«ЮПИ» ОПЕРАЦИЯСЫ. КЫРГЫЗСТАН ҮЧҮН СЦЕНАРИЙДИ КИМ ЖАЗЫП ЖАТАТ?
ЖАҢЫ СЕЗОН СТАРТ АЛДЫ
2-сентябрь күнү телеканалдар кечки жаңылыктардын негизги бөлүгүн УКМКдан келип түшкөн оперативдик видеобаянга арнашты. Эрланбек Өмүралиев аттуу жаран оппозициянын өлкөнүн тынчтыгын бузуу, эгер ийгилик жылмайса коомдо пайда болгон паника менен нааразычылыктын негизинде бийликти басып алуу боюнча планын чекисттерге кенен айтып бериптир. Сөз оппозиция лидерлеринин катышуусунда 24-августта Соң-Көлдө өткөн жаштар курултайы туурасында. Эрланбек Өмүралиевдин айтымында, ал курултайга барган Садыр Жапаров, Аликбек Жекшенкулов, Талант Мамытов, Кубанычбек Кадыров, Мукар Чолпонбаев, жаш оппозициячы Чыңгыз Капаров жана башкалар өлкөдөгү тынчтыкты бузуу боюнча 3 вариантта план түзүшкөн. Алардын бири элге кеңири белгилүү болгон кадимки суусундуктун «урматына» «Юпи» деп аталган. Дал ушул план коомчулуктун көңүлүн өзгөчө бурду.
ПЛАН «Б» – БАЛЫКТАРДЫ УУЛАНДЫРУУ
Оппозицияда жүрүп, эми ал позициясынан кайткан Өмүралиевдин айтымында, оппозиция лидерлери «Юпи» планынын негизинде Нарын дарыясынын башына цианид төгүп уулап, балыктарды шприцтердин жардамы менен цианидге уулап, «Кумтөр» маселесин кайрадан туу кылып көтөрүп чыгышмак. «Ууланган дарыяны көргөндө эңкейген карылар да үйүндө тынч жатпай көчөгө кыйкырып чыгары анык. Соң-Көлдөгү курултай бүгүнкү бийликке элдин арасында нааразылар канчалык экенин, алардын реакциясын билүү үчүн уюшулган эле»,- дейт Өмүралиев. Эгер курултайга оппозиция лидерлери жана уюштуруучуларды кошкондо 200дүн тегерегиндеги эл барганын эске алсак, анда «Юпи» операциясынын максатын түшүнүүгө болот. Акаевди кубалоого 2005-жылы, Бакиевди кубалоого 2010-жылы 10 миңдеп чыккандай учурдагы бийликти кубалоого массаны жетелеп чыга турган орчундуу нааразычылыктар жокко эсе. Учурдагы президенттин бир туугандары же балдары добуштарды фальсификациялоо жолу менен депутат болуша элек же Кыргызстандагы майлуу-сүттүү мамлекеттик, жеке менчик ишканаларды басып алыша элек. Демек, азыр оппозиция учурдагы бийликке, негизгиси президентке каршы баш ооруну «Кумтөр» аркылуу гана жарата алат.
ОППОЗИЦИЯ КАЛП ТАПКЫЧТАН ӨТҮҮГӨ ДАЯР
Күтүлгөндөй эле Садыр Жапаров да, Аликбек Жекшенкулов дагы «бул маалыматтар карандай калп, фантастика» деп чыгышты.
УКМК Эрланбек Өмүралиев тарабынан айтылган маалыматтардын чын-бышыгын иликтеп жатканын жарыялады. Чуулгандуу видео элге көрсөтүлгөндөн кийинки күнү Аликбек Жекшенкулов менен Садыр Жапаров УКМК тарабынан суракка алынды. Аликбек Жекшенкулов Эрланбек Өмүралиев эч кандай тууганы эместигин, «бул боюнча калп тапкычтан өтүүгө даярмын» деп билдирди.
СЦЕНАРИСТ КИМ?
Акыркы күндөрү Кыргызстанда болуп жаткан окуяларды шурудай бир жипке тизип чыксак, алардын өнүгүшү атайын бир сценарий менен бараткандай сезим калтырат. 24-август күнү Соң-Көлдө талкуу чордонуна айланган жаштар курултайы өттү. 5 күндөн соң Баткендин Сары-Жаз жайлоосуна 5 парашютчу түшкөнү маалым болду. Коргоо министрлиги менен Чек ара кызматы бир нече күн издешип, парашют менен түшкөндөрдү таба алышкан жок. Аягында жөн гана издөөнү токтотуп коюшту.
31-август – Кыргызстандын эгемендүүлүк күнүнө карата өлкө башчысы Алмазбек Атамбаев телеканалдардын бирине маек берип, анда оппозициянын айрым өкүлдөрү коркунучтуу иш-аракеттерди пландаштырып жатышканы жөнүндө учкай айтып өттү. Ал эми 2-сентябрь күнү УКМК бул чуулгандуу видеону таратты. Өмүралиевдин айткандарына келсек, Нарын дарыясын «хизбут-тахрирчилер» ууландырышмак. Бул маалыматтан улам Баткенге түшкөн белгисиз парашютчулар аргасыздан эске түшөт.
МАДУМАРОВДУН КЕЗЕКТЕГИ ЖЭЭКТЕН ЖЭЭККЕ ӨТҮҮСҮ...
Учурда Кыргызстандагы оппозицияны кызматка, бийликке жетпей калгандар деп мүнөздөө туура болчудай. Анткени оппозициянын учурдагы бийлик жүргүзүп жаткан иштерге нааразычылыгы бар, бирок альтернативдүү сунуш-программасы жок. Адахан Мадумаровдун оппозициялык жээктен бийликти көздөй кезектеги өтүүсү ушуну менен байланыштуудур. Адахан мырза учурдагы оппозициянын күчүнө ишеним артпады көрүнөт.
Гүлмайрам Сабырбекова,
politika@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (44)
бирин кошун бирин же, кресло учун.
Дагы деле бар экен да тобоо жанагы С.Жапаров,А.Жекшенкуловдорго ишенгендер. Канча жолу алардын чыныгы жузун кордук.
asha302, кызык экенсин го. Ар бир адамдын жактаган адамы болот. Керек болсо селсаяктын да жактоочусу болот. Жапаров бийликти кетирем дебей туура маселе которуп атат. Кундордун бир кунундо кумтордун зыяны тиет ошондо анан Атамбаевди согуп каласынар. Ошондо дагы согушко улгургон адам согот.
asha302, туура айтасын, алардын ким экенин баары эле билет,бирок жогоруда аларга жан тартып жаткандар,ошолордун туугандары,тааныштары,жердештери ж.б. качан бизде ушундай болунуу-жарылуу жок болгондо олкобуз онолот
lolita, демек сиз Бийликтегилердин тууганы же эч болбосо жердеши экенсизда туура тушундумбу? Ким кандай болсо башканыда озундой ойлойт
Кимисине ишенеринди билбейсин,позициянда-опозитин да жоголгулачы! Мекенге ээ кылып, гулдотуп остуруп,онуктуруп алатурган кыргыздын кымыз жыттанган эр жигит азаматтары коп!
Карап туруп ушундай адамдарга тан каласын.Качан болсо элди ортого салышат бийлик,байлык учун эч нерсени аяшпайт.Андан коро бар кучторун мамлекетти онуктурууго,элдин абалын ондоого жумшашпайбы.Уят,арнамыс деген барбы буларда.
Кенешип кескен бармак оорубайт дейт андан коро кенештерин айтып биргеликте иш алып барышпайбы бийликке келсе эле кыйрата тургансышып.
Кимиси чын, кимиси карандай калп айтып жатат бир Кудай, анан оппозициячылар менен УКМК эле билбесе. Элдин башын айлантып бүтүштү.
эмне кылышса ошол кылышсын.дээги элдин башын айлантпай жайына койсо жакшы болот эле.Улам бир спектакльдын башын кылтыйтпай.
Эрланбек Өмүралиев,Садыр Жапаров, Аликбек Жекшенкуловту УКМКга алып келип элдин козунчо беттештирип корсун, ошондо билинет жана акыйкаттык турдо чечилет. Антпесе азыркы милиция, сот, прокуротура да бийликтин айтканынан чыга албайт. Канчалаган кылмыштын бети ачылбай келе жатат!!! (Ош окуясы, Батукаев ж.б ушул сыяктуу).
Супер Инфо бир тарап маалымат берип койгондой болуп калыптыр. Анан бул жерде айта турган болсок, тескерисинче бийликтин оппозицияны каралоо планы экенине шек жок. Ушундай кылганда гана оппозиция бир кыйла тынчыйт деген ойдо болгон. Кыскасы кыныр иш 40 жылда эмес аз эле убакта билинет.
Ушунчалык мыкаачылык пландары бар,кыргыз элинин турмушу менен ойногон,суусун булгаган кишилерди туугандары эле колдобосо,башка нормальный,жери учун куйгон киши колдобойт.
Биздин бийлик Мексиканын сериалындай. Качан корсон, баягы эле окуя, бутпос ушак-айын, интрига.
Азыр Кыргызстанда президентке татыктуу бир эле инсан калды ал да болсо МАДУМАРОВ !!!
Опозициямын дегендер мурдагы бийликтеги кишилер. Ушулар кыйын болсо мурда эле Кыргызстанды алдыга жылдырбайт беле. Айтканга женил,тигил мындай бул мындай деп. Кыргыздар качан биз ынтымакта жашайбыз, биргелишип иштейбиз?
