Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№795 26-январь -1-февраль, 2018-ж.


(Башы өткөн сандарда)


Күндөр тездик менен өтүп жатты. Айсулуунун кыймылы оорлоп калды. Ал иштеген жайдын менеджери Светлана деген орус аял болчу.
– Канча ай болду?- деди бир күнү Айсулуунун курсагын жаңсап.
– 7.
– Айка, билесиңби, мен сага боорум ооруп эле ушунча убакытка чейин алып жүрдүм. Мени кечирип кой, бирок сен жумуштан кетишиң керек.
– Түшүнөм, өзүм деле айтайын деп жаткам. Сизге да, рахмат, Света.


ххх


Эми эмне кылат? Батирге келип бир топко чейин шыпты карап жатты. Чалкасынан жатса эле ичиндегиси тепкилеп баштайт. Булт-булт этип кыймылдаганы Айсулууга даана сезилет. Алаканы менен курсагынын кайсы жерин тепсе ошол жерди сылайт. Жашынмак ойногонсуп курсактагы алакан коюлган жерин эмес башка жерин тебет.
– Эмне кылсак, кызым?- курсагы менен сүйлөштү. Ооба, боюндагысы кыз болчу. 2 ай мурун билген. Адегенде бир аз оңтойсуз болуп кетти. “Урунуп-беринип жүрө бере тургандай эле эркек болсо болмок, кыздын азабы көп экен” деп кейиген. Төрөлө элек ымыркайына санаа тартып жүрөт.
Ордунан туруп барып муздаткычты ачты. Йогурт, жер-жемиш, кара нан муздаткычтын бир бурчундагы баштыкта салынып туруптур. Мунун баарын Азамат Назиктен берип жиберген. 3 күн сайын ушинтет. Жашыл алманы жууп алып, кыртылдатып жеп баштады. Терезеден сыртты тиктеп туруп ойго батты.


ххх


– Айка, чай коюп турчу, биз Айбектер болуп баратабыз,- Назик келе жатып Айсулууга чалды.
– Мейли.
Аз өтпөй Назик, Айбек, Азамат кирип келди.
– Кандай, Айка? Бүгүн могу курбуң “торт жегим келип жатат” деп кайра-кайра айтып жанды койбоду. Атайын алып келдим,- Айбек бут кийимин чечип жатып сүйлөдү.
– Ашканага дароо эле, торт менен чай ичебиз,- Назик буйрук бергендей сүйлөдү.
Баары жайланышып отуруп тамактанып жатканда Назик сырдуу жылмайып алып Азаматка сүйлөдү.
– Бербейсиңби жанагыны.
Азамат уялыңкы жылмайып койду.
– Бер да, атайын алып келгенден кийин,- Айбек да сөзгө аралашты. Айсулуу ыңгайсыз болуп кетти. Азамат унчукпай эле күлүп отурат.
– Эк, жоошсуң да такыр эле. Кыскасы, Айка, Азаматтын курткасынын чөнтөгүн барып карасаң.
– Эмнеге мен мунун чөнтөгүн карайм?!- Айсулуу жинденип кетти.
– Уф, эми карап койсоң барып. Азамат каршы эмес. Чыртылдап эле турасың тим эле,- Назик нааразы боло сүйлөдү. Айсулуу да кекеткенсип туруп барды да, Азаматтын чөнтөгүнөн алып чыкты. Күлгүн түстөгү төрт бурчтуу катуу кагаздагы бир нерсе...
– Бул эмне?- Айсулуу кызыга карады, анан көкүрөгү бошоп кетти. Кагаз кутуда назик күлгүн түстөгү быйтыйган, көпөлөк сымал байланган сызмасы бар бут кийим турган. Жаңы төрөлгөн ымыркайга чак келчүдөй кичинекей неме Айсулуунун көзүнө бир башкача көрүндү. Көзүнө чыга түшкөн жашты жашырмакчы болуп калп күлдү.
– Сонун го бул. Рахмат, Аза,- деди сыр бербей.
– Эч нерсе эмес.
– Э-эй, бул даана экен да,- Айбек каткырып сөздү улап кетти.
– Көчөдө баратсак эле токтоп калбадыбы. “Не болду?” десем, “тээтигини карачы” дейт. Мен орус кызды көрсөтүп жатабы деп коём. Тигини дейт. Көрсө, айнектен дүкөндүн ичиндеги алдагы кичинекей баланын бут кийимин көрүп калыптыр да. Оңбогондой акчага алып албадыбы, эмне кыласың десем, жымыйып эле күлөт...
– Менимче, жигит деген ушундай болушу керек. Азаматсың, Азамат!- Назик атайылап сүйлөдү. Мындан кийин алар бир топко чейин аркы-беркини сүйлөшүп отурушту. Акыры жигиттер кетер маал келди.
– Эртең келип, тамак жеп кеткиле! Аш басып коём,- эшиктен узап бараткан Азаматтын артынан сүйлөдү Айсулуу. Эмнегедир көңүлү көтөрүңкү боло түштү.


ххх


Кечээки маанайы бүгүн да кете электей. Ойлоп көрсө, көптөн бери суз жүрүптүр. Азыр болсо мурдунун учунан кыңылдап ырдап, ашканада жүрөт. Эшиктин коңгуроосу басылды...
Азамат экен.
– А тигилер кайда?
– Сен кире бер, азыр чыгабыз дешти. Короодо отурушат.
– Аа, кир анда.
Айсулуу Айбек менен Назик атайын кирбегенин дароо түшүндү. Бирок бул ирет ачууланган жок.
– Тигилер келгенче күтөлүбү же жей берелиби?- кыз ашканада өзүн ыңгайсыз сезип отуруп калган Азаматка кайрылды.
– Билбейм.
– Сен өзүң эле ушундай тартынчааксыңбы же мени көргөндө ушинте бересиңби?
– ...
– Назик мени сага эле тийип ал дейт. Сага тийсем өзүм менен өзүм эле сүйлөшүп калчудай окшойм.
– Жок эгер тийсең каалашыңча сүйлөп бермекмин. Мен көп эле сүйлөйм.
– Азамат, мен башкадан төрөйм да...
– Бирок ал менин балам болмок. Эгер тийсең?..- жигит үмүттүү көздөрү менен карап алыптыр. Айсулуу ойлонуп калды. Азаматтан мындай жооп күткөн эмес.
– Баары бир эл сөз кылат. Намысыңа тийишет...
– А биз эч кимге айтмак эмеспиз. Чын, Айсулуу, мен сени жакшы көрөм. Мен жакшы ата болгонго аракет кылмакмын. Балдарды да жакшы көрөм. Эжемдин кичүү уулун мен эле багып чоңойтком. Сени шаштырбайм. Бирок кайсы учур болбосун сага үйлөнгөнгө даярмын.
Кыз бир топко үндөбөй турду. Жакында төрөйт. Азаматка ишенсе болот.
– Сен менин атам менен сүйлөшүүң керек? Ал аябай катуу киши...- деди көздөрүн ала качкан Айсулуу. Жигиттин көздөрү жайнай түштү. Жүрөгү дүкүлдөйт.
– Ооба, сүйлөшөм,- деди ал элеп-желеп болуп.


ххх


Айтканындай эле Азамат Айсулуунун атасы менен сүйлөштү. Андан бир топко кечирим сурап, сөккөнүн да укту. Адегенде албууттанып, жинденген кыздын атасы дээрлик бир жумача Москвага барам, сазайыңды берем деп жатып, акыры араң жумшарды. Качан гана Айсулуунун атасы жоошугандан кийин апасына байланышып, үйлөнөрүн, жакында неберелүү болорун айтып кубантты.


ххх


– Азамат, сен биздикинде жашап турат окшойсуң. Айка бүгүн-эртең көз жарчудай...- Назик телефондон Азаматка кайрылды. Ал Айсулууга үйлөндү деген эле аты болбосо, Айбек экөө мурункудай эле башка жашап жатышкан. “Кош бойлуу кезинде кайра кыжалат кылбайын” деп ойлогон Азамат.
– Мейли, кечинде барам.
Бирок Азамат кечинде барганча эле Айсулууну "Тез жардам" менен алып кетишиптир. Ал келип эле шашкалактап кайра ооруканага жөнөдү. Назик айткан дарек менен эптеп таап барды.
Узун коридордо Назик ары-бери максатсыз басып жүрүптүр.
– Биз байкабай эле жүрө бериптирбиз. Толгоосу бышып калган экен да,- деди ал Азаматка актангандай. Дал ушул учурда санитар аял чыгып:
– Болотованын жакындарысыңарбы?- деп кыйкырды аларга.
– Ооба.
– Баланын атасы ким?
– Мен,- деди жигит кыргыз тилинде эле. “Жүрү, кир, сени чакырып жатат” деп санитар аял Азамат кирер-киргенче акушерге, санитарга акча бериш керек экенин саймедиреп барды. Жигит унчукпай гана алар сураган акчаны карматты.
– Эми кире бер,- деди кызылынан келген орус аял акчаны алып жатып.
Ымыркай апасынын көкүрөгүндө жатыптыр. Азамат кереметтүү бир нерсени көрчүдөй демин чыгарбай аларга жакындап барды. Көмкөрөсүнөн жаткан кызыл эт болгон чүрпө бетинин жарымын бырыштырып алып, апасынын төшүндө көздөрүн болор-болбос ачып бет маңдайын тиктеп жаткан экен. Аны көрөрү менен Азаматтын ичине жагымдуу жылуулук толуп чыкты. Жүрөгү жай согуп калгандай, дүк-дүк эткени угулуп жаткандай болду. Ал мындай сулуулукту эзели көрбөптүр. Көздөрүн тостойтуп алып, таң калгандай карап жатты. Ичке манжалар, манжалардагы күлгүн түстөгү назик тырмактар, быйтыйган мурун, үлпүлдөгөн чач, бейкапардык, күнөөсүздүк, алсыздык жуурулушуп келип бир кереметтүү кичине кыздын кипкичине турпатын көрккө бөлөп салыптыр. Бул чынында керемет болчу.
– Бул...- Азаматтын үнү каргылданып, көзүнө жаш толо түштү
– Бул ушунчалык сулуу экен. Мен кантип ушуну жакшы көрбөй коёюн?
Андан ары сөз таба албай эзилип ымыркайды карап турду. Колуна алгысы келди. Бирок азыр өзүнүн орой, кара жумуштан туурулуп калган колдорун тийгизип жиберип, өзү көрүп суктанып бүтө албай жаткан кереметти бузуп аламбы деп коркуп кетти...

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Башка сандарда:
Комментарийлер(16)
30.01.2018. 09:34 
Тайпасы:
Жаран
Комментарийлердин саны:
15
Катталган:
29-07-2016
Соӊку аракети:
26-09-2018 09:13
Жынысы:
Белгисиз
Калаасы:
Там где счастье)
+2
Эххххх
30.01.2018. 09:36 
Тайпасы:
Жаран
Комментарийлердин саны:
127
Катталган:
28-01-2016
Соӊку аракети:
25-09-2018 09:25
Жынысы:
Белгисиз
+17
Азамат аззамат жигит экен!!!
Бей куноо наристени бооруна алган чыгарма болсода чын болгондой кубанып турам.
30.01.2018. 09:47 
Тайпасы:
Жаран
Комментарийлердин саны:
227
Катталган:
20-11-2013
Соӊку аракети:
09-03-2018 15:40
Жынысы:
Белгисиз
+12
жакшы ушундай жигиттер чыныгы жашоодо болбосо да жомоктордо болгону суйундурду
30.01.2018. 10:10 
Тайпасы:
Жаран
Комментарийлердин саны:
131
Катталган:
10-03-2016
Соӊку аракети:
26-09-2018 08:44
Жынысы:
Белгисиз
Калаасы:
Кыргызстан
+11
Чыныгы жигиттик сапат!
30.01.2018. 10:36 
Тайпасы:
Жаран
Комментарийлердин саны:
10
Катталган:
12-01-2014
Соӊку аракети:
08-08-2018 10:22
Жынысы:
Белгисиз
+12
Ооба Азамат чын эркек экен, молодец. Бул чыгарма болсода абдан таасирдүү экен (трогательно).
30.01.2018. 10:49 
Тайпасы:
Жаран
Комментарийлердин саны:
33
Катталган:
06-02-2017
Соӊку аракети:
26-09-2018 00:50
Жынысы:
Белгисиз
Калаасы:
убактылуу жашоодо!!!
+11
Азамат коргон сулуулукту элестетип журогум эзилип кетти кыз деген бул бир башкача соз менен тушундуро алгыс нерсе экенда....
30.01.2018. 11:43 
Тайпасы:
Жаран
Комментарийлердин саны:
49
Катталган:
13-10-2017
Соӊку аракети:
26-09-2018 05:17
Жынысы:
Белгисиз
+4
Bah 4irkin Myndai Myrzalar jomoktordo 4ygarmalarda ele emes 4ynygy jawoodo da bolso gana Azamatty 4ynynda ele suiup kettim
30.01.2018. 12:18 
Тайпасы:
Жаран
Комментарийлердин саны:
4
Катталган:
03-01-2018
Соӊку аракети:
08-05-2018 16:27
Жынысы:
Белгисиз
+5
Азамат азамат экенсинго. Атына затын жарашкан
30.01.2018. 12:58 
Тайпасы:
Жаран
Комментарийлердин саны:
10
Катталган:
04-01-2018
Соӊку аракети:
24-08-2018 03:46
Жынысы:
Белгисиз
+4
Ээх мынча сонун өтө чеберчилик мн жазылыптыр
30.01.2018. 17:17 
Тайпасы:
Жаран
Комментарийлердин саны:
Катталган:
14-04-2016
Соӊку аракети:
25-09-2018 12:33
Жынысы:
Белгисиз
Калаасы:
Түп айылы
+1
Азамат, аты айтып тургандай эле Азамат экенсиң!
30.01.2018. 18:00 
Тайпасы:
Жаран
Комментарийлердин саны:
77
Катталган:
02-10-2012
Соӊку аракети:
22-05-2018 10:15
Жынысы:
Белгисиз
+1
Шолоктоп ыйладым озумду токтото албай, ушундай эркектер бар экенинеби билбейм же кызга боорум оорудубу...
30.01.2018. 22:06 
Тайпасы:
Жаран
Комментарийлердин саны:
25
Катталган:
16-01-2018
Соӊку аракети:
23-08-2018 00:09
Жынысы:
Белгисиз
Калаасы:
Тоолордун чокусунда...
0
Соооонун...
31.01.2018. 00:05 
Тайпасы:
Жаран
Комментарийлердин саны:
38
Катталган:
09-03-2013
Соӊку аракети:
28-08-2018 11:38
Жынысы:
Белгисиз
+2
Боюна кылып качкан жигиттердин журогу ооруйт болду бекен?
31.01.2018. 01:26 
Тайпасы:
Жаран
Комментарийлердин саны:
40
Катталган:
04-06-2011
Соӊку аракети:
26-09-2018 02:01
Жынысы:
Белгисиз
Калаасы:
россия москва
0
Азаматты суйуп калдым элесимде эле!!!
02.02.2018. 12:43 
Тайпасы:
Жаран
Комментарийлердин саны:
4
Катталган:
22-04-2017
Соӊку аракети:
26-09-2018 09:06
Жынысы:
Белгисиз
0
Козумо жаш тегеренди,укмуш!!!
04.02.2018. 15:47 
Тайпасы:
Жаран
Комментарийлердин саны:
212
Катталган:
15-08-2017
Соӊку аракети:
25-09-2018 18:34
Жынысы:
Белгисиз
0
Москвада торогон болсо жакындарын роддомго киргизбейт, акча да сурашпайт го. Бир аз окшоштуруп жазсанар болмок,автор . Акча тилеп сугалактанган биздин Кыргызстанда эле
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: