Кечээ, 19-сентябрда Жалал-Абад шаарында кыргыз милициясынын түзүлгөндүгүнүн 90 жылдык мааракесине карата “Спорт кылмыштуулукка каршы” ураанынын астында алыш күрөшү боюнча өткөн мелдеш жыйынтыкталды. Бул тууралуу уюштуруу тобунан кабарлашты.
Маалыматка ылайык, кылмыштуулуктун алдын алуу, өздүк курамдын милиция кызматкерлеринин күжүрмөндүүлүк даярдыгын жогорулатуу, кайраттуулукка, тайманбастыкка, ынтымакты чыңдоого багытталган мелдеште өлкөнүн бардык аймактарынан командалар келди. Жалпысынан “Динамо” командаларынан 12 командадан 100дөн ашык спортчу чогулуп, 6 салмактык бөлүктө (60 килограмм, 70 кг, 80 кг, 90 кг, 100 кг жана 100 килограммдан жогорку салмак) кармаш өткөрүштү.
Натыйжада жалпы командалык эсепте Жалал-Абад ОИИБинин балбандары 1-орунду багындырышты.