Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Элмирбек Иманалиев: «ГҮЛБҮБҮ МЕНЕН ЖАШАГАНЫМА ДА, АЖЫРАШКАНЫМА ДА ӨКҮНБӨЙМ»

№298 18-24-июль, 2008-ж.


“Айтыш” фондунда эмгектенип келаткан ак таңдай төкмө акын Элмирбек Иманалиевди кимдер гана тааныбайт. Айтбү эненин 48 жашында көргөн көкүрөк күчүгү Элмирбек 1978-жылы Токтогул районунун Өзгөрүш айылында туулган. Жаш болсо да таланты менен кадыр-баркка ээ болгон төкмө акын 15 жашында алгачкы сүйүүсүнө жолугуп, баш кошкон эле. Жакындан бери «бул үйбүлөнүн очогу бузулду» деген имиштер эл оозунда жүрөт. Элмирбекке жолугуп, жеке жашоосундагы жана чыгармачылыгындагы акыркы жаңылыктары туурасында өзү менен маек курган элек.

Төкмөлүктүн башаты. Чыңгызды жоктоо
– Менин төкмөлүк жолум манас айтуудан башталган. Радиодон манас айткандарды угуп калсам ичим уйгу-туйгу болуп, өзүмө-өзүм батпай кетчүмүн. Чоң энем кадимки Токтогулдун үзөңгүлөшү Эшмамбеттин кызы болгон. Ошондуктан, төкмөлүк канымда болсо керек деп ойлоп калам. Жаттап, кээде оюмдан да чыгарып алып тамдын аркасына жалгыз барып, күнүгө манас айтаар элем. Бир күнү менин манас айтып жатканымды байкем тыңшап туруптур да, мага: “Сен айткандар китепте жок, оюңдан чыгарып айтып жатасың”,- деп катуу уялткан. Ошондон кийин оюмдан чыгарып айтмак түгүл, жаттап да айтпай калгам. Байкем антпегенде, балким, мен манасчы да болмок белем, ким билет. Андан кийин комузга ооп кеттим. Комуздун коштоосунда ырдаган өнөрүм­дүн тушоосу 6-классымда кесилди. Үч айыл биригип биринчи жолу Нооруз майрамын өткөрдүк. Ошондо алгачкы жолу эл алдында саламдашкам. Менин бул жоругум Тууганбай Абдиевге жетип, анан ал мени шаарга алып кеткен. Ошентип, борборго келгенден кийин төкмө акын катары элге тааныла баштадым. 15 жашымда “Ак таңдай-93” фестивалында Гран-Прини жеңип алдым.
– Ошол учурда бир топ обондоруңуз элдин сүйүк­түү ырына айланды. Актёр катары да көп­төгөн роль жараттыңыз. Эми чыгармачылыгыңыздагы акыркы жаңылыктарга токтолсок, Айтматовду акыркы сапарга узатуудагы жоктооңуз элдин жүрөгүн бир толкутту окшойт...
– Айтматовдун бул жарык менен коштошкондогу жандүйнөмдүн ыйы ырга айланды. Ал ырга айланган ый “Айтыш” фондунун жалпы жамаатынын жардамы менен видеоролик болуп чыкты. Видеоролик менин ак калпак кийип, комуз кармап Чыңгыздын чоң портретинин алдына келип шам жагуум менен башталат. Жарык жазуучунун портретине, ак калпакка жана комузга берилген. Бул – «кыргыз экенибизди тастыктаган калпак менен комузга Чыңгыз деген өчпөс ысым кошулду» деген ойду билдирет.

Жашоодогу бурулуш
– Чыгармачылыгыңыздагы ийгиликтериңизди бүтүндөй жумурай-журт билет. Бирок, жеке турмушуңузда чоң бурулуш болду деген имиштер бар...
– Бул имиш эмес, чындык. Бир кезде сүйүүнүн ысыгына туруштук бере албай баш кошкон жубайлар элек, эми минтип эки тарапты беттеп кеттик. Гүлбүбү менен жашаган 15 жылдык өмүрүмдө менин көзүм ачылды, ал киши менен чогуу жашаганыма да, ажырашканыма да өкүнбөйм. Гүлбүбү менен алгач таанышып, жаңы үйлөнгөн учурумду эстегенимде азыр да жүзүмдө жылмаюу пайда болот. Биз 1994-жылы таанышканбыз. Анда мен 15те, Гүлбүбү 16да болчу. Мен филармонияда, Гүлбүбү Күрөң­кеев атындагы музыкалык окуу жайында окучу. Сүйлөшүп жүргө­нүбүзгө бир жыл болгондо эле үйлө­нүп алганбыз.
– Жаш турмуш куруп жатканыңарга ата-энеңер каршы болушкан жокпу?
– Алар каршы болгонго жетишпей калышты. Биз үйлөнчү датабызды белгилеп, анан ата-энелерибизге кабарладык. Ошентип, 1995-жылы үй­лөн­дүк. Ошол жылы Айзуура аттуу кыздуу болдук. Ашыраалы Айталиев окуу жайдагы үнү бар улан-кыздарды бөлүп алып, “акын кылам” деп окута баштады. Алардын арасында Гүлбүбү да бар болчу. Ал акындык боюнча экзамен тапшыраарда мен ыр жазып берээр элем. Ошондон улам ага: “Сен акын болуп кетпейсиң, андан көрө вокалдан сабак алып, ырчы бол”,- деп Полотов агайга сүйрөп бардым. Күрөңкеевди бүткөн­дөн кийин “билимин дагы улантсын” деп Искусство институтунан окуттум. “Азыркы шоу-бизнестегилер машина минет экен” деп автомектептен окутуп, машина алып бердим. Баса, Гүлбүбү Искусство институтунда окуп жүр­гөндө кичүү кызым Сезим 1 жашта болчу. “Окуусу үзгүлтүккө учурабасын” деп аны өзүм бактым. Ошол учур менин басып өткөн өмүрүмдөгү сөз менен айтып бере алгыс учур дегим келет. Анын тамак ичкенин, жөрмөлөгөнүн, кыскасы, баарын-баарын күндөлүк кылып кагазга түшүрчүмүн. Ошол күндөрүмдү сагынып, ошол күндөргө кетким келет.

Ажырашууга алып келген жол
– “Казан-аяк кагышат, эрди-катын табышат” дегендей, үйбүлөдө үй­лөн­гөндөн тарта анча-мынча чатактар болуп жүрдү. Бирок, кайра эртеси эле табышып алчубуз. Кыргыздын башка келиндеринин башына түшкөндөй кайнене-кайнатасын багып, кир-когун жуумай дегендер Гүл­бүбүнүн башына түш­көн жок. Анан ал “ырдайм” деп чыкты. Анда да колдодум. Бирок, ошондо эмне максат менен ырдаганы жатканын сураган элем. Гүлбүбү көпкө ойлонуп отуруп: “Сен ырдап жүрө­сүң го, мен деле сени менен тең ырдашым керек”,- деп жооп берген. Мындай жооптон кийин бизде да бир кезде үйбүлөдө келишпестик болоорун сезген элем. Эркек көбүнчө сыртта болуп, үйдүн жок-житигин толуктап турат. Ал эми аял киши бала-бакыраны багып үйдө отуруу керек. Мен барган аш-тойго Гүлбүбү да барса, экөөбүз тең түн ичинде келсек, анан уруш-талаш чыгат да. Анын үстүнө, сүйүүнүн да балалыгы, эс тарткандагысы, картайганы болот окшойт. Биздин сүйүү да картайды го деп ойлойм.
– Акыркы убакта арак көп ичип кеткениңиз туурасында сөздөр айтылып жүрөт. Балким, ажырашууңарга ошол да себеп болгондур?
– Эл ичинде ар кандай сөздөр жүрө берет эмеспи. Арактан башым чыкпай, таптакыр эле кууп кеткен жокмун. Туура, кээде аш-тойлордон ичип келчүмүн .

“Ажырашканыбыз кыздарыма катуу тийди”
– Гүлбүбү эжени эки кызын алып, бир бизнесменге тийип кетиптир деп уктук...
– “Эки кызын алып кетиптир” деген сөз калп. Азыр каникул эмеспи, ошондуктан, экөө тең Токтогулдагы агамдыкына кетишкен, ага чейин үйдө эле жү­рүштү. Албетте, апасы менен тез-тез жолугуп турушат. Айзуура 13тө, Сезим 10 жашта. Экөө тең аркы-беркини түшү­нүп калышты дегендей. Биздин ажырашканыбыз балдарга абдан оор тийди. Мени өзүм­дүн жашоомдон да кыздарымдын тагдыры катуу ойлонтот. Биз жаңыдан ажырашып жүргөндө балдарымдын ошондогу абалын көрүп жан күйгөн­дөн ыр да жазган элем.
«Турмушуң турса ортодо араң курган,
Азабың, шоруң, сүйүүң, арзууң калган.
Балдарың көзү жайнап элеңдешсе,
Башыңа салбагыр, ай, ошол жаман».
Үйбүлө очогубуз урап түшөөр алдында Гүлбүбү: “Мен Замир деген бажыканачы менен жүрөм, анын аялы экинчи аял алышына каршы эмес экен”,- деп өзү айткан. Азыр бизнесменге же бажыканачыга турмушка чыктыбы же чыккан жокпу, билбейт экенмин.
– Аял кишинин “башка менен жүрөм” деген сөзү эркекке катуу тийсе керек?
–Жашырганда эмне, Гүлбүбүнүн оозунан ушундай сөздү уккандан кийин кардиологияга он күн жатып калдым. Бирок, мен ал сөзгө мурунтан эле даяр болчумун десем болот. Анткени, бир аял телефонума бир жылдай чалып: “Аялыңды тый, башка менен жүрөт”,- деп жүрдү. Ал аялга “жолугушуп кенен сүй­лөшпөйлүбү” десем, болчу эмес. “Анда экинчи чалбаңыз, мага мындай ушактарды айткан убактыңызга башка пайдалуу иш кылбайсызбы?!”- деп урушчумун. Мен өзү ушактын негизинде жыйынтык чыгарган жан эмесмин. Жогорудагы сиздин “аракты көп ичип кеткен турбайсызбы?” деген сурооңуз ошол учурга таандык болушу мүмкүн. Турмушумдун мага камдап жаткан бурулушуна туруштук бере албай, ошол учурда күчүмдү арактан чыгарып жибергем.
– Мыйзамдуу түрдө ажыраштыңарбы?
– Мыйзамдуу түрдө ажыраша элекпиз. Бирок, эки бөлөк жашап жатканыбызга бир жыл болду. Досторум, тааныштарым деле эми-эми эле биле башташты.
– Өзүңүздүн жогоруда айткан “сүйүү да картаят экен” деген сөзүңүздөн улам суроо туулат экен. Сүйүүлөрүн муздатпай бул дүйнө­дөн чогуу жашап өткөндөр да бар эмеспи...
– Жашоодо кээбирлер жакшы карыса, кээбирлер кыз-келиндерине жаман көрүнүп жаман карышат. Ошонун сыңары, айрым сүйүүлөр жакшы карыса, айрымдар аз убакыттын ичинде эле мурункудай ысык болбой, жаман жакка бурулат. Гүлбүбү экөөбүздүн сүйүү­бүз эрте эле сууп калды деп ойлойм.
– Убактыңызды бөлүп, кызыктуу маек куруп бергениңизге чоң рахмат. Ырларыңыз менен элди сүйүнтүп, эл арасында аман болуңуз.

Жаңы үйлөнгөнүбүздө мен 15те, Гүлбүбү 16да болчу.

Бир аял телефонума «аялыңды тый» деп бир жылдай чалып жүрдү.

... ушундай сөздү уккандан кийин кардиологияда он күн жаттым.

Маектешкен Сүйүн Кулматова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(3)
05.02.2016. 21:00 
Тайпасы:
Жаран
Комментарийлердин саны:
14
Катталган:
20-01-2014
Соӊку аракети:
05-02-2018 14:10
Жынысы:
Белгисиз
+2
Таланттуу адам
29.02.2016. 21:22 
Тайпасы:
Жаран
Комментарийлердин саны:
44
Катталган:
17-01-2016
Соӊку аракети:
13-09-2018 21:26
Жынысы:
Белгисиз
0
Тоооба.ишенгин келбейт
06.03.2016. 20:30 
Тайпасы:
Жаран
Комментарийлердин саны:
30
Катталган:
16-02-2014
Соӊку аракети:
06-09-2018 23:08
Жынысы:
Белгисиз
+2
Мен дагы уккам мурда эле ишенчи эмесмин эми ишендим балка менен келип калганына!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: