реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

SUPER.KG’ден Күнсереп

№740 06-январь-12-январь, 2017-ж


SUPER.KG порталындагы "Күнсереп" рубрикасында күн ичинде болуп өткөн коомдук жана саясий окуяларга саресеп салынууда. Биз окурмандарды мына ошол рубрикада жарыяланган макалалардын урунттуу учурлары менен тааныштырабыз.

29-декабрь:
ДЕПУТАТТАР ЧИНОВНИКТЕРДИ БЕЛЕКСИЗ КАЛТЫРЫШТЫ

Бүгүн Жогорку Кеңештин депутаттары "Кызыкчылыктардын кагылышы жөнүндө" мыйзамды кабыл алышты. Ага ылайык, мамлекеттик кызматкерлерге, саясий, административдик жана атайын кызматтарды ээлеген адамдарга 1 миң сомдон жогору бааланган белектерди алууга тыюу салынат. Мыйзам долбоорду 2015-жылы өкмөт демилгелеп чыккан. Акыркы айларда жогорку кызматтагы адамдар жеке компаниялар берген унааларды пайдаланып жатышканы коомчулукта нааразычылык жараткан соң депутаттар аталган мыйзам долбоорун карап, акыры жактырышты. Эскерте кетсек, быйыл октябрь айында Замирбек Айдаров транспорт жана жол министри болуп турганда кытайлык "Сhina Road and bridge corporation" компаниясына тиешелүү Лексус LX 570 үлгүсүндөгү жол тандабасты пайдаланып жүргөнү ачыкка чыккан. Буга байланыштуу "тендерде кытайлык компаниянын кызыкчылыгын коргогонбу?" деген шек жаралган. Министрлик аталган унааны келишимдин негизинде колдонуп жатканын маалымдаган. Бирок коомчулук "Айдаров кытайлык компаниянын кызыкчылыгын коргоп, ага ыраазычылык иретинде жол тандабасты белекке беришкен өңдүү" деп күмөн санаган бойдон калды. Министр унааны компанияга кайтарып, кечирим суроо менен гана кутулган. Ошондой эле Оштун мэри Айтмамат Кадырбаев Кытайдын консулдугу тарабынан берилген Тойота Ленд Крузер 200 үлгүсүндөгү жол тандабасты минип жүргөнү коомчулукта сынга алынган. Буга Кадырбаев "бул унаа жеке мен үчүн эмес, мэрияга белек катары берилген" деп жооп кайтарган. Быйыл бир гана чиновниктер эмес, депутаттар да сынга кабылышты. Аларга жаңы креслолорду кайсы демөөрчү сатып бергени бүгүнкү күнгө чейин белгисиз. Расмий түрдө айтылбаса да, Кыргыз жергесинде жеке компаниялар, ишкерлер мамлекеттик кызматта иштегендерге пара бермейинче тендерди утууну же керектүү чечимдин кабыл алынышын элестете алышпайт. Акыркы жылдары айрым чиновниктердин пара менен кармалуусу коррупциянын жаңы жолун жаратты. Бүгүнкү күндө параны таза кандуу күлүк, батир, дача, жол тандабас жана башка ушул сыяктуу кымбат белектер менен алууга өтүштү. Эми белек алууга тыюу салынса, мамлекеттик кызматты бизнес катары пайдаланган чиновниктер пара алуунун кандай ыкмасын ойлоп табышар экен?..

30-декабрь:
БЕКЕР АВТОБУС УБАДА КЫЛГАНДАР БИШКЕКТИ БАШКАРЫШАТ

Жаңы шайланган Бишкек шаардык кеңешинде көпчүлүк коалиция 3 фракциядан түзүлдү. КСДП, "Республика-Ата Журт" жана "Кыргызстан" фракциялары (жалпы 30 мандат) биригип, шаардык кеңештин төрагалыгына "Республика-Ата Журт" партиясынын депутаты Канатбек Мүзүралиевди шайлады. "Өнүгүү-Прогресс" жана "Мекеним Кыргызстан" партиялары оппозицияда калышты.
Шайлоо алдында КСДП шаарга асма жолдорду курууну, "Республика-Ата Журт" "Тез жардам" кызматы чакырууга 7 мүнөттө жетип баргыдай шарт түзүүнү, "Кыргызстан" жүргүнчүлөрдү бекер ташуучу автобустарды ишке киргизүүнү убадалаган. Бул 3 партия бүгүн шаарды башкаруу укугун алышты, эми убадалардын өтөсүнө чыгууга кезек келди. Эл ошол убадалардын аткарылышын күтөт...

3-январь:
ТҮРКИЯ ТЕРАКТКА КАЙРАДАН КЫРГЫЗ ЖАРАНЫН ШЕКТЕП ЖАТАТ

Түркиянын маалымат каражаттары Жаңы жылдын түнүндө Стамбул шаарында 39 адамдын өмүрүн алган терактка шектүү Орто Азиядан, тагыраак айтканда, Өзбекстан же Кыргыз мамлекетинен чыккан жаран болушу мүмкүн деп жазып жатышат. Бул маалымат азырынча далилдене элек. Ошентсе да мамлекеттин аброюна терс таасирин тийгизбей койбойт. Кыргыз Республикасынын Тышкы иштер министрлиги ММКларда айтылган маалыматтарды териштирүүнү өлкөнүн Стамбулдагы консулдугуна тапшырды. Көп өтпөй Ирак жана Леванттагы "Ислам мамлекети" (ИГИЛ) террордук уюму бейкүнөө адамдардын өмүрүн алып кеткен кылмышты ишке ашыргандыгын жарыялап, клубдагы жарандарга автоматтан ок аткан адамды "халифаттын жоокери" атады.
Кылмышка шектүү деп аталып, паспортунун сүрөтү интернетке тарап кеткен Кара-Суу районунун тургуну Йахье Машраповду УКМКнын кызматкерлери бүгүн суракка алышты. Шектелген жаран Жаңы жыл түнү Кыргыз жеринде болгонун, аталган терактка эч кандай тиешеси жоктугун билдирүүдө.
Расмий маалыматтарга таянсак, Сирияда согуштук аракеттерге катышып жүргөн Кыргыз мамлекетинин жарандарынын саны 600дөн ашты (2016-жыл боюнча). Булардын ичинен 70 адам аталган аймактан окко учуп каза тапкандар. Акыркы жылдары террордук чабуулдардын бутасына айланган Түркияда кыргыз жарандарынын терроризмге шектелип кармалып жатышы, кыргыз-түрк мамилесинин начарлашы, диаспоралардын кеңселеринин жабылышы аталган өлкөдө жашаган кыргыздардын абалын оорлотууда. 2016-жылдын 28-июнунда Түркиянын "Ататүрк" аэропортунда эки жардыруу болуп, Түркия тарап анда дагы кылмышка шектүүлөрдүн бири кыргыз жараны болушу мүмкүн деген жоромол айткан. Бул маалымат далилденбегенин көп өтпөй Кыргыз мамлекетинин Тышкы иштер министрлиги ырастаган эле.
Кыргыз жеринен Сирияга агылгандар боюнча абалды жакшырды деп айтуу мүмкүн эмес. Буга согуш талаасына аттанып кеткен адамдардын санынын өсүп жатышы далил, 1 жыл ичинде алардын саны 100дөн ашык адамга көбөйдү. Бул 3-4 күндө 1 кыргызстандык Сирияга кетип жатат дегендик. Жакында Жалал-Абад облусунда Сириядагы согуштук аракеттерге катышып келген адам 13 жылга эркинен ажыратылды. Ысык-Көлдөн Сирияга кеткен үй-бүлөнүн 25 мүчөсү ошол жакта каза болгону жарыяланды. Мындай фактылар агымды токтото албай жатканы көрүнүүдө. 2016-жылы орусиялык телеканалдар Кыргыз өлкөсүн "Ислам мамлекети" тобунун мүчөлөрүн даярдоочу жай" деп атап, эфирден кыргыздардын террордук уюмга азгырылып жатышы тууралуу сюжет кетиришкен. Анда телеканал баяндамачысы кыргыздар жакырчылык жана диний сабатсыздыктан улам Сириядагы согуштук аракеттерге азгырылып жатканын айтат. Бул окуя кыргыз коомчулугунда катуу сындалып, телеканал аталган материалдын темасын өзгөрткөн. Сириядагы кырдаал, терроризмдин күч алышы улуттук деңгээлдеги көйгөйгө айланды. Жогорку Кеңеш терроризм жана экстремизм боюнча соттолгондорду жарандыктан ажыратууга жол берген мыйзам кабыл алып, ага президент кол койгон. Мыйзамдын күчүнө киргенине жарым жылга жакындап калды, бирок мындай радикалдуу чара азырынча эч бир адамга карата колдонула элек...

4-январь:
КЫМБАТТАГАН ТАМЕКИНИН ОРДУН АРЗАН НАСЫБАЙ БАСАБЫ?

Бүгүндөн баштап Кыргыз жеринде 1 куту чылым 40 сомдон арзан сатылбайт. Өкмөттүн тийиштүү токтомуна ылайык, тамекиге акциздик салыктын наркы көтөрүлүп, муну менен мамлекеттик казынага кошумча 200 миллион сом түшөрү күтүлүүдө. Албетте, тамекинин баасы кымбаттаган үчүн эле адамдар чылым тартуудан баш тартышат деп ишениш кыйын. Акчасы аз тамеки чегүүчүлөр арзан варианттарды издей башташат. Мындан улам арзан тамекилер аткезчилик жолу менен ташылып келери күтүлөт. 40 сомдук тамеки сатып алууга чамасы жетпегендер насыбайга өтүшү мүмкүн.
Жарандардын ден соолугун тамекинин зыянынан коргоого багытталган мыйзамдын автору, Жогорку Кеңештин депутаты Дастан Бекешевдин айтымында, 2017-жылдын февраль айына чейин 1 куту чылымдын баасы орто эсеп менен 5 сомго жогоруламакчы. Эми кыргыз жергесинде эң арзан "Классик" тамеки кутусу 20 сомдон эмес, 40 сомдон сатылып баштайт. 2018-2019-жылдары жыл сайын кутунун баасын 5 сомдон жогорулатып туруу пландалууда. Тиешелүү мыйзам долбоору коомдук талкууга сунушталды. Демилгечилердин бири депутат Бекешев "эгер кутунун эң арзан баасы 40-50 сом болсо, өспүрүмдөрдүн тамеки сатып алуусун кыйындатат" деп түшүндүрөт.
Эл аралык изилдөөлөргө ылайык, тамеки чегүү менен күрөшүүдө тамекинин баасын жогорулатуу эң эффективдүү деп эсептелинет. Коомдук жайларда чылым тартууга тыюу салуу жана тамекиге каршы багытталган иш-чаралар (Саламаттык сактоо министрлигинин эскертүүсү, кутудагы коркунучтуу сүрөттөр) мынчалык эффект көрсөтпөгөнүн жазышат изилдөөчүлөр. Дүйнөлүк саламаттыкты сактоо уюмунун маалыматы боюнча, тамекинин баасы 10 пайызга көтөрүлгөн сайын бай өлкөлөрдө чылым тартуунун көрсөткүчү 4 пайызга кыскарууда. Өнүгүп келе жаткан жана жакыр өлкөлөрдө бул көрсөткүч 8 пайызды түзөт. Ал эми бизде жакшы ой менен жазылган мыйзам өлкөдө тамеки чегүүнү кыскартабы же салыктан түшчү каражатты көмүскө рынокко, чөнтөктөргө бурган документ болуп чыгабы, убакыт көрсөтөт...

www.super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макалага кирди:

Макалалардын саны:
19794;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
0,23446893692017