Гүлнур Асанова: «БИР УЧУРДА ЭКИ ЖИГИТ МЕНЕН СҮЙЛӨШКӨМ»
Калп тапкыч менен эрөөлгө бүгүн актриса, ырчы Гүлнур Асанова келип отурат. Ырчы кызды мындай эрөөлгө чакырганыбызда шыр эле макул болгонунан анын өзүнө ишенген бийкеч экенине ынандык. Адатта, белгилүү инсандардын көпчүлүгү калп тапкычтан чочулап, ал тургай “макул, барам” деген бойдон таптырбай кетишет.
Учурда жазбы? Гүлнур Асанова: – Ооба Калп тапкыч: – Ооба
Өзүңдү таланттуу актрисамын деп эсептейсиңби? Гүлнур Асанова: – Жок Калп тапкыч: – Ооба
Гүлнур: – Шүмшүк компьютер го (колун компьютерге кезеп), билип койдубу, ээ, алдайын десе, ха-ха. Чынын айтсам, “скромная” болуп, мактанбайын дегем. А негизи, өзүмө ишенем.
Өзүңдүн кесиптештериңе ич күйдүлүк кыласыңбы? Гүлнур Асанова: – Жок Калп тапкыч: – Жок
Гүлнур: – Мендей эле адамдар мага караганда чоңураак ийгилик жаратып жатышса, эмнеге ич күйдүлүк кылмак элем? Тескерисинче, эзилип жүрө бергеним үчүн өзүмдү жемелейм.
Кримчөйрөдө жакын досторуң барбы? Гүлнур Асанова: – Жок Калп тапкыч: – Жок
Гүлнур: – Атама болгон таарынычым али күнгө чейин бар. Бирок эмне себептен таарынып жүргөнүмдү көпчүлүккө айткым келбейт.
Бир эле учурда эки жигит менен сүйүү мамилесин түзгөн учурларың болду беле? Гүлнур Асанова: – Ооба Калп тапкыч: – Ооба
Гүлнур: – Ооба, андай болгон (күлүп). Бирок бир эле жолу. Жаман ойлобогула анан. Экөө тең эле билишчү. Кыскасы, бирөө менен мамилебиз бүтүп баратканда экинчиси менен сүйлөшө баштагам. Өздөрүнүн макулдугу менен.
Ушуга чейинки жашооңдо бир нерсе уурдап көрдүң беле? Гүлнур Асанова: – Жок Калп тапкыч: – Жок
Гүлнур: – Бул жактан ата- энебизден катуу тарбия алганбыз. «Эч качан уурулук кылбагыла» деген сөздү миң кайталашчу. Андай болушу мүмкүн да эмес.
«7-класстан бери чачымды өстүрүп келе жатам» деп өтө сыймыктануу менен айтып каласың. Чачыңды кестирейин деген оюң барбы? Гүлнур Асанова: – Ооба Калп тапкыч: – Ооба
Гүлнур: – Кээде кырктырып, башка чач жасалгага өтсөмбү деп кыялданып кетем. Андай ой келет.
Уркуя Салиеванын 100 жылдыгына карата уюштурулган сынакта өз эмгегиң менен жеңип чыктыңбы? Гүлнур Асанова: – Ооба Калп тапкыч: – Ооба (бирок Гүлнурдун аябай толкунданганы билинип турду)
Гүлнур: – Чындыгында, өз талантым менен эле жеңгем. А толкунданганым ошол кездеги күнү-түнү уктабай катуу даярданганыбызды эстеп кеткенимден болду окшойт.
Гүлнур: – Азыркы таптагы стилим өзүмө жагат. Жакпаса башкача болмокмун да.
Сенин кыялыңды чорт дешет. Бул чынбы? Гүлнур Асанова: – Ооба Калп тапкыч: – Ооба
Гүлнур: – Бир таарынсам, көпкө чейин таарынычым жазылбайт. Айлап, жылдап, өмүр бою жазылбай коюшу да мүмкүн. Ушул сапатым өзүмө жакпайт.
Сенин сүйүүңдү акчага сатып алса болобу? Гүлнур Асанова: – Жок Калп тапкыч: – Жок
Гүлнур: – Болсо болоттур, балким. Бирок меникин эмес.
Келсинбек Атабеков аттуу актёр менен сүйүү романында болгонсуңбу? Гүлнур Асанова: – Ооба Калп тапкыч: – Ооба (компьютерден катуу толкунданганы көрүнүп турду)
Гүлнур: – Ооба, ал жигит менен төрт жыл кыз-жигит болгонбуз.
Гүлнур: – Ар бир айым өзүнө сулуумун деп ишенүүсү керек. Ар кимибиз өзүнчө сулуубуз да. Мен деле Кудайга шүгүр элемин деп ойлойм.
Өзүңдү жылдызмын деп эсептейсиңби? Гүлнур Асанова: – Жок Калп тапкыч: – Жок
Гүлнур: – Азырынча алдыда аткара турган иштерим көп. Балким, ошол иштерим аткарылып, чыныгы жылдыз болгондо мени дагы калп тапкычтын сурагына чакырсаңар келип, “ооба” деп жооп берем, азырынча жок деп айтам.
Бакиевдердин бири менен жакын мамиледе болгонсуңбу? Гүлнур Асанова: – Жок Калп тапкыч: – Ооба
Гүлнур: – Ооба, Курманбек Салиевич убагында мага чыгармачыл адам катары колдоо көрсөткөн. Андан жакын мамиле болгон эмес.
Гүлнур:– Бир мырзаны жактырам. Ал менин сезимимди биле элек.
– Сыналгыдан көргөндө ушуга чейин калп тапкычка таптакыр ишенчү эмесмин. Ичимден ойлоп келаткам, компьютерди алдап көрөйүн деп. Чынында, суроолор берилип жатканда бир нече жолу алдаганга аракет кылдым. Бирок билинип калбадыбы. Алдынан толкунданып, коркконум менен, негизи, кызыктуу нерсе экен.
Чолпон Сүйүнбаева, Бахияна Сатылганова star@super.kg
Кыстарылган видео
Гүлнур Асанова: "Бир учурда эки жигит менен сүйлөшкөм"
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (25)
Kroxa
2012-04-24 16:09:43
маралдай сулуу кыздардын бири..элине кызмат отоп журо беришинди каалар элем....
0
AiTuShKa
2012-04-24 18:30:25
Ona takaya prostaya i krasivaya simpoti4naya...
Gordost' Kyrgyzstana=)
0
nurkq100
2012-04-24 21:21:28
Ушул Гулнур байлыка кызыккан адамга окшойт.Уй-було жонундо ойлобойтко........
0
look
2012-04-24 22:20:40
Гульнур негизи аябай тамашакой,ачык,талантуу кыз.мен сыймыктанам гульнур менен.бирок биз окуп жургондо мектепте лапшаны анча мынча илип коер эле анан да азыр эч озунун жерин Ташкомурдо чоноюп,ошол жерде окуп осконун айтпагандыгы окундурот.же уялабы айткандан апам аксыда,жалалабадда деп коп айтат.апасы ташкомурдо аябай жакшы эже,гульну сага ийгилик!!!
0
Bishkek
2012-04-26 06:11:34
azamat birok chachyndy kyrkpai ele koi ushundai culucun
0
Sanjarbratt
2012-04-26 22:57:41
эмнеге кыргызча эмес. Супер инфо кыргызча гезитле го
0
MiranA
2012-04-27 10:51:16
Sanjarbratt, биринчиден, полиграфты (калп тапкыч) иштеткен адам орус улутунда ошондуктан суроолор орусча берилген. Экинчиден, аппарат орусча "да", "нет" деген сөздөрдү гана тааныйт!
0
Taalaibek
2012-04-27 10:24:31
Гульнур сиз сулуу эмессиз, жон гана татынакайсыз. Анан эч убакта чачынызды кырктырбаныз, кудай алдында куноого батасыз, жана бактыныз качып кетет. Кыздын кырк чачы улуу.
0
saya4ka
2012-04-27 17:35:45
Taalaibek, "Эйее де?! ошондойбу ээ...
0
4aidai
2012-04-29 01:22:04
Жасалма кыз, мага анча жага бербейт. Чондор менен коп журот деп угам.Билбейм, бирок чачы узун экен.
0
gulya_93
2012-04-29 18:08:44
мамиле жасаганга караганда жакшы эле кыздай корунот бирок кинолордо жасалма болуп катышканы эч жакпайт чыйрыгыштуу
0
Bat
2012-05-10 08:51:38
look туура айтасын мен сага кошулам.
0
kamarik
2012-05-22 13:48:58
жасалма окшойт
0
toktobek
2012-06-08 00:51:56
Жооптору жакшыдай эле бирок -бир мезгилде эки жигит менен суйлошком дегени озуно жарашпай калыптыр
0
casio-ctk
2012-12-23 04:54:07
актрисалык чеберчилиги анча эмес,
0
casio-ctk
2012-12-23 04:56:20
министрдин кызы болуп ойногон,Мадинаны маегинерге чакырсанар соонун болмок,ошол кыз отто жакшы аткарган
0
kubi12
2012-12-23 21:10:22
Алга. Азаматсын!
0
Комментарий калтыруу үчүн өз ысымыңыз менен кириңиз же каттоодон өтүңүз.
