Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№794 19 - 25-январь, 2018-ж.


– Койчу, Назик.
– Менимче, Азаматтан жакшы ата чыкмак.
– Ыя де, сен аны кайдан көрүп койдуң?
– Билбейм, жакшы кишидей сезилет. Балаңды атасыз өстүрүп, атаңдын каарына калып, туугандардан чыгып калгандан көрө, Азаматка тийгениң эп болмок. Мен эч нерсени кооздобой, чындыкты айтып жатам.
– Башка эркектен төрөлө турган боюндагы баласы менен аялды кайсы эркек алат, айтчы?
– Азаматка ачык айтып сүйлөшөлү.
Айсулуу үндөбөдү. Ушул жерден оюна койсо, ал Назикти жулмалап салмак. Ал аны кемсинтип жатпайбы? Бирок бир четинен алып караганда, азыр Назик менен урушуп эмне табат? Москвадан тапкан жалгыз ишенген адамын, сырдашар кишисин, ага чындап кайгырган курбусун жоготот. Антип-минтип көз жарса күйпөлөктөп жүрө турган ушул Назик эмеспи. Анан калса ал чындыкты айтып жатпайбы. Кайсы арына чычалаганы турат? Алдап кеткен Тимур, Назикте эмне күнөө? Ушуларды ойлоп өзүн токтотту. Анын унчукпаганын Назик жана айткан сунушка макул болду деп болжоду.


ххх


Айбек менен Азаматтын жумушу таң атпай башталат. Курулуш материалдарын саткан базарда 3 соода жүргүзүүчү жайы бар жалал-абаддык Эркин дегендин колунда экөө жүк түшүргүч болуп иштешет. Эркин ого эле толук, бою да узун кара киши. Жайма-жай басып, кышылдап дем алганы оор. Ал мээнеткеч адамды баалайт. Ошондуктан Айбекке караганда Азамат ага көбүрөөк жагат. Оо, бул Азаматта тубаса күч бар. Бир карасаң арыкчырайынан келген, көздөрү бакырайган, ак жуумал бала. Дегеле мындан кара күчтү күтпөйсүң, бирок ал иштин кызыгына киргенде көрүш керек. Кайдан-жайдан анда белгисиз кубат пайда болот да күпүлдөп иштей берет. Эч эле чарчаганы билинбейт. Кыймылы чапчаң. Жасаган жумушу иреттүү, тыкан. Ал кээде 10 тонналык унааларды 50 килограммдык кагаз мүшөккө салынган цемент менен жалгыз эле шыкап толтуруп салчу. Андан ары алып барып дагы бир унаага кыш жүктөтсөң да моючудай эмес. Тим эле узун бою, шадылуу колдору кара жумуш үчүн жаралгандай.
А бирок сөзгө чоркок. Суроого жооп берип койгону болбосо, дээрлик сүйлөбөйт. Анан да ар ким жумшаса жөнөй берет. Улуубу, кичүүбү мааниси жок. Көгүш тартып кеткен көздөрү муңдуу сезилет. Анын сөзүнөн эмес, көзүнөн көп нерсени билсе болчудай. Атасыз өскөн балалык, теңтуштарынын, айылдаштарынын «дөдөй» деп шылдыңдаганына таарынычы, ал таарынычты ачык айтпай жүрөгүндө оору кылып сактап алганы, ар бир айтылган сөздү сезимталдуулук менен өзүнө кабыл алып, бирок ошого жооп кылбай, ичинде эле буркан-шаркан түшүп, кийин ал буркан-шарканын да күчкө салып муз кылып жан дүйнөсүнө тоңдуруп сала бергени уюп келип көк көздөрүнө муң болуп чыгып калгандай көрүнчү. Баары эле Азаматтын көздөрү кайгылуу экенин элес алышчу эмес. Алардын ою боюнча Азамат көп сүйлөбөгөн, жоош «дөдөй» гана болчу.
Бирок Эркин бул жигиттин иштегенин, анын өтө эле оор басырыктуу экенин көрүп шуулдап ашыкча тыйын өөнөп калайын деп турган башка жумушчуларына караганда, анда адамгерчилик деген сапат ашыгы менен экенин көргөн. «Мындайларды кууратышат. Жакшы адамдар баркталбайт. Муну "тыңыраак бол! Өтө жоош болбо" деп тарбиялаш керек экен» деп бүтүм чыгарган. Бирок азырынча анысынан майнап чыга элек. Азаматтын азыр да берилүү менен узун тактайларды кынаптап унаага жүктөп жатканын көрүп, Эркин ага ыраазы болуп турду. А тиги Айбекчи? Жөн эле шуулдак. Кишини алдаганга маш. Сөзгө алаксытып убакытты созгонду билет, башкаларды иштеткенге шыгы бар. Турпаты да мүнөзүнө шай. Арык, жүлжүйгөн көздөрү күлүңдөп турат. Бою жапалдаш. Азыр да сөз баштап жиберип, Азаматтын иштегенин гана карап турганы жатат:
– Айканы аласыңбы?- табышмактын жообун күткөндөй суроолуу тиктеди Азаматты.
Азамат болсо аны «сага эмне болду?» дегенсип олурайып карап койду да, жооп кылбастан иштей берди.
– Тийсе аламбы дебейсиңби,- өзүнчө каткырып койду. Азаматтан жооп болчудай эмес. Ал иштин кызыгына киргенде эч нерсеге көңүл бурбай калат. Айбек сөзүн улантып жатты. Куду Азаматтан жооп алып анан, ага жооп берип жаткандай.
– Бирок ал азыр тиет. Анткени боюнда бар экен. Ата-энеси билбейт. Жигити болсо түп-тамыры менен жоголуп кетип таптырбай жатат. Шерменде болбош үчүн ага күйөө керек. Түшүнүп жатасыңбы?
– Мен албайм,- иштегенин токтотпостон жооп берип койду Азамат.
– Бирок сен аны жакшы көрөсүң го. Ырас, бала башка эркектики дечи, бирок... Билбейм, Назик мени сага айтып көрчү деген. Болбойт деп айткам,- үшкүрүнүп койду Айбек.


ххх


Кечинде Назик менен Айсулуу иштеген тез тамактануучу жайга Айбек менен Азамат келди. Алар кирип өзүнчө столго барып отурганда эле, Назик арыда бир нерсе менен алаксып жүргөн Айсулууга барып шыбырап сүйлөшүп калды. Кыз артын жалт карап жиберип Азаматты көрдү да, денеси жыйрылып кетти.
– Эмнеге келишти?
– Айбек мага келди. Азамат жөн эле ээрчип жүрөт. Же сага келди, балким. Сен аны жакшылап байкап көрсөң. Жакшынакай бала, бою узун, булчуңдуу. Кыздар менен сүйлөшкөндү үйрөтүп койсо эле далайды артынан ээрчитчүдөй.
– Өзүң ээрчий бер.
– Айка! Айка, мен сага жакшылык гана каалап жатам. Бас, жүрү, жумушубуз бүттү. Кийимдерди которуп, тигилерге барып сүйлөшөлүчү.


ххх


Арадан 10 мүнөт өтпөй төртөө чогуу отуруп тамактанышты. Учурашып ал-жай сурашканы болбосо, эч кимиси сөз баштай албай турду. Бир убакта Айбек:
– Эми мен доскеме айтып көрдүм. Бирок...
– Айбек, Назик экөөңөрдөн мен күйөө сурап жатамбы?- Айсулуу чыдабай кетти.
– Омей,- «эмне, сураган эмес белең?» дегенсип карап калды Айбек.
– Уф-ф, Айка, эмне деген адамсың?! Бул Москва, түшүндүңбү? Курсагыңды челкейтип алып жан багып жүрө берем деп жатасыңбы? Бир күнү жумуштан чыгарып коюшса отурасың.
– Айылга кетем,- Айсулуу ыйлап жиберди. Акыркы күндөрү башы санаадан чыкпай калган кыз илмийип арыктап кетиптир. Баягыдай нурлуу жүзү жок. Бетин бирин-серин сепкил басып, көздөрү киртийип турат. Арыктаганга кичинекей да көрүнүп калыптыр. Азамат аны карап аяп кетти.
– Балаң атасыз өсөбү?
– Башкага тийсем эле ал ата болуп бере калабы?
Жанатан бери булар Азамат бул жерде жок сымал сүйлөшүп жатышты. Анын оюн угайын деп эч кимиси ойлонгон жок окшойт.
– Айсулуу, ыйлаба,- күтүлбөгөн жерден Азамат сүйлөп жиберди. Бирок сүрдөп жатканы үнүнөн билинип турду.
– Ыйлаба, мен сени алам деген жокмун. Бирок... Бирок мен сага жардам берем. Кааласаң Москвада төрө, кааласаң айылга кет. Мен баарын төлөп берем.
– Сенден акча сурап жатамбы?
– Сураган жоксуң. Мен бергени жатам,- акыркы сөздөрүндө Азаматтын үнүндө чечкиндүүлүк пайда болду. Баары үндөбөй калышты.


ххх


Эртеси да Айбек, Азамат экөө кыздардын жумушуна алардын иш убактысы аяктап калганда келишти. Азаматтын колунда баштык.
Жигиттер кыздарды үйүнө узатып барышмак, дээрлик үйгө жеткенге чейин Азамат эч үндөгөн жок. Анын баштыгында эмне бар экени Назикке өзгөчө кызык болуп жатты. Көп кабаттуу үйдүн жанына келгенде Айсулуу эч ким менен коштошпой кирип кетти.
– Назик, муну Айкага берип кой,- Айбек Азаматтын колундагы баштыкты алып сунду.
– Эмне бар?
– Жер-жемиштер... Алма, банан, мандарин аз-аздан. Анан да боюнда барда ичүүчү дарылар, «баланын туура жетилишине жардам берет» деп Эркин байкенин аялы айтты.
– Ал мурда врач болгон экен,- Айбек Азаматтын сөзүн бөлдү.
– Анан витаминдер...
Назиктин оозу ачылып туруп калды. Алар «зөөкүр» деп жүргөн жигит таптакыр башкача болуп чыкты го.

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Башка сандарда:
Комментарийлер(14)
23.01.2018. 09:25 
Тайпасы:
Жаран
Комментарийлердин саны:
21
Катталган:
26-12-2015
Соӊку аракети:
01-06-2018 22:58
Жынысы:
Белгисиз
-5
Мен биринчи
23.01.2018. 09:30 
Тайпасы:
Жаран
Комментарийлердин саны:
17
Катталган:
08-07-2017
Соӊку аракети:
19-09-2018 03:00
Жынысы:
Белгисиз
-4
Мен экинчи
Beka9393 түзөттү 2018-01-23 09:30:56
23.01.2018. 09:39 
Тайпасы:
Жаран
Комментарийлердин саны:
214
Катталган:
24-01-2014
Соӊку аракети:
18-09-2018 17:51
Жынысы:
Белгисиз
Калаасы:
Москва шаары
+3
Beka9393,Олдунорго биринчи экинчи болуп
23.01.2018. 09:37 
Тайпасы:
Жаран
Комментарийлердин саны:
113
Катталган:
08-02-2017
Соӊку аракети:
16-09-2018 20:15
Жынысы:
Белгисиз
0
Эми кандай бурулуштар болот экен ээ?күтө туруудан башка аргабыз жок....эх..
23.01.2018. 09:42 
Тайпасы:
Жаран
Комментарийлердин саны:
14
Катталган:
29-07-2016
Соӊку аракети:
19-09-2018 07:52
Жынысы:
Белгисиз
Калаасы:
Там где счастье)
0
Эмне мынча аз...
23.01.2018. 09:45 
Тайпасы:
Жаран
Комментарийлердин саны:
130
Катталган:
07-05-2016
Соӊку аракети:
18-08-2018 23:44
Жынысы:
Белгисиз
Калаасы:
ГАЛАКТИКА
0
Эмне болот, куто туралычы). Азамат жакшы жигиттей корунот, жардам бергенине караганда.
23.01.2018. 09:59 
Тайпасы:
Жаран
Комментарийлердин саны:
18
Катталган:
18-05-2017
Соӊку аракети:
14-08-2018 18:03
Жынысы:
Белгисиз
+7
Ой ушундай жигиттердин бар экенин укканымда козумо жаш келет
23.01.2018. 10:04 
Тайпасы:
Жаран
Комментарийлердин саны:
130
Катталган:
05-03-2017
Соӊку аракети:
18-09-2018 20:22
Жынысы:
Белгисиз
+3
Азамат алат Айсулуу тиет. Кыз торолот. Айсулуу Тимурланын менен жолугуп калат суйуу бардай сезилет Азамат камалат 2-3жылдайын келип кызына жолугат.....
23.01.2018. 13:00 
Тайпасы:
Жаран
Комментарийлердин саны:
109
Катталган:
15-04-2014
Соӊку аракети:
18-09-2018 23:47
Жынысы:
Белгисиз
0
Aitun,баарын жазып таштачы тууган.
23.01.2018. 11:00 
Тайпасы:
Жаран
Комментарийлердин саны:
77
Катталган:
22-01-2018
Соӊку аракети:
19-09-2018 01:29
Жынысы:
Белгисиз
+1
дагы бир жума кутуш керек
23.01.2018. 11:17 
Тайпасы:
Жаран
Комментарийлердин саны:
21
Катталган:
26-12-2015
Соӊку аракети:
01-06-2018 22:58
Жынысы:
Белгисиз
0
Азаматка тийип кызы торолцп аталап калганда Айсулуу баса берет окшойт Тимуруна
23.01.2018. 23:17 
Тайпасы:
Жаран
Комментарийлердин саны:
195
Катталган:
27-01-2013
Соӊку аракети:
17-09-2018 21:07
Жынысы:
Белгисиз
Калаасы:
Токтогул
0
Атасынын кызына болгон суйуусу деп Азамат мн Айсулуудан торолчу кыз жонундо болгон окшойт соз.
24.01.2018. 18:43 
Тайпасы:
Жаран
Комментарийлердин саны:
39
Катталган:
04-06-2011
Соӊку аракети:
18-09-2018 16:31
Жынысы:
Белгисиз
Калаасы:
россия москва
0
Суперчилер коптон жазгылачы сураныч
27.01.2018. 18:46 
Тайпасы:
Жаран
Комментарийлердин саны:
581
Катталган:
04-09-2014
Соӊку аракети:
18-09-2018 17:26
Жынысы:
Белгисиз
0
Бул биринчи сериясыбы?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: