Бүгүн Бишкекте 1916-жылы улуттук боштондук үчүн курман болгондордун элесине арналган митинг-реквием өттү

Бүгүн, 1-августта Бишкек шаарында 1916-жылы улуттук боштондук үчүн курман болгондордун элесине арналган митинг-реквием өттү. Бул тууралуу шаардык мэриянын басма сөз кызматы билдирди.

Маалыматка ылайык, иш-чарада Октябрь районунун ардагерлер кеңешинин, “Кайран эл” коомдук уюмунун өкүлдөрү, жарандык активисттер жана шаардын тургундары катышышты. Алар 1916-жылкы улуттук боштондук көтөрүлүшүнүн эстелигине гүл коюшту.

Айта кетсек, Кыргызстанда ар августтун биринчи аптасында 1916-жылы курман болгондорду эскерүү күнү белгиленери тууралуу Жогорку Кеңеш токтом чыгарган.