реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
akbuura

Гүлмира эже: «УУЛУМДУ ӨЛТҮРГӨНДӨР ЭРКИНДИКТЕ ЖҮРҮШӨТ»

№460 26-август - 1-сентябрь, 2011-жыл


Соттордун чечимине нааразы болуп жүргөндөрдүн саны жаздан кийинки козу карындай эле көбөйдү. Уулу бейкүнөө өлүмгө туш болгон Гүлмира эже да алардын катарын толуктайт.

«БААРЫ БАЗАРДАН БАШТАЛДЫ»
– Уулум Тынчтык 21 жашында киши колдуу болуп каза болду. 2011-жылдын 29-январь күнү эки уулум жылкы сатканга Караколдогу мал базарга жөнөшкөн эле (өзүбүз Жети-Өгүздөн болобуз). Уулдарымды бейкапар узатып, үйдө калгам. Улуу баламдын айтуусунда, алар базарга келгенде бирөөлөр келип “жылкыны 45 миңге бер” дешет, бирок эки балам тең макул болбой коёт. Кардарларды күтүп бир сааттай тургандан кийин улуу балам Тилек таксиге кийип турган ичигин салганга кетет. Кайра кайтып келсе, иниси да, жылкысы да ордунда жок. Алгач кардар чыгып калганбы деп ойлойт. Сураштырса, эч ким билбейт. Иниси менен жылкысын эки сааттай издейт. Базар аралап жүрүп, мал жүктөгөн машинада байланып турган жылкыбызды таанып калат. Малды сатып алган балдардан Тынчтыкты сураштырса, “аны билбейбиз. Жылкыны Алмаз аттуу бала алып келди” дешет. Айласы кеткен балам мага түнкү экиде телефон чалды. Жылкыны сатып алгандар дунган балдар экен. Милиция чакыртып, териштире башташат. Дунгандардын айтымында, Тынчтыктан Алмаз аттуу кыргыз жигит сатып алыптыр да, ошол эле базарда эки дунганга 36 миң сомго сатыптыр. Ошентип териштирип жатып, Тилек инисин издеп кеткенде жылкыбызды тигилер милиционердин уруксаты менен машинага жүктөп, Токмокко жөнөтүшөт. Таң атары менен мен да Караколдун мал базарына жөнөдүм. Келсем балам дагы деле табыла элек экен. Радиорубкадан 20 жолу баламды чакырттым, бирок балам келген жок.

«УУЛУМДУН ӨЛҮГҮН КУЧАКТАП КАЛА БЕРДИМ»
– Акыры милицияга барып “арыз жазалы” дедик. Бирок алар «биз саат 3кө чейин күтөбүз, ага чейин табылып да калышы мүмкүн» деп эч бир былк этишпеди. Сураштырып жүрүп, өлүкканага да жеттим. Кирип барганымда коридордо эки доктур «эртең менен саат 4:30да бир бала оор абалда түштү эле, жакындары издеп да келишкен жок, бала өлүп калды» деп бири-бири менен сүйлөшүп жатканы кулагыма суук угулду. Башымдан ылдый муздак суу куйгандай болуп кетти. Баламды издеп жүргөнүмдү айтсам, доктурлар «эже, ал сиздин балаңыз эмес» деп соорото башташты. Мен “кийимин көрсөткүлөчү” десем, “жүрүңүз” деп өлүктөр жаткан бөлмөнү көздөй басты. Алар алып келген кийим менин уулумдуку болуп чыкты. Ошондогу боздогонум, ай, андайды бир да эненин башына салбасын. Тынчтыгымдын муздак денесин кучактап кала бердим. Соттук медициналык экспертиза “башына катуу темир нерсе менен үч жолу сокку жегенден улам эсине келбей жатып каза тапкан” деген чечим чыгарып берди. Тынчтык табылган жерге таңга маал оперативдик топ келгенде балам тирүү экен. “Тез жардамдын” машинасына салып жатканда уулум «коё бергиле» деп сүйлөнүптүр.

«АЙЛАКЕРЛИК МЕНЕН КАНЫНЫН ГРУППАСЫН АЛМАШТЫРЫП...»
– Баламды жерге берип, келген-кеткендер үзүлбөй жатты. Ортодо тер­гөө амалдары жүрүп, жылкыны дунгандарга саткан ортомчу Алмазды суракка алып жатышты. Бир жума өткөн соң гана Алмаз аркылуу Рашид аттуу жигит Тынчтыктан жылкы алгандыгы аныкталды. Көп өтпөй Рашид аркылуу Рустам деген жигит пайда болду. Милиция кызматкерлери Рустамды машина айдап бара жаткан жерден кармашыптыр. Унаасын тинткенде 4 грамм наркотикалык зат табышкан. Рустам аны “милиционерлер атайлап ыргытып койду” деп моюнуна албай койгон. Суракта ал жылкыны бир тааныбаган адамдан сатып алганын, аны сүрөттөп берерин айткан экен.
Камакта 1 ай отурду, 1 айдын ичинде 4 адвокат алмаштырды. Тергөөчү суракка алганда оозунан лезвие алып чыга калып бетин тилип “милиция кызматкерлери моюнума бирөөнүн өлүмүн илгенге аракет кылып жатышат” деп айтам” деп аларды коркутуптур. Ал жигит мурда бирөөнү өлтүрүп соттолгон экен. Өзүм боздоп жатсам, бир милиционер “балаң мас болчу” деп жанымды кашайтат. Ал эми оперативдик топтогу балдар “балаңыз соо болчу. Ал коргонуп жатып эсин жоготуп койсо керек. Биз барганда “коё бергиле” деп сүйлөнүп жаткан” дешкен эле. Менин балам ичмек тургай тамекинин жытын да билген эмес. Соттук медэскпертизадан Рустамдын кийиминен табылган кан менин уулума таандык болуп чыккан. Бирок көп өтпөй шектүүнүн канынын группасы да менин уулумдукундай болуп «чыга келди».

«УУЛУМ ДА ТЫНЧ ЖАТА АЛБАЙ ЖАТАТ»
– Уулум кийин түшүмө кирди. Ал “ооба, апа, Рустам болчу, жанында дагы бирөө бар” деп дагы көп түшүнүксүз нерселерди айтып жатты. Жаныма отуруп алып, столдун үстүндө жаткан чоң плакаттагы толтура балдардын сүрөттөрүнүн ичинен мурду кырдач келген, кара тору баланы сөөмөйү менен көрсөттү. Мен эмес, жадакалса баламдын арбагы да тынч жата албай кыйналып жатат. Арадан канча убакыт өткөнү менен, тиешелүү органдар акыйкаттуу чечим чыгара алган жок. Балам он гүлүнүн бири ачылбай жатып киши колдуу болуп калды. Чындыктын изин таппай кыйналам. Тынчтык 20-июнда 21 жашка чыкмак. Бирок, тилекке каршы, бул туулган күнүндө баламдын бетинен өөп, жытын жыттап куттуктай алган жокмун. Аргам түгөнүп, айлам кетип, сиздерге кайрылып отурам. 30-январдан бери жаным жай таппай, какпаган эшигим калбады. Уулумдун бейажал өлүмүнө жооп берчү адамдар дале эркиндикте жүрүшөт.

ТЕРГӨӨ ИШТЕРИНЕН
Каракол ШИИБи козгогон кылмыш иши боюнча шектүү адам катары Темирбеков Рустам 6-февраль күнү саат 11:32 чамасында унаа айдап жүргөн учурда кармалган. Тинтүү учурунда айдоочу отурган орундуктун астынан 4 грамм гашиш табылган. Соттук-наркологиялык экспертизада да Темирбеков Рустамдын колунун жана оозун сүртүндүлөрдө (смыв) наркотикалык заттын компоненттери бар экени аныкталган.

Мирбек Таабалдиев
Каракол ШИИБинин кылмыш иликтөө бөлүмүнүн
жетекчисинин орун басары:
– Белгисиз адамдар аркылуу токмок жеп, киши колдуу болуп Тынчтык аттуу жигит каза болгону чын. Тергөө иштеринен улам шектүү деп Темирбеков Рустамды камакка алганбыз. Бул жигит мурда да соттолгондугуна байланыштуу тажрыйбалуу экен. Биздеги далилдерди жокко чыгарып кетти. Камакка алууга негиз жетишсиз болгондуктан, областык соттун чечими менен ал аймактан чыкпайт делинип бошотулган. Тааныштыкпы же акча ойноп кеттиби, айтор, биздин илинчектердин баары жокко чыгарылып кетти. Иш жүрүп жатат, тиешелүү иш-чаралардын баары тең кызуу жүрүүдө. Учурда да илинчек бар, бирок биз аны азырынча ачык айтпайбыз. Буюрса, жакын арада айыпкер өз жазасын алат.


ЖАШ ӨМҮРДҮ САКТАЙЛЫ
Садирбеков Умар учурда 1 айлык. Төрөлгөндө жүрөгүнүн оң карынчасына кетүүчү эки кан тамыр тубаса жабышып төрөлгөн. Өйдө-ылдый кетүүчү артериалдык кан тамырлар бир тараптуу гана болуп жүрөккө түз кетет. Күндөн-күнгө Умардын дем алышы татаалдап, жүрөгү алсыздап, согушу начарлоодо. Балага жасала турган оор операциянын баасы орто эсеп менен 160 миң сомду түзмөкчү.
Мекендештер, жаш өмүрдү сактап калууга салымыңыздарды кошкула.

АКБ “Кыргызстан”
БИК: 103001
Өздүк эсеп: 1030120212016366
Байланыш телефондору:
Апасы Насарова Венера: 0778 66-55-79
Атасы Данияр: 0773 41-47-43.

Мальвина Уметбекова
koom@super.kg


 Кыстарылган видео 

Маек - Гүлмира эже: "Уулумду өлтүргөндөр эркиндикте жүрүшөт"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(21)
29.08.2011. 10:55 
Тайпасы:
Жаран
Комментарийлердин саны:
105
Катталган:
22-01-2011
Соӊку аракети:
11-04-2018 12:49
Жынысы:
Белгисиз
0
Биздин олкодо чындыкты такстыктап-далилдегендер ото аз кездешет.Качан гана оозунан чыккан сумманы берип,алар ыраазы болгондо гана куйругун которушуп аракет кыла башташат.Болбосо бири-бирине тонкорушуп иштеп жабып коюшат.
29.08.2011. 12:32 
Тайпасы:
Жаран
Комментарийлердин саны:
341
Катталган:
07-09-2010
Соӊку аракети:
21-04-2018 20:28
Жынысы:
Белгисиз
0
соттордун аз да болсо абийрин Роза эжекебиз ачпадыбы жакында...борбордо жургон соттордун дарамети ушул болсо чет жактагы соттордун абалы кандай болду экен деген суроо жаралат.. Баланынздын арты кайрылуу болсун..
29.08.2011. 16:34 
Тайпасы:
Кыймылы жок
Комментарийлердин саны:
2
Катталган:
27-07-2011
Соӊку аракети:
06-01-2013 05:48
Жынысы:
Белгисиз
0
кыныр иш кырк жылда билинет!!! кан узатпайт дейт... сабыр кылыныз энеке албетте ал оз жазасын алат! кыныр иш кырк жылда билинет!!! кан узатпайт дейт... сабыр кылыныз энеке албетте ал оз жазасын алат!
29.08.2011. 17:50 
Тайпасы:
Жаран
Комментарийлердин саны:
19
Катталган:
01-07-2011
Соӊку аракети:
24-02-2018 15:59
Жынысы:
Белгисиз
0
Акчаны чонтокторуно толтуруп алып суйлобой эле койушсунчу формочандар.
29.08.2011. 18:22 
Тайпасы:
Кыймылы жок
Комментарийлердин саны:
12
Катталган:
20-06-2011
Соӊку аракети:
27-12-2011 18:40
Жынысы:
Белгисиз
0
Сабыр кылыныз.Баланыздын жаткан жери жайлуу болсун.Ал эми олтургон адамды кудай озу жазаласын.
Медиа-портал
29.08.2011. 19:22 
Тайпасы:
Кыймылы жок
Комментарийлердин саны:
9
Катталган:
31-07-2011
Соӊку аракети:
28-08-2013 18:01
Жынысы:
Белгисиз
Калаасы:
Милашка Би =))
0
а4ылбайт го.=((
Медиа-портал
29.08.2011. 20:46 
Тайпасы:
Кыймылы жок
Комментарийлердин саны:
6
Катталган:
15-12-2010
Соӊку аракети:
02-11-2017 22:45
Жынысы:
Белгисиз
0
Ыйманы саламат болсун.Биздин Караколду турктор бийлейт.
29.08.2011. 22:24 
Тайпасы:
Кыймылы жок
Комментарийлердин саны:
67
Катталган:
09-08-2011
Соӊку аракети:
16-11-2011 09:55
Жынысы:
Белгисиз
0
Кудай жеткирет.
Медиа-портал
30.08.2011. 21:37 
Тайпасы:
Жаран
Комментарийлердин саны:
1
Катталган:
15-06-2011
Соӊку аракети:
05-10-2017 23:24
Жынысы:
Белгисиз
0
Баланыздын жаткан жери жайлуу болсун.Аллахым оз паанасына алсын.Кылмыш кыдырмыш дейт.Булдар да жазасын алат.Кудай озу жазалайт.Калган балдарыныздын омурун тилениз.
Медиа-портал
30.08.2011. 22:16 
Тайпасы:
Кыймылы жок
Комментарийлердин саны:
9
Катталган:
31-07-2011
Соӊку аракети:
28-08-2013 18:01
Жынысы:
Белгисиз
Калаасы:
Милашка Би =))
0
кунолуу адам аман эле болсун,адам олтуру бол 4ооон куно да...
30.08.2011. 22:21 
Тайпасы:
Кыймылы жок
Комментарийлердин саны:
150
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
окунучтуу...уулунуздун жаткан жери жайлу болсун! Кайрат кылыныз...кан кое бербейт.
31.08.2011. 01:14 
Тайпасы:
Кыймылы жок
Комментарийлердин саны:
3
Катталган:
20-08-2011
Соӊку аракети:
31-08-2011 02:52
Жынысы:
Белгисиз
0
sabyr kylynyz baary bir kudai bar!!!!!
31.08.2011. 14:53 
Тайпасы:
Жаран
Комментарийлердин саны:
44
Катталган:
09-08-2011
Соӊку аракети:
30-03-2018 20:03
Жынысы:
Белгисиз
Калаасы:
Ош
0
Боорум аябай ооруду, Эне байкушка. Эненин журогу ушунчалык мээримдуу. Ошону учун бейиш алардын таманынын астында да.
31.08.2011. 18:04 
Тайпасы:
Жаран
Комментарийлердин саны:
1
Катталган:
22-08-2011
Соӊку аракети:
22-04-2018 01:31
Жынысы:
Белгисиз
Калаасы:
Бишкек
0
уулунуздун жаткан жери жайлуу болсун. Кыйын болуптур кыныр иш кырк жылда билинет бети ачылып калаар эже кайрат кылыныз
Медиа-портал
01.09.2011. 16:18 
Тайпасы:
Кыймылы жок
Комментарийлердин саны:
3
Катталган:
28-07-2011
Соӊку аракети:
17-08-2014 03:15
Жынысы:
Белгисиз
0
Болбогон бир жандык учун эч нерсе коро элек баланын омурун кыйган акмак, ошол алгандары козунон чыксын ,кылган мыкаачылыгы оз башына тийсин...
01.09.2011. 18:08 
Тайпасы:
Кыймылы жок
Комментарийлердин саны:
583
Катталган:
16-05-2011
Соӊку аракети:
06-09-2016 10:59
Жынысы:
Белгисиз
Калаасы:
Бишкек
0
эх чиркин дуйно
03.09.2011. 01:32 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
0
Садирбеков Умарга жаман болуп жатат.Байкуш Кыргызстанда байлар,милл-р коп ошол 160 мин сом бере алышпайбы,акыры сооп болот ко.160 мин евро эмеско...
14.10.2011. 00:26 
Тайпасы:
Кыймылы жок
Комментарийлердин саны:
21
Катталган:
17-08-2011
Соӊку аракети:
11-02-2016 02:19
Жынысы:
Белгисиз
Калаасы:
бишкек
0
Rostov-on-Don, Алар президент болобуз деп акчаларын ошол жакка коротуп чуркап журушот го!
03.09.2011. 01:42 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
0
Тиги адвакаттын баласын олтурсо кандай болоор экен эле.Ушул кыргыздарда такыр справедливость деген тушунук жок экен.
14.10.2011. 00:23 
Тайпасы:
Кыймылы жок
Комментарийлердин саны:
21
Катталган:
17-08-2011
Соӊку аракети:
11-02-2016 02:19
Жынысы:
Белгисиз
Калаасы:
бишкек
0
Эже баланыздын арты кайрылуу болсун! Ыйлаганда пайда жок Курандан башка айла жок дейт! Биздин соттор,адвакатар аркы дуйнодо да сот,адвакат болуп иштешет бекен ошондо ар бир кылган ишине жооп беришер! Бул кандай жошоо, адам закондон коркпой, закон адамдан коркон! ООзуна лезвия салып мойнуна албай койду деп, антебей эле биздин сот ,адвокат эргулдар акчасын алып койуп кымындап жатышат да! Азыркы заман ушундай болуп калды го ,кишинин жумушагын киши жейт,карагайдын жумушагын курт жейт болуп!
Медиа-портал
28.10.2011. 02:24 
Тайпасы:
Жаран
Комментарийлердин саны:
466
Катталган:
28-09-2011
Соӊку аракети:
16-08-2017 19:15
Жынысы:
Белгисиз
0
кан коюп жибербейт оз башына да ошондой олум келет
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 503 колдонуучу (Катталган: 2, коноктор: 501) "Супер-Инфо" бөлүмүнө кирди:

munar1980, Zinazima

Макалалардын саны:
20522;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: