«Жылдын супер дебюту»

Жыйынтык

Башка сурамжылоолор


Akbuura gazeta

ДАВИД ВИЛЬЯ

№416 22-28-октябрь, 2010-жыл.


Спорт жылдызы

Быйыл дүйнөлүк спорт асманында жарк этип жанган жылдыз Давид Вилья экени анык. Ал «ЮАР-2010до» Испаниянын чемпион болушуна зор эмгек сиңирип, мелдештин башкы бомбардири болду. Мындан тышкары «Барселонанын» курамына өтүп, күйөрмандарын мыкты оюндары менен кубантууда. Жана да ал – “2010-жылдын футболчусу” наамына башкы талапкер.

ДАВИД ВИЛЬЯ САНЧЕС

  • Туулган жылы – 1981-жыл, 3-декабрь.
  • Туулган жери – Лангрео, Астурия, Испания.
  • Бою – 175 сантиметр, салмагы – 67 килограмм.
  • Лакап аты – Балакай.
  • Жетишкендиктери – Испания курама командасынын курамында Европа («ЕВРО-2008») жана Дүйнө чемпиону («ЮАР-2010»); Испаниянын Суперкубогун «Реал Сарагосанын» (2004) жана «Барселонанын» (2010)курамында уткан; «Валенсиянын» курамында Испаниянын кубогунун ээси (2008).
  • Жеке сыйлыктары – «ЕВРО-2008дин» (4 голу менен) жана «ЮАР-2010дун» (5 голу менен) мыкты бомбардири; Испанияда “2006-жылдын мыкты футболчусу” наамынын ээси; Испания курама командасынын мыкты бомбардири.
  • Ойногон клубдары – «Спортинг Хихон» (2000-2003); «Реал Сарагоса» (2003-2005); «Валенсия» (2005-2010), «Барселона» (май айынан бери).
  • Испания курама командасынын курамында (2005-жылдан бери) 69 оюн өткөрүп, 45 гол киргизген.

4 ЖАШЫНДА ООР ЖАРАКАТ АЛЫП...
Давиддин атактуу футболчу болушуна атасы Хосе Мануэль Вильянын салымы зор. Футболчу Испаниядагы Лангрео деген көмүр кени чыккан шаарчага жакын жайгашкан Туилья аттуу айылда туулуп-өскөн. Мына ошол шахтада иштеген атасы уулунун да өзүнө окшоп кенде иштөөсүн каалаган эмес. Бул максатта ал уулуна топ сатып берет жана баары ошондон башталат. Кичинекей Давид атасынын белегин ойноп көрүп, топ менен ойноону (футболду) түбөлүккө сүйүп калган десек болот. Ошондо атасы уулуна топ алып берүү менен испан футболуна чоң белек тартуулап жатканын билбесе керек.
Давид мектепке китебин унутса да, топ ала барчу. Анан балдарды чогултуп, футбол ойноо үчүн сабактын бүтүшүн чыдамсыздык менен күтөр эле. Мугалимдер Давиддин ата-энесине уулунун жөндөмдүү экенин айтышып, окуп, чоң ийгиликтерге жетишүүсү үчүн футбол ойноого тыюу салууну суранышат. Бирок атасы андан баш тартат.
Атактуу футболчунун бала кезинде башынан өткөн бир окуясын айта кетпесек болбос.
Давид кичинекейинде бою кыска, арык болчу. Андыктан организмин чыңдоо үчүн атайын витамин ичип чоңойгон. Мына ошол 4 жаштагы назик бала чоң балдарга теңелип топ ойноп жүрүп жыгылып, оң жамбашын сындырып алат. Дарыгерлер «бутуна коюлган пластина, винттер аксоого алып келип, келечекте футбол ойной албашы мүмкүн» деген оюн айтышкан.
2 ай кыймылдабай жатуу, дагы бир нече ай гипс менен жүрүү 5 жашка чыга элек бала үчүн чоң сыноо болчу. Мына ушундай оор учурда уулунун футболчу болуусун каалаган атасы кечинде шахтадан чарчап келсе да, уулу менен машыгууга убакыт табат. Албетте, Давид топту сол буту менен ойноор эле. Кызыгы, учурда Давид – эки буту менен тең бирдей ойной ала турган универсал футболчу. Мунун сыры эми түшүнүктүү болсо керек.

МЕССИНИН КӨЛӨКӨСҮНДӨ КАЛАБЫ?
Давид футболдук чокуларды багынтууну өзү туулуп-өскөн Лангреодо баштаган. Ал жаш кезинен эле «Спортинг Хихондун» жаштар командасында ойноп, бардык тепкичтерди басып өткөн. Анан 18 жашында көптөн күткөн күнү келип, башкы командага чакыруу алган. Биринчи сезондо көбүнчө запаста отурганы менен, кийинки сезондо мүмкүнчүлүктү колунан чыгарган эмес. Ал 18 гол киргизүүгө жетишип, командасынын башкы чабуул-
чусуна айланат. Кийинки жылы голдорун 20га жеткирип, Испаниянын Жогорку Лигасында ойногон «Реал Сарагоса» клубуна чакыруу алган.
«Реал Сарагоса» менен алгачкы ири сыйлыгы – Испаниянын кубогуна ээ болот. Ошондо анын клубу финалда мадриддик «Реалды» 3:2 эсебинде жеңген эле. Ошентсе да Вилья дүйнөгө мыкты оюнчу катары «Валенсиянын» курамында ойноп жүрүп таанылган. Валенсияда жашаган 5 жыл ичинде ал Испания курама командасынын ишенген чабуулчусуна айлана алды.
Ал эми үстүбүздөгү жылдын май айында Вилья «Барселонанын» курамына өттү. Ал үчүн «Барселона» 42 миллион евросун аяган жок. Бул келишим жылдын эң кымбат трансфери болду.
Футболчуну­ таа­ныш­­тыруу салтанатына 46 миң күйөрман келип, каармандын өзү №7-катар санындагы футболка кийип турду. Эми футбол күйөрмандарынын арасында эки суроо жаралды: Вилья «Барселонанын» курамында Лионель Мессинин көлөкөсүндө жоголуп кетпейби жана УЕФАнын ЧЛсын жеңе алабы? Айта кетчү нерсе, анын буга чейин «Валенсияда», курама командада да ушул катар санында ойношу бекеринен эмес. 7 санынын астында анын келечегине жол ачкан атасы жана тун кызы Саида төрөлүшкөн.

ИСПАНИЯДАГЫ ЭКИ БАЛАКАЙДЫН БИРИ
Давиддин улуттук курама командадагы карьерасы жөнүндө төмөнкү эки мисал көп нерседен кабар берет. Ал Испания жеңип чыккан «ЕВРО-2008» менен «ЮАР-2010до» көп сандаган голдору менен командасына жеңиш алып берип, аталган мелдештердин башкы бомбардири болгон. Кызыгы, Испания курама командасынын ишенген эки чабуулчусу тең Балакай аталышат. Себеби Давид Вильянын да, Фернандо Торрестин да лакап аттары ушундай. Эгер испаниялыктар Торрести Эль Ниньо дешсе, Вилья кичинекейинен эле чоңдор менен ойноп жүрүп Эль Гуахе (астурий тилинен которгондо «балакай» дегенди билдирет) аталып калган. Кошумчалай кетсек, Давид Испаниянын курамында алгачкы жолу оюнга 2005-жылдын 9-февралында чыгып, Сан-Мариного каршы оюн көрсөткөн.

АЗЫРЫНЧА 3 АЙЫМДЫН ЖҮРӨГҮН БАГЫНТТЫ
Жакында окумуштуулар изилдөө жүргүзүшүп, европалык башка футболчулардан айырмаланып, испаниялык футболчулар 3 жылга кечирээк үйлөнүшөрүн айтып чыгышты. Алар муну менен «эмне үчүн испаниялык футболчулардын көбү бойдок?» деген суроого жооп беришкен. Айтор, үй-бүлө куруп, никеде бактылуу жашап келаткандардын арасында бүгүнкү каарманыбыз да бар.
Давид 21 жашында бала кезиндеги сүйүүсү болгон Патрисия Гонсалес менен баш кошкон. Экөөнүн Саида жана Олайя аттуу кыздары бар. Жубайы Патрисиянын өспүрүм кезинде профессионалдык деңгээлде футбол менен машыкканы маалым. Атактуу футбол жылдызы Давиддин жеке жашоодо бактылуу экенин анын үй-бүлөсү менен түшкөн сүрөттөрүнөн байкоого болот. Футболчу бош убактысын үй-бүлөсү менен өткөрүүгө аракет кылат.

КЫЗЫКТУУ ФАКТЫЛАР

  • 2006-жылы “Депортиво”-“Валенсия” беттешинде Пеленин кыялын ишке ашырган. Майдандын ортосунан топту экинчи тийүүсүндө дарбазага жолдоп, жеңиш голун киргизген. Ушинтип гол киргизүүнү кыялдангандыгын Пеле моюнга алган.
  • Майданга улуу кызынын аты жазылган «Адидас» фирмасынын спорттук бут кийимин кийип чыгат.
  • «ЕВРО-2008ден» кийин басылмалар Вильяны «Реалга» «кудалашкан» эле. Ошондо эки тарап футболчунун баасы боюнча макулдаша албай коюшкан. Тактап айтсак, «Реал» 5 миллион евросун аяп койгон.
  • 13-октябрда Шотландия менен болгон оюнда курама командадагы 45-голун киргизип, Раулдун рекордун басып өттү. Кызыгы, 45-голу беттештин
    45-мүнөтүндө кирген.
Базарбек Абдураимов


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(6)
23.10.2010. 01:43 
Тайпасы:
Кыймылы жок
Комментарийлердин саны:
297
Катталган:
17-06-2008
Соӊку аракети:
28-09-2013 12:59
Жынысы:
Белгисиз
Калаасы:
Кыргызстан, Бишкек
0
Давид Вилья - СУПЕР!!!!!!!!!!!1
25.10.2010. 09:54 
Тайпасы:
Кыймылы жок
Комментарийлердин саны:
2
Катталган:
21-04-2010
Соӊку аракети:
04-12-2014 16:31
Жынысы:
Белгисиз
0
мой герой, обожаю обожаю его!!!!!!!
25.10.2010. 11:15 
Тайпасы:
Кыймылы жок
Комментарийлердин саны:
2
Катталган:
21-04-2010
Соӊку аракети:
04-12-2014 16:31
Жынысы:
Белгисиз
0
мой герой!!!!!!!!!!!!
26.10.2010. 02:53 
Тайпасы:
Кыймылы жок
Комментарийлердин саны:
27
Катталган:
02-11-2009
Соӊку аракети:
28-04-2014 22:34
Жынысы:
Белгисиз
0
Valenciadagi oyunun ulantuusuna kozum jetpeit!
27.10.2010. 13:11 
Тайпасы:
Кыймылы жок
Комментарийлердин саны:
10
Катталган:
03-09-2010
Соӊку аракети:
08-02-2016 03:29
Жынысы:
Белгисиз
0
Да ему меньше повезло чем Пуйольу и Иньесте кто играл Барсе вот их можно хвалить,а это просто...
05.09.2012. 03:24 
Тайпасы:
Кыймылы жок
Комментарийлердин саны:
14
Катталган:
18-07-2012
Соӊку аракети:
13-09-2012 23:59
Жынысы:
Белгисиз
0
Барса без Вильи может играть даже...

1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 3711 колдонуучу (Катталган: 29, коноктор: 3682) "Супер-Инфо" бөлүмүнө кирди:

Eliznuku, Elina2801, Baiana2017, Kulatov, Nurbekkarataev, nurda00, mirlan.tulanbaev, NurAyim2013, Begim94, Aigesha1511, erjann, Aijan2905, Sultanmuratova94, nur85, Batken.m, Aidai05, Miraida2012, Djoni12, anipa11, aiposharysbekova, kulpunai08, Ryskulova, sumaya, Aika-123, Nurkyz1977, DUNI, Sicilya, asiana, Paprikafm

Макалалардын саны:
21565;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: