Сапар Исаковдун жактоочусу Нурбек Токтакунов Башкы прокуратурага кайрадан арыз менен кайрылды

Тектеш кабарлар: Сапар Исаков: сурак, кылмыш иши, баш коргоо чарасы (85 материал)

"Жогорку Кеңештин 3 депутаты Бишкек ЖЭБин жаңылоо келишимин жактырууда мыйзам бузууга жол беришкен", - деп мурдагы өкмөт башчы Сапар Исаковдун жактоочусу Нурбек Токтакунов Башкы прокуратурага арыз менен кайрылды. Бул тууралуу жактоочу өзү бүгүн, 8-августта SUPER.KG порталына билдирди.

Анын айтымында, ошол кездеги Жогорку Кеңештеги жооптуу комитет башчылары ЖЭБди жаңылоо боюнча келишимди эч кандай жеткиликтүү талкуулабай туруп шашылыш кабыл алышкан.

"Жогорку Кеңештин бюджет жана финансы комитетинин ошол кездеги төрагасынын орун басары Курманбек Дыйканбаев, эл аралык иштер, коргоо жана коопсуздук боюнча комитетинин төрөгасынын ошол кездеги орун басары Каныбек Иманалиев жана Отун-энергетикалык комплекс жана жер казынасын пайдалануу боюнча комитетинин төрөгасынын ошол кездеги орун басары Кожобек Рыспаев Бишкек ЖЭБин жаңылоо боюнча келишимди шашылыш карап, талкуу жүргүзбөй, экспертиза дайындабастан туруп келишимди жактырышкан. Келишимди алар жок эле дегенде 1 ай карап анан жактырышы керек эле. Бул жерде алардын чечими регламентке каршы келип, мыйзам бузуу болуп саналат. Мен комитет жетекчилеринин ошол кездеги чечимине укуктук баа берилсин деп Башкы прокуратурага арыз менен кайрылдым", - деди Токтакунов.

Ушул жылдын январь айындагы катуу суукта Бишкек ЖЭБи аварияга учурап, шаар тургундары бир жума бою жылуулуксуз калган. Бул окуяга байланыштуу 2017-жылы ири суммага модернизацияланган ЖЭБге карата сындар күчөп, Кытайдан насыяга алынган 386 миллион доллардын максатсыз сарпталганы суроо жараткан. Башкы прокуратура Кылмыш-жаза кодексинин 303-беренеси (коррупция) менен иш козгоп, УКМК тергөө жүргүзө баштаган.

Июнь айында Бишкек ЖЭБин модернизациялоо боюнча козголгон кылмыш ишинин алкагында мурунку премьер-министр Сапар Исаков, Бишкек шаарынын мурдагы мэри Кубанычбек Кулматов, мурдагы өкмөт башчы Жантөрө Сатыбалдиев жана Жогорку Кеңештин депутаты Осмонбек Артыкбаев да камакка алынган. Андан сырткары да бир топ аткаминерлер кармалган.

жаңыланды 07:33 09-08-2018
кошулду 02:25 09-08-2018

Автор: Сталбек Абдижалил уулу

Жазылуу

РУБРИКАДАГЫ СОҢКУ КАБАРЛАР

11:43 2024-04-23 | Спорт

Дзюдочу Эрлан Шеров Азия чемпиондугунда коло байге утту 63 0

11:42 2024-04-23 | Түркүн дүйнө

Кытайда селден улам 100 миңден ашуун адам эвакуацияланып, каза болгондор да катталды 135 0

11:41 2024-04-23 | Коом жана турмуш

Борбордун айрым жерлеринде эки күн бою газ берилбейт 75 0

11:04 2024-04-23 | Кылмыштар, кырсыктар

Бишкекте аялын системалдуу түрдө сабап келгенге шектүү кармалды (видео) 380 0

11:00 2024-04-23 | Кылмыштар, кырсыктар

Бишкектеги төрт айлык ымыркайдын өлүмү: Тергөөнү УКМК жүргүзүп жатат 274 0

10:46 2024-04-23 | Түркүн дүйнө

Малайзияда эки тик учак сүзүшүп, стадионго кулап түшүштү (видео) 701 0

Архив

Комментарийлер (2)

aidartegin

2018-08-09 09:24:35

Чын эле Жогорку Кенештен эч ким жокко. Алар да кол коердун алдында ойлонуш керек да. Оз куноосун сезсин! Силер алып келдинер биз койдук деген болмок беле! Анда эмнеге эл окулу болуп жатасынар (Партия окулдору).

tular

2018-08-09 15:58:06

Куноолубу жоопко тартыосын!!! Ошол болмок беле, камап куноолусун деп жатса, кайра адвокат жалдап бет тырмаа кылганы...

Комментарий калтыруу үчүн өз ысымыңыз менен кириңиз же каттоодон өтүңүз.