп, ошол учурдагы тартиптин күчтүүлүгүнөн, камалып кетем деген коркунуч менен качып кеткен. Алтын Отомбаева күйөөсүнүн азабын кийин өзү тартып, сот жоопкерчилигине тартылып, сурак берген.
"Кичинемден жетим калып, бир да жакшылык көрбөй чоңойдум. Турмушка чыкканда кыйынчылыктан арылам го дегем. Бирок андай болгон жок. Күйөөм көп сандаган койду жоготуп алып, чиедей балдарым менен таштап качып кетти. Кийин мени суракка чакырып, камайбыз деп коркутушту. Колумда эмчектен чыга элек балам болгондуктан, эч нерсе кыла алышкан жок. Ачка калган күндөрүм болот. Бирок ага да көнүп калат экенсиң. Чыдасаң турмушту жеңесиң, чыдабасаң жеңилесиң", - деди Отомбаева сөзүн жыйынтыктап жатып.
Жардам берүүнү каалагандар үчүн Алтын Отомбаеванын байланыш телефону: 554 41 05 46.
кошулду
10 баласы болсо да жүрбөгөн унаанын ичинде жашаган апа: "Балдарыма оор жүк болгум келбейт"
Автор: Илим Туратбек уулуФото: Мундуз Нурланбек уулу
Десе. Ошону ойлондунарбы. Кудайм туура жол коргозсун. Эртенки куну оз балдарынардан ушундай нерсени кудайым корсотпосун. Энени бир жакшына багып алгыла. Торунон кору жакын калса керек байкуш кишинин
+2
aziiiz
2018-05-25 22:34:18
Мин наалат кайдыгер балдарга. Журогум жанчылып кетти. Оз апанарга кантип ушул жашоону ыраа кордунор....
+4
aziiiz
2018-05-25 22:34:31
Кайран соз силерге корогон
+2
Aiziusman0101
2018-05-25 22:40:56
Балдарына эми соз жок кандай адамдар экени дапдаана билинип турат! Тиги гул саттырган башчысы боор ооруп койсо болбойбу кунуно кечке 50 сом берсе лучше бербей эле койбоптур. Азыр 50 сомго эч ким иштебейт олду дегенде кунуно 300 сом берсе болмок! Уятда жок экенда, ошол соодагер эгер комментарияларды окуп жаткан болсон кичине ынсап кыл каерде 50 сомго ишчи бар экен, ошол эжени ыраазы кылып жакшы толомойунчо сенин сооданда деле береке болбойт менин оюмча, ошого ойлонуп кор! Уят уят уят!
+8
Pandora
2018-05-25 22:41:46
Жаратканым эч кимди,эч кимге кар да,зарда кылбасынчы...
0
Nuri1988Elim2010
2018-05-25 22:42:29
Эх,окуп эмне дээримдида билбей калдым.Эне байкуш кун тун уйкусунан кечип,озун жанын аябай ошолорду деп тытынып иштеп багып чонойтуп койсо.А балдары оздору менен оздору.Карасанар озу кыйналып жашап жатсада,ага наалыбай кайра балдарын ойлоп жатат.Журогум ооруду.Зээним кейиди.Балдарына ыйман ынсап берсин
Байкуш эне чогуу жашаса эмне оорчулугу тиет,Кээ бирлерге тушунбойм.Кайнене менен жашаса бир нерсе боло тургандай.Жесе бир кесе тамак ичет,бир туурам нан жейтго.
+3
Nuri1988Elim2010
2018-05-25 22:45:30
Жок дегенде чондорубуз кайдыгер карабаса.120 депутат бир кундук маянасын которуп берседа чон иш болот эле.Орттонуп кеткен уйун кайра тургузуп берседа болмок окмот.Эгер ошол бир байдын уйу болгондо давно каражат болунмок.Бизде акыйкат олгон.
+1
Ayida
2018-05-25 22:59:50
Балдары да кыйындык жашоодо экен айтып атат жолу ачылбаса жаман
+2
bond02
2018-05-25 23:29:08
ой атан гору, балдары бала эмес экен апасына карабаган, жок дегенде мамлекет, мамлекеттик кызматкерлер, врачтар соц фонддогулар силер карап койсонор болбойбу, дары дармек башка нерселер чонтогунордон кетеби, айлык аласынар го.
+2
Cleo-13
2018-05-25 23:51:02
Жанагы музейдеги бир жыгачтын акчасын ушул энеге беришсе кана эми. Эне журогу оорубасын.
+6
Kroxa
2018-05-26 19:01:05
Cleo-13,1 жыгач аттын баасына бир болмолуу батир келмек десен
0
taalay25
2018-05-26 01:57:40
Суроттон жашаган жерин дароо тааныдым. Жанакы эки баланы МАН унаасы уруп кеткен Дордой жактагы Энеай конушунун асты жагында жол. Мен алыста журом. Мен жашаган уйдун асты жагы экен
0
Zainidin96
2018-05-26 03:34:25
Ото кейиштуу екен балдарын ысык суука чыдап чонойтот байкуш ене а балдары таштап кетет эмне деген заманда жашап жатабыз озу кыйналса да багышы керек балдары
+2
kalima88
2018-05-26 04:57:30
Кандайсыздар, урматтуу форумчулар! Биз, Орусиядагы форумчулар ушу апага жардам бергени жатабыз.Каалоочулар биздин катарга кошулуңуздар.Жардам берем деген каалооңуз күч бирок, "аз сумманы кантип котором" деп кыжаалат болуп жатсаңыз, анда сиз үчүн бул- эң ыңгайлуу шарт. Мага кайрылсаңыздар болот.
+3
ady-88
2018-05-26 09:35:38
kalima88,Ошондо жаны аферабы
0
kalima88
2018-05-26 17:55:12
ady-88,бир тууганым, Ыйык Рамазан айында тилиңди ачуу сөздөрдөн ,дилиңди жаман ойлордон арылтып алууңду суранам.
0
Muslim1990
2018-05-26 06:02:52
Кокмээ балдарын 600$ Таяк менен сабап салгым келди жаман.
+1
Birimdik5555
2018-05-26 10:45:40
Жети баласы барларды баатыр эне деп сыйлыктарды берип,борборго чакырып сыйлап турушат го,бул эжеде он бала экен,экинчи группадагы майып деп айына алты-жети мин пенсия чыгарып берсе болмок окмот
0
Комментарий калтыруу үчүн өз ысымыңыз менен кириңиз же каттоодон өтүңүз.
