18-майда Бишкек шаарындагы Кожомкул атындагы Спорт Ордосунда «Тамашоу» Лигасынын 6-сезонунун финалдык оюну болуп өттү. Бул ирет чемпиондук кубок үчүн 6 команда ат салышты. Алар: «Элестет», «КыргызДвор», «Бишкек», «NutsТан», «Позитифф» жана «Nо name» командалары.
6-сезонду жыйынтыктоочу оюнда командалар «Фристайл», «Ким тапан?», «Музыкалык тапшырма», «Видео тапшырма» жана «Капитандар сынагы» тапшырмалары боюнча күч сынашты. Командалардын өнөрлөрүнө КРнын Эл артисти Гүлнур Сатылганова, эстрада ырчысы Урмат Усенов, SUPER.KG порталынын директору Бактыгүл Сокушова, ырчы Омар, юрист Жоомарт Жолдошев жана спортчу Кумар Жалиев калыс болуп, баа беришти. Жыйынтыгында сезон башталгандан тарта эле «сөзсүз чемпион болобуз» деп кубокко «жуучу түшүп» келатышкан «Nо name» командасынын көптөн күткөн тилеги орундалып, чемпиондукту бөктөрүп кетишти. Оюн соңунда команданын капитаны Мурат Жалиев кубанычы менен бөлүшүп жатып «Тамашоуго» 6 жылдан бери катышып келе жатабыз. Даярдык жакшы деңгээлде болгон. Мына, акыры жеңишке да жетип отурабыз. Мындан ары биздин жолубузду шакирттерибиз улайт. Оштон таланттуу балдарды тандап алып, капитандыкты өткөрүп бердим» деди. 2009-жылдан тарта татыктуу оюн көргөзүп келе жаткан «жаңы чемпиондор» мындан тышкары калыстардын атынан 10 миң сом акчалай сыйлык менен сыйланышты. Ошондой эле «Тамашоунун» демөөрчүлөрүнүн атынан Ысык-Көлгө эс алууга жолдомо, акчалай сыйлык жана ноутбук сыяктуу белектерди алышты. Ал эми 2-орунга «Позитифф» командасы татыктуу болуп 8 миң сом алышса, 3-орунга илинген «NutsТан» командасы 4 миң сомду чөнтөктөрүнө сала кетишти.
«АЙ, ЧАЛ, ҮМҮТ КЫЛБА, АППЕНДИЦИТ ЭКЕН» Финалдык таймашта «тамашоучулар» көрүүчүлөрдү төмөнкүдөй тамашалары менен сугарышты. «Мага жаккан ак көйнөгүң кийип кел, Уят кылбай жакасын сен жууп кел...»
(«Элестет»)
* * *
– Айылдыктар – красавчик! – Анда кечкисин «Ала-Тоо» аянтында жалаң красавчиктер жүрөт экен да.
(«КыргызДвор»)
* * *
Кыз-жигит сейилдеп жүрүшөт. Кыз: – Ай, ичим... Жигит: – Абайла, жаным. Кыз: – Эмне түштөн кийин айтып жатасың, 9 ай мурун абайлаш керек болчу.
(«NutsТан»)
* * *
90 жашка чыккан чалдар төрөткананын алдында турушат. Бири кыйкырат: – Ээ, кемпир, уулбу же кызбы? – Ай, чал, үмүт кылба, аппендицит экен.
* * *
– Бул макалды улачы. «Кунажын көзүн сүзбөсө...» – Анда ал бука!
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (51)
best-life
2014-05-29 02:09:10
No name тобу женесинин бир саны кайнисиники деген ролу мн менин эсимде калган. Мыкты команда, таланттуу топ. Ийгиликтин эрте кечи жок.
0
samar82
2014-05-29 10:15:33
Азаматсынар ийгилик!!!
0
shok_Jigit
2014-05-29 10:19:21
Жугоруну мака дейт.Ошто байкени ака дейт,Тамашоонун кузуру но нейм.Коштошуп жатып пока дейт.
+1
akmongy
2014-05-30 08:08:07
Кутуктайм Noname акыры алтынчы сезондо алдыныздар. Мен корккон болчумун чыдабай таштап кетеби экен деп. Сиздерге ийгилик. Супер инфо Тамашоунун алтынчы сезонун финалын кайдан корсок болот жазып койунуздарчы.
+1
admin_superstan
2014-05-30 11:27:01
akmongy, Саламатсызбы!
Порталыбыздын "Кинозал" бөлүмүнө жүктөп койгонго аракет кылабыз.
0
oken02
2014-05-30 10:49:12
бут тосууларын байкап, келбей эле коюшпайбы деп аябай ичим ачышчуу, бирок копчулук силерди дагы да тамашоудан корушкусу келчуу да. Бишкекте той деп Лейлек дегн мызыканы коюшканы менен эсте калды чиркин.
0
kg-zzzzz
2014-05-30 11:17:16
азаматсынар ош командасы как всегда куштуу команда баары жагынан
0
farhat84
2014-05-30 11:31:48
Молодцы no name.Бул жигиттер былтыр эле алыш керек эле кубокту.
0
Aizhan.11
2014-05-30 14:01:26
Урааа КутТуктаймын 6жыл татыкттуу оюн корсоткон менин суйуктуу Командам NO NAME алган наамынар кут болсун!!! Силер эн мыкты командасынар жана ошонунардан тайбагыла.
+1
kgelmuratt
2014-05-30 21:46:17
No name чемпион болбош керек эле
-3
Bako.baike
2014-05-31 04:51:42
ак ийилбейт бирок сынбайт азамат оштуктар...
0
Omur
2014-06-01 23:06:44
куттуктайбыз!!!
0
lila06
2014-06-01 23:39:36
Ушул команданын женишин кааанчалаган адамдар чыдамсыздык мн кутуп жатышты ,мына эми ушинтип женишке жетип бизди кубантып атасынар,рахмат силерге)))
0
baiyshvip
2014-06-03 21:55:04
Таможный Союз эмне алып келет,,,?Кудай сактаа деген келме алып келет!!!
0
PATRIOT_07
2014-06-04 16:13:45
Куттуктайм !!!! ОШтун баары куткон бул чемпиондукту! Эми билбейм Тамашоунун кызыгы деле калбаса керек...... Айта кетчу нерсе албетте бут тосуулар болуп жатты ал баарына белгилуу.... No Name давно эле алыш керек эле... Ар бир No Name катышкан оюндарды корсон залды жарып кетишет.... Бирок кээбир тамашалары адабий жактан талапка жооп бербеген создору, сапатсыз, маанисиз тамашалары да коп эле, ошол учун да Чемпиондукка жетише алышпай келишкен.
0
nuris208
2014-06-16 09:55:23
админ тамашоунун 6сезонунун финалын супер твдан корсок болобу? Болсо дарегин калтыра кеткилечи? Алдын ала чоон рахмат?
0
admin_portal
2014-06-16 10:07:29
nuris208, Саламатсызбы!
Биздин порталдан кыскача репортажды гана көрө аласыз. Ал эми толук оюнду кийинчерээк көргөнгө мүмкүн болот.
0
Комментарий калтыруу үчүн өз ысымыңыз менен кириңиз же каттоодон өтүңүз.
