time: 04:44 21-07-2017
Баннер
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
реклама
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

Композитор Тарас Асанакуновдун жубайы Айнагүл Өмүрканова: "ТАРАС АЛЫСКА ГАСТРОЛГО КЕТКЕНДЕЙ ТУЮЛАТ"

№754 14-20-апрель, 2017-ж.


1990-жылдардын башында кыргыз эстрадасында өзгөчөлүк, бурулуш болгон десек жаңылышпайбыз. Эсиңиздеби, ал жылдары Айчүрөк Иманалиева, Алина Жетигенова, Динара Акулова, Расул Маматкулов деген ысымдар биринин артынан бири белгилүү болгон. Айчүрөк айымдын "Роза гүлү", "Кызыл гүл", Алина Жетигенованын "Кыздын сыры", "Таалайым" сыяктуу ырлары бий аянтчаларында жаңырып турган. Мына ошол ырлардын обону композитор Тарас Асанакуновго таандык. Керемет обондору менен бир топ ырчынын багын ачкан Тарас Асанакунов 52 жашында, 2013-жылы дүйнө салган.

"ИНИМ ОБОНДОРУН АЛГАЧ МАГА ЫРДАТЫП КӨРЧҮ"

Маектешүүгө атайын Балыкчы шаарынан келген бир тууган эжеси Айнагүл Асанакунова композитордун балалыгы, чыгармачылыгы тууралуу эскерип отурду:
– Тарас Балыкчы шаарында 1961-жылы 18-июлда туулган. 3 эркек, 1 кыздын кенжеси. Ошол кездеги деңгээл боюнча айтсам, интеллигенттин үй-бүлөсүндө чоңойду. Атабыз Ысык-Көл облусу боюнча башкы зоотехник, апабыз эсепчи эле. Тарасты Бишкектен украин аял төрөткөн экен. Апам акушерге ыраазычылыгын билдирүү максатында "баламдын атын сиз коюп бериңиз" десе, ал киши Тарас коюптур. Иним кичинесинен эле өтө назик, бирөөгө катуу айтпаган жан эле. Мен 3 эркектин арасындагы жалгыз кызмын да, сиңдилүү болгум келип, Тараска кийимдеримди кийгизип, ээрчитип көчөгө бир маал чыгып келчүмүн. Кошуналар көңүлүмдү көтөрүшүп, "Айна сиңдисин ээрчитип жүргөн турбайбы" деп калышчу.
Мешке жагалы деген отунду колуна ала коюп, көргөндөрүн уйкаштырымыш болуп жамактамайы бар эле. "Апам минтип жатат, Айна тигинтип айтты" деген сыяктуу. Апам баласынын шыгын байкаса керек, 3-класстан борбордогу Мукаш Абдраев атындагы музыкалык мектепке алып келген. Каникулда үйгө барганда балдарга окшоп ойночу эмес. Отуруп алып сүрөт тартат, ыр жазат. Ошол кезде индейлер тууралуу кинолор мода болуп жаткан. Көрсө, индейлер тууралуу оюнан чыгарып китеп жазып жүрүптүр. Дептерине алардын сүрөтүн кошо тартчу.
Жогорку класста окуп калганда обон чыгара баштады. Мектепти аяктагандан кийин Искусство институтунун композитордук бөлүмүнө тапшырган, ошондон тарта обончулук таланты өөрчүдү. Кандай обон жаратпасын биринчи мага ырдатчу. Мен жакшы ырдачумун, бирок ырчы болоюн деген ой болгон эмес. 5-курсунда жаштар арасында бүткүл союздук сынакка "Өлбөстүк" деген симфониясын жазып 3-орунду алган.
Тарастын ырларына жаштар бийлей баштады. Эң биринчи хит болуп, бий аянтчаларында жаңырган "Сейилдеп жайкы кечте, бульварда жай барам. Кошулуп күлкү кепке, музыка айланат..." деген саптары бар Расул Маматкулов аткарган "Мен бийге чакырсамбы" деген ыры. Расул Маматкулов 50 жылдык концертин бергенде "менин багымды ачып, жүзүмдү элге тааныткан ыр" деди. "Обону Тарас Асанакуновдуку" деп айтабы деп күттүм эле, айткан жок. Тарастын атын элге катуу "дүң" кылган ырлардын бири Айчүрөк Иманалиеванын аткаруусундагы "Роза гүлү" болду.

"ЧАЙ КОЮП КЕЛГИЧЕ ЖҮРӨГҮН МЫЖЫГЫП КАЛЫПТЫР"

"Тарас жүрөгүм ооруп жатат деп айтчу эмес. Биринчи жолу жүрөгүм деп жыгылып, бизди таштап кете берди" дейт жубайы Айнагүл Өмүрканова:
– Балыкчыга барып окуп, андан кийин балдар дүкөнүндө иштеп калдым. Бир жолу Тарас дүкөнгө бирдеме алганы кирип, таанышып калдык. Чачы узун, бети ак, жакшынакай жигит экен деп ойлоп койгом ичимден. Анда Тарас чоң соода дүкөндүн өздүк көркөм чыгармачылык тобунда иштечү. Обончу экенин билген эмесмин. Бир жылдай сүйлөшүп жүрдүк, анан ала качып кетти. Мурун турмуш курганын айткан эмес. 18 жашында Багдагүл деген өзү менен чогуу окуган кызга үйлөнүптүр. Андан бир кыз, бир уулдуу болгон. Биздин дагы бир кыз, бир уулубуз бар. Жанында кыздар көп, айлап гастролдо жүрсө кантип кызганбайм?! Гастролго көпкө кеткенде тултуңдап 3-4 күн сүйлөбөй калмайым бар эле.
Уктап жатып кээде "кагаз!" деп кыйкырып жиберчү. Алгач оорусу кармап жатабы деп коркуп кеткем. Андан кийин уктап жатып түшүндө да кайрыктар келерин билдим. Ал бир нерсе чиймелеп, иштеп жатканда мен балдарды ыйлатпайын, алаксытпайын деп жан талашчумун. Күндүз балдарым менен сыртка чыгып кетчүмүн. Обондорду бат эле чыгарып койчу. "Роза гүлү" ырынын обону 1990-жылдардын башында жаралды. Анда биз батирде турчубуз. Асан Жакшылыков агай келип, экөө түнү бою уктабай иштеп, Асан байке эртең менен кеткени эсимде.
Тарастын эмгектери бааланган жок. Композиторлор союзуна мүчө болоюн деп арыз жазган, 15 жылдан кийин чакырып, мүчө болдуң деп күбөлүк беришкен. Аябай сүйүнүп, жаңы дем менен иштейм деп билек түрө киришип жаткандан көп өтпөй каза болуп калды. 2013-жылы 24-январда экөөбүз тең жумуштан келип, телевизордон жаңылыктарды көрүп жатканбыз. Бир маалда көкүрөгүн мыжыгып эле "кысылып жатат" деп калды. Колу-бутун укалап, суу бердим. Сыртка да чыгып келди. Чай берейинчи деп ашканага барып, кайра келсем эле жүрөк тушун мыжыгып жатып калыптыр. Эмне кыларымды билбей калчылдап калдым. "Тез жардам" келгиче каза болуп калды. Уулум экөөбүз жанында элек. Кызым жок болчу. Кызым көпкө өзүнө келе албай, оозу-мурду кыйшайып ооруканага жатып чыкты. Кызы менен атасы аябай жакын болчу. Азыр кызым Жамиля атасынын ырларын ырдайм деп 2 ырын жаздырды. Атасы убагында "ырчы эмес, аскер адамы болосуң" деп ырдатчу эмес. Кызым өзү аракет кылып, атасынын жарыкка чыкпай калган ырларын алып чыгам деп жатат.
Тарастын каза болгонуна азыр деле ишене албайм. Алыска гастролго кеткендей туюла берет. Бул оору биринчи жолу кармады да, арабыздан Тарасты жулуп кетти...

"ЖАКШЫ ЫР БОЛБОСО, ЫРЧЫНЫН БАГЫ АЧЫЛБАЙТ"

Чыгармачылыкта тыгыз иштешкендердин бири Айчүрөк Иманалиева төмөндөгүлөргө токтолот:
– Мен Тарас менен 1990-жылы таанышып калдым. Жаштар театрында иштегениме бир апта болгондо "таланттуу композитор бар экен" деп Тарасты жумушка чакырышты. Ал Мерген Турган, Алина Жетигенова, Медер Кадыршаев, Чолпон Алсейитова, Расул Маматкулов сыяктуу жаштарды кошо ала келди. Көп өтпөй сөзү Асан Жакшылыковго таандык "Роза гүлү", андан кийин "Тоо булагым арманым", "Жаштык таңы", "Жылдыздар берметтей", "Эңсей берем" деген ырларды жазып берди.
Тарас жоош, үнүн катуу чыгарбаган адам эле. Сездимби, билбейм, Улуттук каналда "Улуттун сыймыгы" автордук көрсөтүүмдө Тараска арнап атайын берүү даярдадым. Ошол жерден кыргыздын корифейлери "Тарас кыргыз эстрадасынын Гагарини" деп баа беришти. Буга мен толук кошулам. Кыргыз эстрадасына чоң бурулуш жасаган, элдин кулагына тез сиңип кете турган кайрыктарды жараткан адам болду. Таланттуулар көп, бирок муундан муунга сиңип кеткен ырларды чыгарыш ар кимдин эле колунан келе бербейт. Бир да ырын акыга жазган жан эмес эле. Жакшы ыр болбосо, ырчынын багы ачылбайт. Ошондуктан мен бул кишиге чын ниетимден ыраазымын.

"Иним кичинесинде жоош, тартиптүү, катуу сүйлөбөгөн бала эле, кийин деле өзгөргөн жок".


"Тарастын 25 жылдык чыгармачылык кечесинде Айчүрөк Иманалиева куттук сөзүн сүйлөөдө".


"Тарас уулу Эмилдин үйлөнгөнүн көрбөй калды. Уул-келиним, кызым жана неберем Жайсана".


Сүйүн Кулматова
star@super.kg


 Кыстарылган видео 

Айчүрөк, Алина, Расулду жылдыз кылган Т. Асанакуновду эскерүү

Автор: Максат Орозумбетов
Оператор: Айбек Алимов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(8)
17.04.2017. 13:27 
Тайпасы:
Жаран
Комментарийлердин саны:
Катталган:
31-05-2015
Соӊку аракети:
20-07-2017 19:37
Жынысы:
Белгисиз
+5
Эх өмүр өтөт тура билинбей, убакыт учат илинбей....Таланттуу адамдарды өз убагында барктап алсак гана......
17.04.2017. 15:03 
Тайпасы:
Жаран
Комментарийлердин саны:
100
Катталган:
29-10-2013
Соӊку аракети:
05-07-2017 17:21
Жынысы:
Белгисиз
+2
Ушинтип таланттуу,кичи-пейил,эл тааныган адамдарды жараткан бат эле алып кетет турбайбы арабыздан.Жаткан жери жайлуу,топурагы торко болсун!Калган омурун бала-чакасына берсин!Оомийин.
17.04.2017. 20:22 
Тайпасы:
Жаран
Комментарийлердин саны:
320
Катталган:
06-02-2012
Соӊку аракети:
29-06-2017 16:36
Жынысы:
Белгисиз
+8
Эмгеги бааланбай калганын кара,кечее чыккан ырчылар эл артистин алып атышат..
17.04.2017. 21:20 
Тайпасы:
Жаран
Комментарийлердин саны:
181
Катталган:
01-02-2016
Соӊку аракети:
21-07-2017 00:45
Жынысы:
Белгисиз
+1
Жаткан жери жайлуу болсун балдарынын өмүрүн берсин
19.04.2017. 15:49 
Тайпасы:
Жаран
Комментарийлердин саны:
304
Катталган:
11-09-2010
Соӊку аракети:
21-07-2017 00:31
Жынысы:
Белгисиз
Калаасы:
Белгисиз Арал
+4
Расул Маматкулов ырдаган ырдын обону Т.Асанакуновко таандык экенин билбепмин, албетте айтпаса билбейбиз да. Эжеси нааразы болгону деле туура!бир чети
Медиа-портал
20.04.2017. 13:42 
Тайпасы:
Жаран
Комментарийлердин саны:
36
Катталган:
15-10-2015
Соӊку аракети:
24-06-2017 15:34
Жынысы:
Белгисиз
+1
Наам бербегени, мамлекет тарабынан колдобогону эн окунучтуу.Чынында кыйын, талантуу адам болчу. Жаткан жери жайлуу болсун
Медиа-портал
20.04.2017. 13:44 
Тайпасы:
Жаран
Комментарийлердин саны:
36
Катталган:
15-10-2015
Соӊку аракети:
24-06-2017 15:34
Жынысы:
Белгисиз
+2
Эскеруу кечесин откорсонор туура болмок. Эл жык жыйма келет 100%
21.04.2017. 10:11 
Тайпасы:
Жаран
Комментарийлердин саны:
1
Катталган:
12-02-2017
Соӊку аракети:
23-06-2017 00:58
Жынысы:
Белгисиз
0
ооба эскеруу кечесин кылып,чыгармалары менен таанылган ырчылар ырларын ырдап беришсе,сагынган хит болгон ырларды угуп угармандар да бир кубанып калар элек.
1
Комментарий калтыруу үчүн өз ысымыңыз менен кириңиз же каттоодон өтүңүз.
 

Учурда 0 адам бул макаланы кароодо

Супер-Инфонун статистикасы

Макалалар:
19110

Колдонуучулар:
68950
Жаңы катталган:
dog88
Эң көп колдонуучу:
43614
02 февраль 2017 10:01
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
3,7917809486389