"Айла жоктон гана окуп жүргөм". Интернетте бүтүрүүчү акыркы коңгуроодо мугалимдерине сын айтканы талкуу болууда

Интернет айдыңында орто мектептердин биринде акыркы коңгуроо аземинде бүтүрүүчү өзү окуган мектеби жана мугалимдери тууралуу пикирин ачык айтып жатканы талкуу болууда.

Видеодо көрүнгөндөй, окуучу мектепте айласыздан окуганын айткан.

"Мага мурдатан эле ушул мектептин системасы жаккан эмес. Айла жоктон гана окуп жүргөм. Башка вариант болгон эмес. Бардык мектептерди айта албайм. Биздин мектепте англис тили сабагы окутулганы менен жыйынтык нөл же бир пайыз. Мындан сырткары дене тарбия мугалиминен сабак учурунда спирт ичимдиги жыттанып келгени уят. Ал эми танапис учурунда окуучулардын көзүнчө тамеки чегип турган мугалимдер окуучуларга "тамеки чекпегиле" деп айтууга моралдык укугуңар жок", - деген бүтүрүүчү.

Ошондой эле ал билим берүү системасы 10 жыл мурун кандай болсо, азыр деле өзгөрбөгөнүн кошумчалаган.