Ырчы Ильяз Андаш жакында эле 3 бөлмөлүү батир сатып алды. Жаңы ак өргөөсүнө досторун чакырып батасын алган ырчы мырза: "3 жыл мурун бир бөлмөлүү батир алган элек. Ошондо ал жакта 5-6 жыл жашай турабыз го деп ойлогом. Карасам, кызыбыз деле чоңоюп, бир бөлмөлүү үй бизге тар болуп калды. Кудайым буюруп, 3 жылга жетпей 3 бөлмөлүү батирге ээ болдук. Ушул айдын башталышында досторубузду ак өргөөбүзгө чакырып, үйүбүзгө чакан той бердик. Азыр үй-бүлөбүз менен Ысык-Көлгө жайкы эс алууга кетип жатабыз. Эс алып эле тим болбой, жаңы 2 ырыма клип тарттыра келем",- дейт кубанып.