Аскар Акаевдин бир тууган агасы Болот Акаев жерге берилди

Бүгүн, 5-августта Бишкекте Кыргызстандын экс-президенти Аскар Акаевдин бир тууган агасы Болот Акаевди акыркы сапарга узатуу зыйнаты өтүүдө.

Акыркы сапарга узатууга ЖКнын депутаттары Курманбек Осмонов, Каныбек Иманалиев, Аскар Акаев менен бирге иштеген мамлекеттик ишмерлер, авиация кызматкерлеринин профсоюздар кеңешинин өкүлдөрү, жергиликтүү эл жана маркумдун жакын туугандары катышышты. Коштошуу зыйнатына Орусиядан Аскар Акаевдин уулу Илим Акаев келди. Илим Акаев маркумду эскерип: "Андан ар дайым позитивдүү энергия чыгып турчу. Биз аны жоктоп кала беребиз. Адамдардын жүрөгүндө ал жакшы киши бойдон кала алды",- деди.

Экс-президент Аскар Акаевдин коопсуздук маселесинен улам агасынын тажиясына келе албаганы белгилүү болду. Илим атасы тууралуу комментарий берүүдөн баш тартты.

Ал эми экс-спикер Абдыганы Эркебаев Аскар Акаевдин келе албай калганы кыйын жагдай экенин айтып: “Болот Акаевич баарынан мурда жакшы инсан болчу. Биз дагы бир жакшы адамдан айрылдык. Ал жөнөкөй, улуу-кичүүгө бирдей мамиле кылган инсан эле. Ал эми ушул кырдаалда Аскар Акаевичтин агасынын тажиясына келбей калганы өкүнүчтүү. Адамдын башына мындай иш салбасын, өзүнүн тууганына келип топурак сала албаса, бул кыйын жагдай. Мамлекет келүүсүнө шарт түзүп койсо дурус болмок, ал эми кылган иши боюнча кийин жооп бермек да”,- деди.

Болот Акаев 3-август күнү 81 жашында көз жумган. Ал Кыргыз авиакызматкерлеринин профсоюзунун ардактуу төрагасы, Кыргыз ССРинин Жогорку Советинин грамотасынын ээси болгон. Мындан тышкары ондогон сыйлыктарга көрсөтүлгөн. 1970-жылы В.И.Лениндин 100 жылдыгына карата талыкпас эмгеги үчүн мааракелик медалга татыктуу болгон. 1972-жылы Кыргыз ССРинин Коммунисттик партиясынын Ардак грамотасын алган.

11:20 05-08-2014

Автор: Жамалидин Парманкулов
Фото: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

17:33 2024-04-25 | Маданият, шоу-бизнес

Ошто 3 миң окуучунун катышуусунда "Манас" айтылды 82 0

17:23 2024-04-25 | Коом жана турмуш

Өлкөнүн бир канча жерлеринде жол оңдоо жумуштары кызуу жүрүүдө 115 0

17:05 2024-04-25 | Коом жана турмуш

Өлкөдө 3 баллга жеткен жер титирөө катталды 220 0

16:50 2024-04-25 | Коом жана турмуш

Өлкөдө нөшөрлөгөн жамгыр жаап, сел жүрүшү күтүлөт 342 0

16:46 2024-04-25 | Кылмыштар, кырсыктар

Бишкекте башка эле бирөөнүн BMW X7 унаасын сатып жиберүүгө шектелген жаран кармалды 231 0

16:39 2024-04-25 | Саясат

Калдык сактоочу жайлар жөнүндө мыйзам долбоору четке кагылды 183 0

Архив

Комментарийлер (14)

Krasnyi.kg

2014-08-05 12:00:09

Аскар Акаев келбеди, келет- деди элего

Dadin1

2014-08-05 12:11:54

Жаткан жери жайлуу топурагы торкоо болсун.

+10

chon-alai90

2014-08-05 13:05:52

акаев келсе оздорунун былыкысы чыгат.ошого коркутуп камайбыз деп жатбайбы.атамбаевдин бийлиги кетсе салянова не кылат имиш озунчо эле боорум оруйт.кыйындан кыйын чыгат кыйын ....... кысат.

+13

aitowa11

2014-08-05 13:13:17

Келгенде жакшы болмок. Эмнеге башка убакта кармап суроолорун беришип камашпайт. Эми келет экен деген мишти угушуп сразу эле камайбыз дептирлер. Баарыбыз мусулманбызго,ошол айткан адамдардын бир туугандары жокпукен. Аябай боорум ооруду келбей калганына. Кыргызстанда убагында ото жакшы иштеген. Бакиев да жакшы иштеди. Азыркы бийлике эч кимдин купулу толбойт

+16

sultanov.a.tegirmenti

2014-08-05 13:28:51

саясатка ишенип болбойт, бирин бири жамандап, бирин бири коро албай, иши кылып башаламан, кой ай деген адам жок
Рамзан кадыровдой адам болсо кана
Чечня кыска убаккта кандай гана онукту

Mirko.93

2014-08-05 13:37:19

Аскар Акаевге самолет менен еле бир чыпта топурак алып барып салдырып келсе болбойт беле ...

-2

nasi81

2014-08-05 14:12:03

Аша менен Аидага да кудай бар. Булар аябай копту. Бир тууган агасына келип, бир ууч топурак салалбаса кандай кана окунучтуу. Акыры мусулманбызго. Батукаевди деле Аида баш болуп килем салып узатып коюшту го. Акаевдин кыргыз элине кызматы аздыр коптур бар эле.

+14

aszyma

2014-08-05 16:13:03

Акаев да Бакиев да жакшы иштеген президент болчу. Келе бериш керек болчу.Эми буйрубаптырда .Алар убагында кыйын иштерди аткарган.ал эми азыркы бийликти маскаралап такыр тоготпойтко эчким Президентинер ким десе АША деп...

elgiz0890

2014-08-05 17:15:07

аскар акаевтей башы иштеген адам жок и келе элек кыргызстанга ал ак конул киши бул окмоттунда башына иш тушот ошондо эмне кылаар экен

alas

2014-08-05 19:29:34

Супер инфо эрте менен окууган комментарийлер жокго

-1

admin_portal

2014-08-06 11:49:22

alas, Саламатсызбы!
Баары эле ордунда. Эртең менен деп кайсыл убакты айтып жатасыз? Бул кабар саат 11ден өткөндө жазылган.

dav312

2014-08-06 00:10:14

акаев келбегени тура эле болду анткени биздин бийлик ага карышы чыкмак

Suluu91

2014-08-06 00:58:24

тажия эмес тазия болуп жазылса керек эле менимче

-1

admin_portal

2014-08-06 11:50:03

Suluu91, Саламатсызбы!
Тажия деп жазылат.

Комментарий калтыруу үчүн өз ысымыңыз менен кириңиз же каттоодон өтүңүз.