Akbuura gazeta

ТООК ЭТИН ТҮРЛӨП БЫШЫР

№776 15-21-сентябрь, 2017-ж.


Бүгүнкү күндө “McDonald’s”, KFC сыяктуу тез даярдалуучу тамактар тармактары тоок этин түрлөп бышырып сатып дүйнө жүзү боюнча ишкердиктерин жүргүзүшүүдө. Бул жайларда кардарлардын көптүгүнөн кезек күтүүгө туура келет. Андыктан аларды үй шартында андан даамдуу, пайдалуу кылып жасасаңыз болот. Ал үчүн сизден каалоо жана ачык маанай гана керектелет.

Наггет, стрипс, кардон блю сыяктуу тоок этинен жасалган даамдарга гарнир катары куурулган картошка, сууга бышырылган күрүч, гречка, жашылча салаттарын, соус катары кетчуп, каймак, тартар, айран берүүгө болот.


БАЛ ДААМДАНГАН КАНАТТАР

Даярдоо убактысы 60 мүнөт, 6 порция

КЕРЕКТЕЛҮҮЧҮ АЗЫКТАР:

Тооктун канаттары – 18 даана
Бал – 100 грамм
Чили соусу – 50 грамм
Соя соусу – 120 грамм
Зайтун майы – 1 аш кашык
Жүгөрү крахмалы – 1 аш кашык


ДАЯРДОО ЫКМАСЫ:

  1. Тооктун канаттарын жууп, тазалап, кургатып, туздан себелеп, тыныктырып коёбуз.
  2. Бул аралыкта маринад даярдайбыз: ал үчүн мискейге балды, чили, соя соустарын, зайтун майын куюп, үстүнө жүгөрү крахмалын салып аралаштырып, жай отто 5 мүнөттөй кайнатабыз.
  3. Даяр болгон маринадды канаттардын үстүнө куюп аралаштырабыз.
  4. Эми электр мешинин табасына пергамент кагазын төшөп, канаттарды тизебиз да, 200 градуста 45 мүнөт бышырып алабыз. Бышарга 15 мүнөт калганда арткан соустан дагы бир жолу сүртүп коюңуз. Бышкан канаттарды жашылчалар менен кооздоп дасторконго берсеңиз болот.


ЭСКЕРТҮҮ:
Тооктун шыйрактарын деле ушундай рецепт менен жасасаңыз болот.


НАГГЕТ

Наггетти эң алгач 1950-жылы Америкадагы университеттердин биринде иштеген, тамак-аш технологиясы боюнча профессор Роберт Бейкер жасап көрүп, тоок этин сактоо, тоңдуруу, ар кандай ыкмада бышыруу боюнча академиялык ишин жактап, өз рецептине патент алган.

Даярдоо убактысы 30 мүнөт, 4 порция


КЕРЕКТЕЛҮҮЧҮ АЗЫКТАР:
Тооктун төш эти –
500-600 грамм
Ун – 150 грамм
Сарымсак – 3 тишче
Кургатылган орегано – 1 чай кашык
Кургатылган райкан – 1 чай кашык
Калемпир – 2 чай кашык
Кургатылган нандын күкүмү же жүгөрү үлпүлдөгү (хлопья)1 стакан
Өсүмдүк майы – 0,5 литр
Татымына жараша туз


ДАЯРДОО ЫКМАСЫ:

  1. Тооктун төш этин жууп, суусун сарыктырып, узун-туурасын 4-5 сантиметрден, калыңдыгын 2-3 сантиметр кылып кесип алабыз.
  2. Чоңураак идишке унду, орегано, райкан, калемпирди салып аралаштырабыз.
  3. Башка бир идишке жумуртканы чагып, ага татымына жараша туз, мурч же калемпир, майда тууралган сарымсакты кошуп чалабыз.
  4. Катыган нанды же жүгөрү үлпүлдөгүн майдалап, өзүнчө бир тарелкага салабыз.
  5. Тоок этинин кесимин алып, алгач аны унга оонатып, андан соң жумурткага малып, кийин нандын же жүгөрү үлпүлдөгүнүн майдаланган күкүмүнө оонатып ысып турган майга салып эки тарабын кызартып кууруп алабыз. Наггеттер даяр.

Стрипсти жасоо жолу наггеттин рецептине окшош. Болгону стрипстин эти 1,5-2 сантиметр калыңдыкта жана 8 сантиметр узундукта тууралат.

КОРДОН БЛЮ

Даярдоо убактысы 60 мүнөт, 6 порция

КЕРЕКТЕЛҮҮЧҮ АЗЫКТАР:
Тооктун төш эти –
500-600 грамм
Колбаса (бууга бышырылган) – 150 грамм
Сыр – 100 грамм
Кургатылган орегано – 1 чай кашык
Калемпир – 1 чай кашык
Кургатылган нандын күкүмү – 1 стакан
Каймак май – 2 аш кашык
Өсүмдүк майы – 2 аш кашык
Татымына жараша туз, мурч


ДАЯРДОО ЫКМАСЫ:

  1. Каймак майды эритип, ага майда тууралган сарымсакты салып аралаштырабыз.
  2. Дагы бир башка идишке нандын майдаланган күкүмүн жана калемпирди салып аралаштырып даярдап алабыз.
  3. Тоок этин жууп, калыңдыгы 1 сантиметр болгончо ашкана балкасы менен чапкылап жукартабыз. Эми мунун эки тарабына тең туз, мурч, ореганодон себелейбиз.
  4. Колбаса менен сырды жука кесип, жайылган эттин ичине салып ороп, аяк жагын тиш чукугуч менен бекитебиз.
  5. Оролгон этти алгач каймак майга малып, андан соң нандын күкүмүнө оонатып, 180 градуста ысып турган электр мешинде кызарганча бышырып алабыз.

Дамира Арстанова
kenesh@super.kg



Наггетти үй шартында даярдоону үйрөнөбүз

Автор: Максат Орозумбетов
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(9)
Медиа-портал
19.09.2017. 12:23 
Тайпасы:
Жаран
Комментарийлердин саны:
26
Катталган:
21-12-2015
Соӊку аракети:
15-11-2018 15:55
Жынысы:
Белгисиз
-7
Туура эмес ,эч кандай жугору улпудогу ,сухари кетпейт,ундун озу хрустящий болот.
19.09.2017. 13:00 
Тайпасы:
Жаран
Комментарийлердин саны:
245
Катталган:
24-10-2016
Соӊку аракети:
16-11-2018 14:12
Жынысы:
Белгисиз
+1
Кургатылган орегано деген эмне? кайсы жерде сатылат ал?
19.09.2017. 13:32 
Тайпасы:
Жаран
Комментарийлердин саны:
6
Катталган:
07-02-2016
Соӊку аракети:
15-09-2018 17:52
Жынысы:
Белгисиз
0
Asyl10,приправа райхан сыяктуу жытту чөп.
19.09.2017. 14:49 
Тайпасы:
Жаран
Комментарийлердин саны:
213
Катталган:
28-11-2008
Соӊку аракети:
15-11-2018 17:23
Жынысы:
Белгисиз
0
Asyl10,,базарда эле лавровый лист, лагмандын татымалдары сатылат го ошол жерде, търъ бар охоо тандай бересин чарчабай
19.09.2017. 18:00 
Тайпасы:
Жаран
Комментарийлердин саны:
328
Катталган:
21-07-2014
Соӊку аракети:
15-11-2018 00:49
Жынысы:
Белгисиз
Калаасы:
Деңиз жээгинде.
+2
Asyl10,жашыл райканды базилик, кырмызысын орегано дешет го базардагылар.
19.09.2017. 14:14 
Тайпасы:
Жаран
Комментарийлердин саны:
28
Катталган:
08-05-2017
Соӊку аракети:
16-11-2018 19:38
Жынысы:
Белгисиз
+3
Супер инфо тороттон кийинки растяжкаларды кетируу ыкмаларын жазгылачы суранам
20.09.2017. 11:19 
Тайпасы:
Супермодератор
Комментарийлердин саны:
72
Катталган:
19-11-2013
Соӊку аракети:
16-11-2018 23:38
Жынысы:
Белгисиз
-1
Kaninaiman, саламатсызбы! Төмөнкү шилтемелер аркылуу өтсөңүз:
http://www.super.kg/article/show/30635
http://www.super.kg/article/show/14513
19.09.2017. 22:50 
Тайпасы:
Жаран
Комментарийлердин саны:
4
Катталган:
04-09-2017
Соӊку аракети:
07-01-2018 06:23
Жынысы:
Белгисиз
0
сонун!
21.09.2017. 00:42 
Тайпасы:
Жаран
Комментарийлердин саны:
53
Катталган:
23-08-2017
Соӊку аракети:
20-10-2018 00:06
Жынысы:
Белгисиз
Калаасы:
москва
0
жакшы экен уй шартында жасаганга рахмат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 944 колдонуучу (Катталган: 1, коноктор: 943) "Супер-Инфо" бөлүмүнө кирди:

shekerbek91

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: