Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Нурлан Мотуев: «ЭКИНЧИ ҮЙЛӨНБӨЙМ ДЕП КАЙНАТАМА СӨЗ БЕРГЕМ»

№300 1-7-август, 2008-ж.


Көптөн бери гезитибиздин WWW.SUPER.KG расмий сайтындагы форумда көпчүлүккө белгилүү коомдук ишмер Нурлан Мотуев форумдун тургундары жана коноктору менен кенен баарлашып, суроолорго жооп берип жаткан эле. Бул кызуу маекти жалпы окурмандарыбыз менен да бөлүшүү максатында гезит бетине жарыялаар алдында Нурлан мырза менен чакан маек курууну туура көрдүк.

ӨМҮР ТАРЖЫМАЛЫ
Мотуев Нурлан Аманканович 1970-жылы 10-декабрда Фрунзе шаарында төрөлгөн. Атасы Мотуев Аманкан – кесиби боюнча экономист, апасы Усукеева Алмакүл – врач. Үйбүлөдө Нурлан мырза үч биртуугандын эң улуусу. 1977-жылы Жумгал районунун Чаек айылындагы Т.Турсунбаева атындагы орто мектепке биринчи класска барган. 1987-жылы мектепти ийгиликтүү аяктап, Орусиянын Тюмень Мамлекеттик университетинин филология факультетине тапшырган. Бул окуусун 1994-жылы аяктап, бир жыл ал жакта жеке бизнес иштери менен алектенген.
1995-жылы АКШга жол тартып, 1996-жылы Вашингтон шаарындагы Дипломаттык тилдерди тейлөө институтуна тапшырган. Институтту 1999-жылы аяктап, АКШнын мамлекеттик департаментинде дипломаттарга кыргыз, орус тилдеринен сабак берип, эмгек жолун баштаган. Ошол эле учурда “Асаба” гезитинин АКШдагы кабарчысы болуп ишке кирген. 1999-жылы 14-июнда бул гезитке анын Акаевди сындаган алгачкы макаласы жарыкка чыккан. Ошол күндөн азыркыга чейин Нурлан Мотуев гезит беттерине кыргыз, орус, англис тилдеринде бардыгы 3 миңге жакын макаласын жарыялоого жетишти.
2001-жылы өз мекенине кайтып келээри менен оппозициячыларга кошулуп, Элдик патриоттук кыймылын түзгөн. Көпчүлүккө Кыргызстандагы радикалдык оппозициянын негиздөөчүлөрүнүн бири катары да жакшы таанылган.
2005-жылы 24-марттагы окуядан кийин “Каракече” көмүр кениндеги “Ак улак” мамлекеттик акционердик коомунун башкы мүдүрү болуп иштей баштайт.
2006-жылдын май айларынан 2007-жылдын апрелине чейин “мамлекетке материалдык зыян келтирген” деген күнөө менен камалып, СИЗОдо отурган. Муну Нурлан мырза “саясый көз караштарым үчүн куугунтукталдым” деп эсептейт.
2007-жылдын апрель айынан бүгүнкү күнгө чейин ААК “Каракече” мүдүрлөр кеңешинин төрагасы.

Интервью берип кетүүсүн суранганыбызда редакциябызга келген “көмүр королу” форумдагы өзүнүн дарегине түшкөн акыркы суроолорго жооп берүү үчүн интернет-клубга киргенинде катталган ысымы менен сайтка кире албай койгонун айтып күйүп жатты...
– Бул дагы саясат да. Кантип эле мурда кирип жүргөн ысымым менен ошол эле сыр сөзүм бүгүн жарабай калсын?! Керек болсо бул менин кайсы душманымдын колунан келгенин да билем.
Сыр болбосо, кимден көрүп жатасыз?
– Кимден болмок эле. Акаевчилердин же куловчулардын колунан келген иш да. Буга чейин деле менин интернетти жакшы билбегенимди пайдаланып, ар кайсы сайттарда мени жаманатты да кылышкан. Бирок, чындык дайыма жеңет. Алардын жаман ойлору ишке ашкан жок. Ашпайт дагы. Бул тууралуу мен форумда да жазгам, окуган чыгаарсыңар.
Ооба, окуганбыз. Форум демекчи, дегеле биздин расмий сайтыбыз жана форум туурасында оюңуз кандай?
– Мурда сиздердин форумда ырчылардын суроолорго жооп берип жүргөнүн гезиттен окуп турчумун. Эми өзүм катталып, ал дүйнө менен да аралашып көрдүм. Негизинен, форум пикир алышуунун өзгөчө түрү экен. Анан да ал жактагы кээбир жаштардын одоно суроолорун эске албаганда ыйман жөнүндө көп сурагандары жакшы экен. Жалпысынан алганда, форум мага аябай жакты.
Андагы суроо-жооп­торду окуп отуруп, “учурдагы өз күчүнө ишенген белгилүү саясатчыларыбыздын бири Нурлан Мотуев балалыгында кандай бала эле?” деген суроо туулат экен. Балалыгыңыз туурасында сөз болбоптур...
– Эми ал кезди эстесем, башка балдардан өзгөчөлүгүм катары үч жашымда тамга таанып, төрт жашымда гезит окуп, беш жашымда Асанбек Стамовдун “Нөшөрдөн кийин” романын окуп чыкканымды айтсам болот. Ошол кезде жаңы келген бир жеңем бар болчу. Ага айтып берип койсом, азыркыга чейин таңкалат. Ишенбесеңер ал же­ңем­дин өзүнөн сурагыла, телефонун берем.
Сөз ор­то­сунда бир суроо берип алайын. Көп аял алууга кандай карайсыз?
Мен бир эле аял менен жашайм. Анткени, кайнатама “экинчи аял албайм” деп сөз берип койгом.
Баса, форумдагы дагы бир козголгон маселени тактап алалы деген элем. “Жакында бийликтегилер мага кызмат беребиз дешти” дептирсиз. Сыр кылбасаңыз, ошол туурасында айта кетсеңиз...
– Эми аны сыр кылганда эмне?! Ооба, мага “жакында кызмат ордун беребиз” дешкен. Мисалы, М.Садыркулов “сени Ысыккөлдүн бир районуна аким кылабыз го” деген. Ал эми Т.Мамытов президентибиз Бакиевге кирсе, “Нурлан дагы бир аз күтө турсун, кызмат беребиз, жок дегенде бир мамлекеттик агенттиктин мүдүрү кылалы” дептир.
2005-жылдын март айында болуп өткөн саясый бурулушта бир идеяны колдоп чогуу жүрүп, кийин идеялаштарыңыз сизди каматып жиберишти эле. Эми кайра “кызмат ордун беребиз” деп калышса, таңкалбай койбойт экенсиң. Президентибизге эмнеңиз менен жактым деп ойлойсуз?
– Менин прав экенимди, башкача айтканда, 2005-жылы 24-мартта мамлекеттик төңкөрүш эмес, революция болгонун СИЗОдо жатып эскертпедим беле. Ошого ынанды го.
– Маегиңизге чоң рахмат. Ишиңизге ийгилик.


БЕЛГИЛҮҮ САЯСАТЧЫЛАРДЫН Н.МОТУЕВГЕ БЕРГЕН БААСЫ

Турсунбай Бакир уулу, саясатчы:
– Нурлан Мотуев – бү­гүн­кү күндөгү эң таза кишилердин бири. Өз ишин так аткарган, айткан сөзүнө турган мыкты жигит. Чындыгында, Нурланды алдаган саясатчылар жана укук коргоочулар көп болду. Менимче, эми “бышып” калды го. Мындан кийин алданбайт болуш керек. Эгерде “бүгүнкү күнү түндүк аймактан чыккан мыкты инсандардан бешөөнүн атын ата” десе, сөзсүз Нурланды айтмакмын. “Үчөөнүн атын...” десе да, алардын арасына кошот элем. Эки жүздүүлүгү жок, түз жүргөн инсан. Жакында “үйлөнүптүр” деп уктум. Үйбүлөсү бекем, денсоолугу чың болсун демекмин.

Бегалы Наргозуев, ЖКнын депутаты:
– Эми, негизинен, саясатта ар кандай деңгээл­деги, ар түрдүү темпераменттеги саясатчылар болуш керек да. Мен ойлойм, Мотуев дагы өзүнүн деңгээлине жараша иш алып барган саясатчы. Ага болгон көз карашым түз эле. Бирок, бул киши менен мен жакындан тааныш эмес экенмин. Ал эми аткарган иштери жөнүндө гезиттерден гана окуп калам. Ал жакта “мен муну аткардым, тигини жөнгө салдым” деп эле жүрбөйбү. Анан да, өзүнүн айтуусуна караганда, «Каракечени» тартипке салыптыр. Эгер бул сөз чын болсо, анда жакшы. Эгер куру сөз болсо, анда билбейм.

Азимбек Бекназаров, “Асаба” партиясынын лидери:
– Эми Мотуев жөнүн­дө эмне демек элем?! Биздин замандын таанымал баатырларынын бири. Тактап айтканда, Акаевдин, аны улантып жаткан Бакиевдин заманынын. Башка эч нерсе дей албайм, кыскача менин Нурлан Мотуевге болгон ой-пикирим ушул эле. Жанагы башта айтып кеткен «баатырларынын бири» деген сөздү тырмакчага алып койсоң болот. Айтаарым ушул.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: