Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
semetei
Жакында президенттик шайлоо өтө турган болсо, кимге добуш бермексиз?

29.05.2017-12.06.2017

Жыйынтык

Башка сурамжылоолор


Мамбет Мамакеев:«ЭНЕМДИ ООРУДАН АРАЧАЛАЙ АЛБАЙ КАЛГАНЫМА ӨКҮНГӨМ»

№576 15-ноябрь-21-ноябрь, 2013-ж


Каарманыбыз «энемди бир күн дагы эстебей койбойм» дейт. «Өзү 90 жашка чамалап калса да, жумушу ары түйшүктүү, ары жоопкерчиликтүү, анан энесин күнүгө ойлойбу, ойлогонго убактысы жетеби?» деп таң калдым. Медицина илимдеринин доктору, профессор, Улуттук хирургиялык борбордун директору Мамбет Мамакеев энеси тууралуу эскерип кетти.

«ЭНЕМ 17 БАЛА ТӨРӨГӨН»
– Энемдин кайтыш болгонуна 30 жыл болду. Ушул убакытта энемдин баркын, баасын терең түшүндүм. Сагындым дагы. Ал кичине бойлуу, жоош, сыпайы, оозунан бир да жаман сөз чыкпаган адам эле. Анан чыдамкайлыгы жанда жок болчу. Эмне деген гана азап-тозокту, кордукту көрбөдү, бирок кың дегенин эч уккан жокмун.
Энем 17 бала төрөгөн, айрымдары ымыркайында, кээ бирлери бой жеткенде өлүп кала берген. Азыр 17ден үчөөбүз калдык. Улуусу мен, 87демин, карындашым Упаш 81де, иним Абдылда 70 жашта. Баарыбыздын канат-бутагыбыз жайылган.

«12 ЖАШЫМДА ЭЛЕ ДАРЫГЕРЛИГИМ БАШТАЛЫПТЫР»
– Эсимде, карындашым Бейшекан төрөлгөндөн тартып эле кыңылдап ыйлап, эмчек эме алчу эмес. Бир күнү энем менен чоң энем бир жакка кетишти. Токтобой ыйлай бергенинен, чыпалагымды оозуна салсам, билинер-билинбес соруп жатты. Тура калып чүпүрөккө талкан салып, сүткө малып берсем чопулдатып соро баштады. Энем бир күндөн кийин келди. Ыйлабай жатканын көрүп өлдү деп ойлоду окшойт, «Качан үнү чыкпай калды?» деп сурады. Мен «апа, бол тез эмиз» дедим. Кийин ойлосом, он эки жашымда эле доктурлугум башталып, карындашымды ачкачылыктан сактап калыптырмын.

«ЭНЕМ БИР ДА ЖОЛУ ЫРЫСТУУ ТАМАК ЖЕБЕПТИР»
– Улуу Ата Мекендик согуш башталып, атамды аскерге алып кетишти. Атамды узатканы жөө-жалаңдап энем, атамдын карындашы Уулкан эже үчөөбүз Ак-Суунун Кереге-Ташынан Караколго бардык. Боздоп ыйлап узатып кала бердик. Пристандан айылга чейин 20 чакырым болуш керек. Энем кыйналып араң эле басып келе жатканын билгизбегени менен, сезип жаттым. Бир убакта карасам буту шишип кетиптир, иним Абдылда боюнда бар эле. Ошентип үйгө жетпей Искен деген эжебиздикинде түнөп, талкан жеп, ысык суу ичип жатып калдык. Анда элдин баарынын турмушу начар, ачкачылык эле. Үйгө келгенде энем ысык жармага картошка аралаштырып тамак жасап берди. Картошканын кабыгын аарчычу эмес, үнөмдөйүн деп. Ойлосом, бизди жесин деп өзү бир да жолу ырыстуу тамак жебептир.
Энемдин төрөй турган учуру келип калса да, сыр билгизбечү. Суу кеткенде толгоонун бышып жетилгени экенин билип алгам. «Эми энемди ким төрөтөт?» деп эле кыйнала бердим. Анткени алдуу-күчтүүнүн баары согушта. Бир күнү энем кыңылдай баштады, толгоо башталганын дароо түшүндүм. Көчөнүн четинде жашаган атамдын карындашын чакырып келгиче энем төрөп коюптур. Баланын дымы чыкпайт, ыйлабайт. Элден көргөнүмдү жасап, чаканы калдыратып, бетине муздак суу чачып жиберсем ыйлап ийди.

«АЯЛЫМ КАЙНАТА- КАЙНЕНЕСИН БАКЫРТЫП ВАННАГА САЛЧУ»
– Короодо бир жандыгыбыз жок, өтө кедей элек. 1944-жыл болсо керек, энем байкуш күнүгө эртең менен эрте туруп Ак-Суу айылынын үстү жагындагы тоо этегине кетет. Ошол колхоздун уйларын саачу. Кечинде тартылган эки чака көк сүт көтөрүп келет. Аны бышырып, талкан аралаштырып бизди бакчу.
Бир күнү укмуштай бороон-чапкын болду. Сыртка чыксам бир ат жүрүптүр, аны жайдак минип эле энемдин жолун утурлай чаптырдым. Бир коктунун ичинде ыйлап отурат. Коктудан ылдый түшө бергенде тайгаланып жыгылыптыр да, сүтүн төгүп алыптыр. Колтугунан жөлөсөм «Бүгүн эмне ичесиңер?» деп буркурайт. Энеме кошулуп мен да ыйлап, анан сооротушуп алып үйгө кеткенибизди унутпайм. Нары-бери өткөндө ошол коктуну дайыма карап коём.
1960-жылга чейин анча-мынча кийим алып бергеним эле болбосо, энемди түзүк деле бага алган жокмун. Кийин өзүм бутума туруп, айылга там салып бердим. Атамды жылкылуу кылдым, бир жакка барарда жөө баспай, машина менен барып калышты.
Кышкысын дайыма экөөнү тең борборго үйүмө алып келчүмүн. Адеп келгенде аялым Сокен кайненесин да, кайнатасын да бакыртып эле ваннага салып, жаңы дамбал-көйнөк кийгизчү. Атам бечара «жөн эле койчу, балам, жакында эле сууга түшкөнбүз» дейт. Түшпөгөнүн билип турам да, айылда мончо эмес, ысык суу жок. Сокендин оюн деле билип турам, кайненеси менен кайнатасын тазалайын деген деле ою болбосо керек. Бит-сити болсо жукпасын, үйгө жайылып кетпесин дечү болуш керек.
Бир жолу атам экөөбүз ичибизге 100 грамм киргенден кийин эркекче сүйлөштүк. «Ата, сиз шаарга такай тура албай «айылыма кетем» дей бересиз. Энемди колума алайын, сиз башка кемпир алыңыз» дедим. Адегенде «Уят го, карыганда мага ким тиймек эле?» деп каршы болду. «Аял табуу жагын мага кой» десем макул болгонсуду. Ошентип мен атама кемпир издей баштадым. Орто жаштагы, кебетеси түзүк аял таап, ал макул болду. Атамды жасантып, күйөөлөп барабыз десем так секирип эле каршы чыкты. «Макул болбодуң беле» десем, «энең уруксат бербей койду» дегенде селдейип туруп калдым. Өзүмдүн акмакчылыгымды ошондо сездим, бул жөнүндө энеме бир ооз айтпаптырмын. Атам өзү айтыптыр да, энем «алып эле көр» дептир. Ошону менен бул теманы экинчи козгогон жокмун.

«ТҮКҮРҮП КОЙЧУ» ДЕП СУУСУН АЛА ЧУРКАГАН ЭНЕМ ЖОК»
– Энем 83түн жашын жашап жатканда эмнегедир тамакты жакшы ичпей калды. Дароо эле билдим. Эртеси өзүмдүн ооруканама жаткырып текшердик. Андан кийин ашказанына операция жасап, түтүк кийирип, ошол аркылуу тамак бере баштадык. Алы кетип, арыктагандан арыктады.
Бир күнү түнкү сменде элем, аялым «тез кел, энем кыйналып жатат» деп калды. Чуркап барсам, деми кысылып дем ала албай жатыптыр. Көтөрүп балконго алып чыгып, кислород менен дем алдырдым. «Атаңды чакырт» дегенинен чакыртсам эртеси эле жетип келди. Атам келгенден кийин эле үзүлдү. Ошондо өзүмө, врач кесибиме таарындым, энемди сактай албаганыма кейидим. Эчен өмүрлөрдү сактап, мага өмүр берген энемди сактай албай мөгдөп калдым.
Айылга барганымда энем дайыма бир чыны суусун алып чыгып «түкүрүп койчу» деп башымдан тегеретип, чынысын эшиктин алдына көмкөрүп койчу. Акыркы жолу «койчу, эне, болбогон нерсеңди» десем, болбой артымдан ээрчип келип түкүрткөн эле. Кийинки жылы энем өлгөндөн кийин барсам, короодо кыбыр эткен бир киши жок, чынысын көтөрүп алдымдан чыккан энем жок. Заманам куурулду, көзүмө жаш айланды, сарайдын артына барып бир бакырып ыйлап алып эс алдым. Көрсө, энедей сени күткөн адам болбойт экен...

«Келбетим энем Батыйдын эле көчүрмөсү».

«Аялым Сокен кайненеси менен кайнатасы айылдан келгенде бакыртып эле ваннага салчу».

Сүйүн Кулматова
star@super.kg


 Кыстарылган видео 

“Энемди эстебей койгон бир да күнүм болгон жок” дейт Мамбет Мамакеев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(28)
Медиа-портал
16.11.2013. 01:18 
Тайпасы:
Жаран
Комментарийлердин саны:
97
Катталган:
06-11-2013
Соӊку аракети:
29-05-2017 10:20
Жынысы:
Белгисиз
+3
Кандай акылы терен инсан,ушундай адамдар коп болсо экен арабыз да,башым ийип таазим этем!
Медиа-портал
16.11.2013. 01:50 
Тайпасы:
Кыймылы жок
Комментарийлердин саны:
8
Катталган:
24-09-2012
Соӊку аракети:
05-07-2014 04:26
Жынысы:
Белгисиз
+4
Аябай таасирдуу суйлопсуз,козумдон жаш айланды, рахмат сизге.бар болунуз.
Медиа-портал
16.11.2013. 02:05 
Тайпасы:
Тартип бузгандар
Комментарийлердин саны:
105
Катталган:
09-10-2013
Соӊку аракети:
20-09-2015 23:18
Жынысы:
Белгисиз
+3
Кудайым сизге омур берип дагы коп жашаныз дагы да болсо коптогон адамдарга жардам колун созуп дартынан арылтыныз сздей инсандар жуз жылда бир эле жаралса керек бар болунуз.
Медиа-портал
16.11.2013. 02:52 
Тайпасы:
Кыймылы жок
Комментарийлердин саны:
4
Катталган:
10-11-2013
Соӊку аракети:
15-07-2014 20:31
Жынысы:
Белгисиз
+3
дагы коп жыл жашаныз кудай сизге омур берсин
Медиа-портал
16.11.2013. 14:02 
Тайпасы:
Жаран
Комментарийлердин саны:
379
Катталган:
28-05-2012
Соӊку аракети:
06-02-2017 15:52
Жынысы:
Белгисиз
Калаасы:
нарын
+2
омурунуз узун болсун.
Медиа-портал
16.11.2013. 15:55 
Тайпасы:
Жаран
Комментарийлердин саны:
580
Катталган:
06-03-2012
Соӊку аракети:
29-05-2017 11:19
Жынысы:
Белгисиз
Калаасы:
Эски шаар
+1
Канчалаган адамды Аллахтын амири менен куткарып келди.Кыргыз элимдин бешенесине бир жаралып калган улуу инсан экен да.Кыргыз эли сизге тизе бугуп таазим кылат.Озунуздой мыкты дарыгерлерди тарбиялап,оорулууларга даба болуп журо берин!
Медиа-портал
17.11.2013. 18:39 
Тайпасы:
Кыймылы жок
Комментарийлердин саны:
167
Катталган:
22-05-2007
Соӊку аракети:
14-09-2015 15:00
Жынысы:
Белгисиз
Калаасы:
Москва
+1
Сонун! Кудай дагы да бактылуулук берсин!
Медиа-портал
17.11.2013. 20:01 
Тайпасы:
Кыймылы жок
Комментарийлердин саны:
6
Катталган:
22-02-2012
Соӊку аракети:
08-07-2016 03:09
Жынысы:
Белгисиз
+1
Köп жашаныз!
18.11.2013. 10:38 
Тайпасы:
Тартип бузгандар
Комментарийлердин саны:
199
Катталган:
13-04-2013
Соӊку аракети:
10-09-2014 14:24
Жынысы:
Белгисиз
Калаасы:
4okun
+1
menin apamdy da uwu kiwi operaciya kylgan! aman bolunuz!
Медиа-портал
18.11.2013. 11:04 
Тайпасы:
Кыймылы жок
Комментарийлердин саны:
22
Катталган:
13-01-2012
Соӊку аракети:
31-05-2016 15:14
Жынысы:
Белгисиз
+2
Көп жашаныз, жумушунуздан көрүп аябай толкундангам, биз жаштар сизден үлгү алышыбыз керек, сиздей атуулдары менен бүтүндөй кыргызым сыймыктанат...
18.11.2013. 12:11 
Тайпасы:
Кыймылы жок
Комментарийлердин саны:
339
Катталган:
20-03-2013
Соӊку аракети:
11-08-2016 16:25
Жынысы:
Белгисиз
+1
Аябай тажрыйбалуу даарыгер. Кочулуктун омурун, ден соолугун сактап калган. Артынан окуучуларын даярдап жатат деп умуттоном.
18.11.2013. 13:19 
Тайпасы:
Жаран
Комментарийлердин саны:
94
Катталган:
25-02-2013
Соӊку аракети:
29-05-2017 15:56
Жынысы:
Белгисиз
Калаасы:
Кереметтүү жерде.
+1
Мамам ушул кишинин ооруканасында операция болгон. Азыр жакшы
18.11.2013. 13:25 
Тайпасы:
Жаран
Комментарийлердин саны:
228
Катталган:
16-10-2011
Соӊку аракети:
28-05-2017 06:21
Жынысы:
Белгисиз
Калаасы:
Москва
0
Атама башка кемпир алып берем дегени кызык экен.
Медиа-портал
18.11.2013. 17:04 
Тайпасы:
Жаран
Комментарийлердин саны:
24
Катталган:
01-04-2013
Соӊку аракети:
29-05-2017 13:30
Жынысы:
Белгисиз
+3
Кудайым Сизге омур берсин!энесинин коктуда ыйлап отурганын эскергенде мен да муунум бошоп козумдон жаш куюлду....акыл насаатынызды жерге таштабай,ата энелерибизди козу барда сыйлап алабыз агай!Сиздей инсан дуйнодо аз жашаса керек...
18.11.2013. 20:38 
Тайпасы:
Жаран
Комментарийлердин саны:
5
Катталган:
27-10-2013
Соӊку аракети:
29-05-2017 16:33
Жынысы:
Белгисиз
0
Аябай жакшы адам экенсиз омурунуз узун ден соолугунуз чын болсун.
19.11.2013. 10:58 
Тайпасы:
Кыймылы жок
Комментарийлердин саны:
92
Катталган:
17-02-2012
Соӊку аракети:
26-08-2014 14:13
Жынысы:
Белгисиз
+4
Аллах Тьаланын кудурети менен эчен омурлорду сактап калган десек туура болор беле. Биз ар бир кылган жумушубузга, жакшылык жамандыка себепчи гана болуп калабыз. Бир жумушту бутургондо мен кылдым мен бутурдум дегенде Аллахтын кудурети менен экенин унутпайлы мусулман бир туугандар.
19.11.2013. 14:59 
Тайпасы:
Тартип бузгандар
Комментарийлердин саны:
350
Катталган:
17-11-2010
Соӊку аракети:
11-02-2014 11:16
Жынысы:
Белгисиз
Калаасы:
Ош
0
бар болсун энелер!
19.11.2013. 17:12 
Тайпасы:
Жаран
Комментарийлердин саны:
220
Катталган:
13-05-2013
Соӊку аракети:
28-05-2017 08:45
Жынысы:
Белгисиз
Калаасы:
Ош шаары
+1
энеси жонундо ушундай сонун создорду жазыптыр! аябай трогательно) аябай куйумдуу экен, баардык уул Сиздей куйумдуу болсун энесине! Энесин уул катары аяп, атасына кемпир алып берем дегени да жакты, ишинизге ийгилик, ден-соолук!
19.11.2013. 19:11 
Тайпасы:
Кыймылы жок
Комментарийлердин саны:
0
Катталган:
24-01-2013
Соӊку аракети:
31-12-2013 21:34
Жынысы:
Белгисиз
0
АЛЛАХым ыраазы болсун!
19.11.2013. 20:12 
Тайпасы:
Жаран
Комментарийлердин саны:
580
Катталган:
06-03-2012
Соӊку аракети:
29-05-2017 11:19
Жынысы:
Белгисиз
Калаасы:
Эски шаар
0
Кыргыз эли сизге таазим кылат!Кылган иштериниз унутулбайт!
Медиа-портал
20.11.2013. 06:11 
Тайпасы:
Кыймылы жок
Комментарийлердин саны:
19
Катталган:
09-08-2011
Соӊку аракети:
25-10-2016 05:30
Жынысы:
Белгисиз
Калаасы:
New York
+1
Keremet maek beriptir bar bolunuz!
20.11.2013. 22:07 
Тайпасы:
Жаран
Комментарийлердин саны:
329
Катталган:
19-11-2012
Соӊку аракети:
17-05-2017 21:28
Жынысы:
Белгисиз
Калаасы:
новосибирск
+2
Окуп алып ыйлагым келди энени сыйлаган адамды ушунчалык сыйлайм бар болунуз
21.11.2013. 00:23 
Тайпасы:
Жаран
Комментарийлердин саны:
79
Катталган:
13-11-2013
Соӊку аракети:
28-05-2017 16:09
Жынысы:
Белгисиз
+1
ыйлагым келди кобуроок акыл насаат создорунуз менен эл алдына чыгып турунуз дагы узак жашаныз ыракмат интервью алган журналистке дагы чон ыракмат ушундай темалар кобуроок болсо
21.11.2013. 11:07 
Тайпасы:
Тартип бузгандар
Комментарийлердин саны:
226
Катталган:
12-10-2012
Соӊку аракети:
17-11-2016 13:04
Жынысы:
Белгисиз
+2
Эмчектеги баласын кантип журогу чыдап, таштап 1 кунго кетти экен энеси?..
21.11.2013. 18:24 
Тайпасы:
Тартип бузгандар
Комментарийлердин саны:
15
Катталган:
04-11-2013
Соӊку аракети:
22-06-2014 13:56
Жынысы:
Белгисиз
+1
Nur_meerim/ ал маалда турмуш ушундай болгон. еее ал кундорду естесем азыркы заманга кудайга шугур кылам.:D/ оото кыйын заман болгон ошондо, бир жагынан согуш ачарчылык.:D..,БУЛ КИШИНИН ИШИНЕ ИЙГИЛИК БАШЫНАН ОТО КОП КЫЙЫНЧЫЛЫК ОТКОРГОН ЕКЕН. БАР БОЛУНУЗ. ОООРУЛУУ АДАМДАРДЫН ОМУРЛОРУ СИЗДЕРДИН КОЛУНАРДА.
23.11.2013. 13:19 
Тайпасы:
Жаран
Комментарийлердин саны:
104
Катталган:
12-08-2013
Соӊку аракети:
23-05-2017 06:56
Жынысы:
Белгисиз
+1
Nur_meerim ал кезде жоо-жаландап журушкон,бир айылдан бир айылга барып келгиче бир кун отсо керек да.
23.11.2013. 13:23 
Тайпасы:
Жаран
Комментарийлердин саны:
104
Катталган:
12-08-2013
Соӊку аракети:
23-05-2017 06:56
Жынысы:
Белгисиз
+1
Кыргыз элимде сиздей адамдар коп болсун,аман болунуз!
21.12.2013. 01:07 
Тайпасы:
Жаран
Комментарийлердин саны:
217
Катталган:
07-07-2013
Соӊку аракети:
29-05-2017 20:00
Жынысы:
Белгисиз
0
yilap aldym....eneler aman bolsun4u!!!!!!!!!!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 

Супер-Инфонун статистикасы

Макалалар:
18850

Колдонуучулар:
67965
Жаңы катталган:
ilooklike
Эң көп колдонуучу:
43614
02 февраль 2017 10:01
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
0,478196144104