Гезитибиздин мурунку сандарынын бирине ырчы, комузчу, дастанчы жана актриса Гүлнур Асанова 5-июнь күнү турмуш жолуна аттанганын жазып, Бишкектеги тойканалардын биринде болуп өткөн кыз узатуу тоюнан репортаж берген элек. Арадан көп убакыт өтпөй эки жаш интернеттеги өздүк баракчаларынан чогуу түшкөн сүрөттөрүн өчүрүп салышкан. Мындан улам жаш жубайлар ажырашып кеткендиги тууралуу имиштер тараган. Бул тууралуу жаш түгөйлөр интернеттеги баракчасына түз эфирге чыгып ажырашып кетишкендигин тастыкташкан. Гүлнур айым менен байланышканыбызда азырынча бул жагдай тууралуу маалымат берүүдөн баш тартты, ал эми анын жолдошу Бактияр Аубакиров: «Ооба, Гүлнур экөөбүздүн ажырашып кеткенибиз чындык» деп кыска жооп кайтарды.