Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГҮЛБҮ ОРОСКУЛ КЫЗЫНЫН ӨЛҮМҮНҮН АРТЫНДА КАНДАЙ СЫР БАР? АЙЗУУРА ИМАНАЛИЕВА: «АПАМ ИЧИМЕ ЖЫЛАН СЫЯКТУУ НЕРСЕ КИРИП КЕТТИ ДЕП ЖАТТЫ»

№780 13-19-октябрь, 2017-ж.


6-октябрь күнү белгилүү фольклор жана эстрада ырчысы, «Кыз-жигит сармерден» берүүсүнүн алпаруучусу Гүлбү Ороскул кызы мезгилсиз дүйнөдөн өтүп, жакындарын терең кайгыга салып кетти. Шайыр жеңенин күтүлбөгөн өлүмүнө көпчүлүк азыркыга чейин ишене албай турушат. Жалпы журтун кайгыга бөлөп, жакындарын сыздатып түбөлүк уйкуга кеткен ырчыны акыркы сапарга узатуу зыйнаты Чүйдүн Беш-Күнгөй айылындагы өзү жашаган үйдө өттү. Маркум Гүлбү Ороскул кызы ушул жылдын 1-ноябрында 41 жашка чыкмак. Анын сөөгү Чоң-Арык көрүстөнүнө, ырчы Элмира Кайып кызынын жанына коюлду.

МАРКУМ ТУУРАЛУУ

Ыманкулова Гүлбү Ороскуловна 1976-жылдын 1-ноябрында Жалал-Абад облусуна караштуу Аксы районунун Авлетим айылында төрөлгөн. 1991-жылы Авлетим орто мектебинен 8-классты аяктап, Бишкек шаарындагы Мураталы Күрөңкеев атындагы музыкалык окуу жайына келип тапшырып, 1995-жылы ийгиликтүү аяктаган. 1996-жылы Бүбүсара Бейшеналиева атындагы Искусство институтуна тапшырып, 2000-жылы ийгиликтүү аяктаган. Айтылуу төкмө акын Элмирбек Иманалиевдин мурдагы жубайы, 2 кыздын энеси, 1 неберенин таенеси. 2000-жылдан бери маданият чөйрөсүндө Гүлбү Ороскул кызы деген ысым менен таанылып келген. Фольклор жана эстрада ырчысы, ошондой эле кыргыздын белгилүү ырчы айымдарынан түзүлгөн «Достор» тобунун солисти. Маданияттын мыкты кызматкери төш белгиси, Президенттин Ардак грамотасы менен сыйланган. 2015-жылдан бери КТРКнын «Кыз-жигит сармерден» теледолбоорунун алып баруучусу болуп эмгектенген. Репертуарында «Балама», «Арзуу», «Мажүрүм тал», «Менин өмүр жазым», «Агылам сага», «Ортомчу бизге Ысык-Көл» жана башка ырлары бар.

Айзуура Иманалиева, кызы:
«АПАМА КӨЗ ТИЙДИ, СӨЗ ТИЙДИ»

- Мен көз жарганда апам төрөтүмө катышкан. Баламдын кыркын чыгарыш үчүн апамдын үйүнө келген элем. 20 күн болгондо шашып өзү небересинин кыркын чыгарган. 5-октябрь түнү тойго барып, үйгө кечки 9 жарымдарда келди. Мен тамак жасап койгон элем, «үйдүн тамагы сонун, ээ?» деп кечке биз менен кобурашып, небересин кучактап, жыттап отуруп, түнкү 12лерде жаткан. Түнү саат 3төрдө «кызым, кыйналып жатам» деп сиңдим Сезимди ойготуптур. «Ичимде бир жаман нерсе жүрөт, жылан сыяктуу бир нерсе кирип кетти» деп эле ичин кармалап калды. Бети-башын кармасам мупмуздак. Буга чейин апам сыркоолоп калганда үйдү арчалап, киренелеп берсем жакшы болуп кетчү. Ошол күнү да буту-колун укалап, киренелеп берсем жакшы болуп калгандай сезилди. Таң атканда апамдын оорусу кайра күчөп, онтоп жатканда «Тез жардам» кызматын чакырдык. Алар «Но-шпа ичсин» деп дары жазып берип кетип калышты. «Кыздарым, башымды жаздыкка койсом эле жакшы болуп кетчүдөймүн» деп бир аз жатты. Бирок түшкө маал кусуп баштады. Биз кайра «Тез жардамга» чалдык. Апамдын туюу сезими күчтүү болчу, үзүлүп баратканын билген окшойт, жанынан эч кимибизди кетиргиси келбей жатты. Анан улам эле «адамдар бири-бирибизге кара санабасак эмне?» деп сүйлөнө берди. Ошол боюнча үзүлүп кетти.
Апама көз тийди, сөз тийди деп ойлойм. Болгону бул жолкусунда апам көтөрө албай калды. «Сармердендин» режиссёру Сагын эже да «Гүлбү, сен эфирге чыкканда колуңдун учунан чачыңдын учуна чейин көз мончок тагып чыкчы» дей берчү. Апам «Сармерденге» жаңы алпаруучу болуп иштеп баштаганда көрө албастар болгон. Анткени ал берүүнү көп сахналаш кесиптештери «мен алпарам» деп талашкан экен. Апам алпарып жүргөндө «кийимин көрсөтүү үчүн эле чыгат» деген жагымсыз сөздөрдү жазып жүрүшкөн. Ошол кесиптештерине «эми ыраазысыңарбы?» деп айтар элем. «Сармердендин» айынан каза болду» дегендерге кошулбайм, бул Кудайдын буйругу. Апамды «уулантып коюшуптур» деп айтылган түрдүү кептер да калп. Бирөө уулантып, күмөн жаратчу жагдайлар болсо, биз жөн отуруп калмак эмеспиз. Апамдын ашказанынан тромб жарылып, кан толуп каза болду. Ууланса медэкспертизадан билинмек.
Көбү апамды Таттыбүбү Турсунбаевага окшоштурушчу, бирок өзү «ага окшош болсом да жашын тартпасам экен» дечү. Бирок бул дүйнөдөн эрте кетти. Жер тамыбызда да, батирибизде да оңдоп-түзөө иштери жүрүп жаткан. «Үйдү бүтсөк небереме жентек берем» деп жүргөн, ага да жетишпей калды. Апам өлгөн жок, артында ырлары, эли калды. Эки кайраттуу кызы бар. Биз апамдын ысымын өчүрбөгөнгө болгон аракетибизди жумшайбыз. Бизге көңүл айтып, апама чын дилинен күйүп жаткан адамдарга айтарым, апам үчүн куран окуп коюңуздарчы.


Сагын Ниязалиева, «Кыз-жигит сармерден» берүүсүнүн режиссёру: «ГҮЛБҮ КУРАН ОКУТУП, КАН ЧЫГАРЫП, АНАН «САРМЕРДЕНДЕГИ» АЛПАРУУЧУЛУКТУ БАШТАГАН»

- Гүлбүнүн буга чейин оорудум дегенин уккан эмесмин. Тескерисинче, тез-тез медициналык текшерүүдөн өтүп, кымыз ичкени жайлоого барып, өзүнө жакшы кам көрчү. Кыздарынын, апасынын ден соолугун караган, баарыбызды дарылаган кыз эле. 6-октябрь күнү жумушта отурсам жардамчы кызым «сизге «Супер-Инфодон» бир кыз чалып, «Гүлбү эже жакшы элеби?» деп сурады» деп калды. Мен дароо Гүлбүгө чалып эле «Ай, Гүлбү!» деп үнүмдү өктөм чыгарсам, кызы телефонду алып эле «апам өлүп калды, өлүп калды» деп шолоктоп ыйлап жиберди. Угуп нес болуп катып калдым. Өзүмө келип, дароо Гүлбүнүн үйүнө барсак, аны моргго алып кетишиптир, үйүндө эки кызы, аялдар бар экен. Медэксперттер Гүлбүнүн ашказанындагы тромб жарылып, кан куюлуп кеткенин айтышты. Бул аябай тез болчу өлүм экен.
Адам көз жумгандан кийин түрдүү ойлор келет тура. Тойдо ырдап жүргөндө бирөө ууландырып койдубу деген да ой келди. Бирок түнү кыздары менен жаркырап отуруп жатпайбы. Анан «көз тийди, сөз тийди» деп жатышат. «Кара дуба окутушкан» деген да кептер айтылды. Эми анын баарын айтып күнөөгө баткым келбейт. Эгер ошол чын болсо, ал адамдарды Кудай өзү жазаласын. Чырактай кызыбыздан айрылдык. Гүлбү көп адамдын көңүлүн алган экен, акыркы сапарга узатууга кыргыздын мен-мен деген инсандары аздектеп келип, боздоп жоктоп турушту. Беш-Күнгөйдө 6 жылдан бери куруп жаткан эки кабаттуу тамын бүтүрүп кирип жашаганга жетишпей калды. Гүлбү сыртта эркек, үйдө аял эле, ошол салынып жаткан үйүнүн пайдубалын куйганга жардамдашып, кыштарды ташып, усталар менен тең тайлашып иштеген экен. «Сармерденге» кийип чыккан костюмдарын бүт өзү тигип, саймалап чыкчу. Атты мыкты чапчу, Гүлбү ат үстүндө чоңойгон кыз эле.
«Сармерденди» «каражолтой берүү болду» деп жатышат. Эми аны айтып жаткан пенделерди да Кудайга койдум. Бул берүү акжолтойбу, каражолтойбу, аны Кудай менен эл өзү тегиздейт. «Сармерденди» мен ойлоп тапкан жокмун, бул ыр кесе сыяктуу ата-бабадан келе жаткан салт болуп кала берет. Мен бул берүүнү тартпасам башкасы уланта берет. «Сармерденди» Гүлбү биринчи жолу алып барганда аябай корккон болчу, съёмка бүткөндө да «көз алдыман такыр Гүлзат эже (ред.: Батырканова) кетпей койду» деп айтканы эсимде. Ал алдын ала ырымын жасап кой союп кан чыгарып Гүлзат Батырканованын апасы Шахра Талипованы кызы менен чакырып куран окуткан. Ар нерсеге жоруй берген деле болбойт, ажал улук деп коёт эмеспи, демек, бешенесине ошону жазыптыр да.
Жакында эле бир окуя болгон. Элмира Кайып кызынын кыркына арнап атайын эскерүү даярдаганбыз. Ошондо Гүлбү биринчи сүйлөп Элмираны мактады, талантын айтты, жаш кезинде чогуу окуп, жатаканада кошуна бөлмөлөрдө жашаганынан бери айтып жакшы маек курду. Элмиранын кыркы өтүп жаткан күнү Гүлбү каза болуп жатпайбы. Анан Гүлбүнүн сөөгүн койгонго жай издеп 3-4 жерге барышыптыр. Ошончо жерден издеп жүрүп Элмира Кайып кызынын жанынан жай табылыптыр. Аны угуп алып жаман болдум. Эфирде Гүлбү «кошуна элек, кошуна болчубуз» деп улам кайталап жаткан болчу, көрсө, тиги дүйнөдө да кошуна болуп барыптыр да деп ичим тызылдады.


Гүлсина Чотонова, курбусу: «САРЫ ТИШТҮҮ КЕМПИР БОЛГУЧА ЖАШАСА ЭМНЕ БОЛМОК ЭЛЕ?»

- Гүлбү экөөбүз тең Аксыдан болобуз, экөөбүз институтта окуп жүргөндөн бери жакшы мамиледе элек. Өзү да ак жуумал эмес беле, студент кезде жапжаш, мөлтүрөгөн, маңдайы жарык, институтта кыз-эркектин баарын суктандырган кыз эле. Көп өтпөй Элмирбекке (ред.: Иманалиев) турмушка чыгып, экөө жан дүйнөнүн купулуна толгон, биринен экинчиси ашкан сулуу, окшошкон жуптар болду. Ошондо эл экөөнү махабаттын символундай, Жараткандын керемет кылып айкалыштырып койгон түгөйлөрүндөй кабылдашчу. Экөөбүз башында тыгыз карым-катнашта болбосок да, кийин эже-сиңди катары абдан жакын мамиледе жүрдүк. Гүлбүдөн жарым жыл кичүү болсом да көргөн жерден кагылып «апчем» деп кучактап өөп учурашчу. Сөөгүн коёрдо карайлап сөз таппай калганда «кагылбай кал» деп ыйладым.
Жамандан жакшыны, уудан балды сузуп алган ушундай бир керемет жан эле (жашып). Ажал деген ушундай албуут, таш боор, улууну-кичүүнү бирдей жуткан нерсе болот турбайбы. Секелек кезинде атасынан эрте айрылып, апасы иниси экөөнү жалгыз чоңойткон экен. Ошондо оюнкарак Гүлбүгө апасы «бала кара» десе, ал эки бөйрөгүнө колун таянып «эмнеге мен бала карайт экем, ким төрөсө ошо баксын, мен ойногум келет» деп каяша айтып басып кетчү тура. Гүлбүдөгү төңкөрүштүк сапат ошондо эле калыптанган окшойт деп калам. Жашоодо жакшыны, жаманды бирдей жутуп, бирок өзү ичинен жакшыны гана чыгарчу. Жакшыдан айрылганда, аны өлүмгө кыя албай калганда өзүңдү сооротуу үчүн анын өлүмүнөн толтура себептерди издеп көрөт экенсиң. Бирок Кудай алам дегенин алат тура. Алтыным Гүлбүм кыздарын өзүндөй тарбиялады, азыр кыздарын көрүп көңүл толот. Калган өмүрүн кыздарына берсин! Ошолордун убайын көрүп, сары тиштүү кемпир болгуча жашаса эмне болмок эле?..


Азамат Болгонбаев, өкүл баласы:
«ГҮЛБҮ АПАМ ЭРТЕ ҮЙЛӨН ДЕЙ БЕРЧҮ»

- Тагдыр өкүл атам менен апамды эки жээкке бөлүп койду. Азыр атам (ред.: Элмирбек Иманалиев) да оор абалда. Кант диабети менен ооручу, эми канындагы канттын өлчөмү жогорулап, учурда дарыланып жатат. Жубайым экөөбүз үйлөнгөн учурда атам азыркы биздин өкүл апабыз Нурзатка үйлөнгөн болчу. Бирок Гүлбү апамды да, Нурзат апамды да өкүл апа деп сый мамиледе болдук. Бойдок кезде атамдын жанында ээрчип көп жүрдүм, мага өкүл ата, өкүл апа болуу сунушун Гүлбү апам сунуштаганда кубанычта болгом. «Бирөөнү сүйүп калсам эле "өкүл кызыңыз ушул" деп тааныштыра берет элем. Шашпай үйлөнөм» десем «жаш кезде тапкан бакытыңар да, байлыгыңар да таттуу болот, эртерээк үйлөн» деп көп айтчу. Ошол баёо учурда көп акыл-кеңешин айтып, турмушума жакшы жол көрсөткөн. Өтө жагымсыз окуя болду, баарыбыздын кабыргабыз кайышып турат.

Элмирбек Иманалиев менен Гүлбү Ороскул кызынын ортосунда эки кызы бар.
Ырчы «Достор» тобунда ырдап, дос-курбу күтүп, топтогу ырчылар менен үй-бүлөлүк катышта жүргөн.

Лунара Бекиева
star@super.kg



Айзуура жана Сезим Иманалиевалар: "Апабызды ууландырды дегенинен экспертизадан өткөрдүк"

Автор: Илимбек Туратбек уулу
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(53)
17.10.2017. 09:13 
Тайпасы:
Жаран
Комментарийлердин саны:
70
Катталган:
02-05-2017
Соӊку аракети:
14-11-2018 06:33
Жынысы:
Белгисиз
+17
Жаткан жери жайлуу болсун. Кыздары сабырдуу кайраттуу болсун
17.10.2017. 09:17 
Тайпасы:
Жаран
Комментарийлердин саны:
62
Катталган:
30-11-2010
Соӊку аракети:
23-10-2018 00:16
Жынысы:
Белгисиз
Калаасы:
Жалалабат обл.Ташкомур шаары
+10
Эже жаткан жериниз жайлуу топурагыныз торколуу болсун.Ар бир адам омур даамын татуучу Жаратканым озу жаратып качан эмне себеп кылып алышты озу билет экен да
17.10.2017. 09:26 
Тайпасы:
Жаран
Комментарийлердин саны:
38
Катталган:
20-05-2016
Соӊку аракети:
12-06-2018 12:32
Жынысы:
Белгисиз
+14
Гулбу эже сулуу, учурда активдуу иштеп чыгармачылыкта эми атактуулукту багынтып келе жаткан болчу...коз тийди, соз тийди деген кептерге ишенип кетип жатам баары бир.
17.10.2017. 09:30 
Тайпасы:
Жаран
Комментарийлердин саны:
9
Катталган:
10-03-2014
Соӊку аракети:
10-09-2018 17:07
Жынысы:
Белгисиз
+12
Жаткан жери жайлуу болсун! Кыздарына омур берип бактылуу болушсун!
17.10.2017. 09:30 
Тайпасы:
Жаран
Комментарийлердин саны:
198
Катталган:
02-12-2016
Соӊку аракети:
23-10-2018 09:08
Жынысы:
Белгисиз
+8
Жайы жаннаттан болсун бул дуйнодон корбогон жакшылыктарын Аллахым оо дуйнодон насип этсин оомин.
17.10.2017. 10:06 
Тайпасы:
Жаран
Комментарийлердин саны:
791
Катталган:
21-05-2016
Соӊку аракети:
13-11-2018 19:20
Жынысы:
Белгисиз
-27
Кыздары тилдуу экен...Гулбу Ороскул кызынын жаткан жери жайлуу болсун!
17.10.2017. 10:24 
Тайпасы:
Жаран
Комментарийлердин саны:
117
Катталган:
06-11-2016
Соӊку аракети:
06-11-2018 13:59
Жынысы:
Белгисиз
+5
супер, ну и заголовку вы выбрали...
17.10.2017. 10:25 
Тайпасы:
Жаран
Комментарийлердин саны:
6
Катталган:
09-06-2017
Соӊку аракети:
28-01-2018 17:08
Жынысы:
Белгисиз
+3
Жаткан жери жайлуу болсун. Кылган куноолорун кудайым кечирсин. Калган омурун кыздарына берсин.
17.10.2017. 11:39 
Тайпасы:
Жаран
Комментарийлердин саны:
98
Катталган:
21-05-2016
Соӊку аракети:
07-04-2018 11:42
Жынысы:
Белгисиз
+20
Гулбу эжеге чынында коз тийди,эркектер эмес аялдар да суктануу менен карашчуу.Артистер ошон учун кээде негатив жазылса суйунуп кое бергиле коз деген жаман жыгыта коет
17.10.2017. 12:18 
Тайпасы:
Жаран
Комментарийлердин саны:
15
Катталган:
11-11-2016
Соӊку аракети:
12-05-2018 09:16
Жынысы:
Белгисиз
+3
Жаткан жери жайлуу болсун
17.10.2017. 12:24 
Тайпасы:
Жаран
Комментарийлердин саны:
341
Катталган:
10-08-2012
Соӊку аракети:
06-10-2018 20:26
Жынысы:
Белгисиз
Калаасы:
Бишкек
+12
Көз тийди суктанып атып,мен эле бир күндө клиптерин 5 жолу көрүп суктанып карай берчимүн.супер инфодон түз эыирге чакыргылачы канча суранып жүрдүм себеби жаркылдаган эжени көргүм келе берчү.айла жок экен эжекебиз жаш кетти жаткан жери жайлуу болсун,Кудайым сизге бейиштен орун берген болсун.Достор тобу эмнеге унчугушпайт?Салима Балтаева м.н 17 жашыбыздан бер доспуз дешти эле каякта ал досу эч жакта көрүнбөйт го.
18.10.2017. 19:35 
Тайпасы:
Жаран
Комментарийлердин саны:
10
Катталган:
21-04-2016
Соӊку аракети:
17-11-2017 18:30
Жынысы:
Белгисиз
+4
sabyr86,Туркиядамын деп жазган фейсбугунда.Бара албай калдым деп арман кылып...
19.10.2017. 07:38 
Тайпасы:
Жаран
Комментарийлердин саны:
341
Катталган:
10-08-2012
Соӊку аракети:
06-10-2018 20:26
Жынысы:
Белгисиз
Калаасы:
Бишкек
0
znanylay,арман кылып ыйлаган смайлик койуп койуш баарынын колунан келет дос деген ушундайда билинет Анкара эмес Америкадан учуп келсе болот го.
19.10.2017. 17:34 
Тайпасы:
Жаран
Комментарийлердин саны:
328
Катталган:
21-07-2014
Соӊку аракети:
14-11-2018 01:55
Жынысы:
Белгисиз
Калаасы:
Деңиз жээгинде.
+3
sabyr86,келип эле тирилтип алмак беле,дуба кайсыл жерден болсо да жетет да.
17.10.2017. 12:25 
Тайпасы:
Жаран
Комментарийлердин саны:
1
Катталган:
29-01-2016
Соӊку аракети:
27-09-2018 20:04
Жынысы:
Белгисиз
+6
Жаткан жери жайлуу болсун. Билип билбей
кылган күнөөлөрүн кудайым өзү кечирсин.
жакшы ыймандуу татынакай болчу.
баары АЛЛАдан......Энесине кайрат, кыздарына ыйман акыл берсин АЛЛАХым. САБЫР.....
17.10.2017. 12:37 
Тайпасы:
Жаран
Комментарийлердин саны:
255
Катталган:
28-05-2012
Соӊку аракети:
13-11-2018 14:45
Жынысы:
Белгисиз
Калаасы:
нарын
+11
Жаркыраган жаным эжем аай,ушундай шумдуктуу кабар угам деп такыр ойлобоптурмун.аттин арман дуйно деген ушул тура айла жок сизден ажырап кала бердик,кош деп айтканга ооз барбайт.куран окуп,ыйлап бата кылып журуп мына 10 кун отуптур.бирок дагы эле ишенгим келбейт.эжоо жаткан жериниз жайлуу болсун,топурагыныз торко болсун.периштедей таптаза жан элениз ылайым бейишке чыгышынызды,Кудайымдан суранып кундо дуба кылам((((
17.10.2017. 12:50 
Тайпасы:
Жаран
Комментарийлердин саны:
255
Катталган:
28-05-2012
Соӊку аракети:
13-11-2018 14:45
Жынысы:
Белгисиз
Калаасы:
нарын
+18
Сармерденди убагында мен алып барат элем деп жетпей калгандар мынакей бошоду алып барып жаткыла эми.саясаттан кийинки кир дуйно шоу бизнесте ич куйдулук,коро албастык аябай куч алган.керек болсо Гулбу эже м.н эже синди болуп катташып,эжекоу деп журуп кылгылыкты кылгандар бар.
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: