Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№797 9-15-февраль 2018-жыл


(Башы өткөн сандарда)

Айсулуу түш көрүп жатты. Кызы колунда, жанында бирөө басып баратат. Ал бир туруп Азамат болуп көрүнөт, бир туруп Тимур боло калат. Улам уурданып карайт. Жок, Тимур экен. «Бул качан келген?» дейт өзүнчө. «Келбеди беле, кечирим сурады эле го» дейт ички үнү. Өзүнчө кубанып алган.
«Азамат кайда?» бул суроодон өзү чочуп кетти. Дал ушул учурда колунда кызы жок болуп кеткенин байкады. «Эй!» деп чочуп кыйкырды. Алысыраакта Азаматтын карааны көрүндү. Ал Айназикти көтөрүп баратыптыр.
– Тимур, тигинден баланы ал,- деп кыйкырды. Кыйкырды да, чочуп ойгонду. «Тимур, Тимур...»- деп жатыптыр. Азамат укмаксан болуп койду.
– Биз айылга жакындап калдык. Кийимдериңди оңдоп-түзөп аласыңбы?- деди жылмайып.


ххх


Бурул улам терезеден сыртты тиктеп коёт. Көкүрөгү кубанычка толо. Ананчы, анын көкүрөк күчүгү болгон уулу Азамат үйлөнүп, келинчеги, кичине кызы менен келе жатпайбы. Бурул ушул Азамат үчүн көп санаа чекчү. 2 кыздан кийин төрөлгөн уулду жолдошу Камчы экөө көпкө күтүшкөн.
Эркек бала деп ак эткенден так этип жүргөн Камчы Азамат төрөлгөндө өзүн коёрго жер таппай калганын айылдагы теңтуштары азыркыга чейин айтып жүрүшөт. Көчөдөн уккан экен уулдуу болгонун, бир отура калып, бир тура калып, бирде барып жол боюнда агып жаткан сууга бетин жууп, жүз аарчысы менен бетин аарчып болуп эле кайра улам жүзүн сууга чайкап, күлмүңдөп өзүнө батпай кеткен дешет.
Эки кызын алып, аз өтпөй районго жөнөгөн. Досунун машинесинде бара жатып, улам Кудайга жалбарып, шүгүрчүлүк келтирип барган. Уулун көрө элек жатып, жанынан артык көрүп алган. Ооба, ал Азаматты ашыкча жакшы көрүп коюптур. Кээде Бурул ушуну ойлоп да кыжалат боло берет.
Азамат там-туң баскан күндөн тарта атасы Камчынын жанынан калган жок. Атасы кайда болбосун жанында жүрчү. Тойтоюп атка учкашып жүрдү адегенде, шайы оогондо ат үстүндө эле уктайт. Атасы аны түшүп кетпесин деп жоолук менен өзүнүн белине байлап алат. Кийин атасы унаа алып, жүргүнчү ташып үйгө токтобой калганда Азамат деле күн-түн дебей жанында жүрө берчү. Ал кезде божурап оозу тынбай көп сүйлөчү. Анан бир күнү эле Камчы ооруп төшөккө жатып калды. Адегенде көп деле элес алган эмес. Бирок улам барган сайын алы куруп, өң-алеттен кетип калды. Боорунан жабыркаптыр. Байкабай жүрө берген экен. Жарым жылда кадимкидей соолуп калды.
Ошол көз жумар күнү алда нени сезгендей, күн сайын суроо-сопкутсуз эле дары жыттанган атасынын моюнун кучактап жатчу Азаматты ал уктап калганда башка төшөккө жаткыртып койгон. Кокус түндө кыйналсам баланын жүрөгү түшпөсүн десе керек да. Айтор, таң ата Камчы бул жарыкчылык менен коштошуп кетти.
– Азамат ыйлайт го,- деп кейиген болчу ал үзүлүп баратып. Анын баары Бурулдун эсинде. Уулу менен атасынын ортосунда өзгөчө бекем байланыш болгон экен. Атасы туура эле боолголоптур, араң эле 6 жашка чыккан, өлүм менен өмүрдүн айырмасын анча аңдай элек болгонуна карабай Азамат "атаң өлдү" дегенде бөтөнчө сыздап ыйлады. Кыштын күнү болчу. Чыкыроон суукка карабай атасы жаткан боз үйдүн жанында эртеден-кечке чырылдап турду.
Атасын боз үйдөн алып чыгып бейитти көздөй жөнөшкөндө табытты көтөрүп бараткандардын алдын тороп «атамды алып кетпегиле» деп аларга жинденип, суукка тоңуп кыпкызыл болуп калган кичине муштумдары менен койгулап же атасын тирилтер айла таппай «ата, ата-а» деп боздогону айылдын ичин тегиз каптап, күнөөсүз, жасалмасыз ачуу ыйы баарынын айласын кетирген, баарын ыйлаткан. Бирок баары бир атасын алып кетишти. Көмүлдү.
Андан кийин Азамат бир чекитти тиктеп эле сүйлөбөй калды. Эч кимге эч нерсе айтпай эле бүлкүлдөп ыйлайт. Анын али жамандык көрө элек жүрөгүнө атасынын ажалы өтө эле катуу тийиптир. Дээрлик жарым жылдай оозунан бир да сөз чыккан жок. Бурулдун айласы кеткен ошондо. Баланы эмне мынча өзүнө жакын кылат деп маркум күйөөсүнө да нааразы болгон. Кийинчерээк Азамат өзүнөн-өзү кайра сүйлөп калды. Бирок эми божурап сүйлөй берген, көп күлгөн балакай Азамат эмес, кичине турпатына, көк көздөрүнө жоготуунун, айрылуунун кайгысын батырып алган, көз карашы муңдуу, анда-санда гана суроого жооп берип койгон Азамат болуп калды. Анын көп сүйлөбөстүгүнөн, түнттүгүнөн айылдагы оозуна алы жетпегендер жинди, зөөкүр деп атап башташты. Эл жетеленме болот экен. Бирөө бирөөнү сөөмөйү менен көрсөтүп жинди деп койсо калганы да кошулуп сөөмөй менен көрсөтө берет тура.
Бурул үшкүрүнүп койду. Элге айла барбы? Анан кайра туруп кубанып кетти. Ким эмнени айтса да, жинди дешсе да ал өз уулунун мыкты адам экенин билет го. Эмнеге кейийт? Эми минтип уулу үйлөндү. Адегенде анын Москвага барышына каршы болгон эле. Бирок Азаматтан улуу кызы болбой эле күйөөсүнө кошуп жөнөтүп жиберген.
Ырас эле жибериптир, ошол жактан үйлөндү деп калат Бурул, ортончу кызы Ырысканга ыраазы боло.
– Келишти, апа,- ойго батып кеткен Бурулду кызы Ырыскандын үнү чоочутту.
– И-ий, балакетиңди алайын, чыныга суу куюп, күл сала калчы, айлантып чачып коёюн,- Бурул шашкалактап чыкты.
– Туруп тур, кирбей тур,- деди ал үйдөн чыга берип унаанын жарыгынан үрүл-бүрүл элестерди көрүп. Анан кимдир бирөө суна калган чыныдагы сууну көтөрүп жөнөдү.
Мына, өзүнүн Азаматы колуна быйтыйган наристе көтөрүп турат.
– Ылдый бол, башыңдан суу айлантайын. Үйгө кирип кет, анан учурашабыз,- суу айлантылган соң Азамат кирип кетти.
– Келегой,- уялыңкы турган Айсулуунун башынан да суу тегеретти.
– Кел, сен дагы,- айдоочу да аргасыз башын ийди. «Энелер баары бирдей болот» деди айдоочу өз апасын эстеп...


ххх


Айсулуу үйгө баш бакканда эле Азаматка түспөлдөшүп кеткен, сары келин: «Мен сенин кайнежең болом, атым Ырыскан. Кел, таанышып алалы. Төркү үйгө жүргүлө. Салт экен, көшөгөгө киргиле адегенде»,- деп колтуктап көшөгө киргизди.
Аздан соң Азаматтын апасы чыныны сыртка көмкөрүп коюп, толкунданып кирип келди.
– Өмүрлүү-таалайлуу бол! Агарып-көгөр, кут алып келген келин бологой, алтыным,- ак жоолукту Айсулууга салып жатып сүйлөндү. Мына, Тимур менен ушундай күндү элестетип жүргөн. Бирок башына ак жоолукту Тимурдун апасы салган жок. Кыздын жүрөгү «тыз» дей түштү.


ххх


– Ий, Азаматымдын эле өзү. Ой, кандай анан? Атаңдын эле өзүсүң го. Ыя, атасы эле го бул кыз... Садагаң болоюнум, аман бол,- Айназикти Бурул колуна алып эркелетип жатты.
– А мен чоң энең болом. Ой, эмне кабак бүркөйбүз? Бүркөбө кабакты, корктум, корктум. Жаным десе, жаным...
Бурул да, Ырыскан да Айназикти эркелетип бүтө албай жатышты. Кубанычтарында чек жок эле. Келин болсо тыпылдап чай куюп жүрөт. Үйгө урук-тууган чогулуп, келин көргөндөр келип, айтор, бапырап эле жатып калышты. Мындайда күн сайын көзгө кадимкидей эле көрүнгөн электр шамы да майрам жаратып, башкача жалт-жулт этип калат экен.


ххх


Айылга келгенден тарта Азаматтын көңүлү ток. Апасы, кызы жанында, маңдайында көңүлү сүйгөн жубайы. Айназик күндөн-күнгө көзгө толумдуу болуп сүйкүмү артып баратат. Аны бир маал калың төшөккө ороп алып Азамат эшикке көтөрүп келет. Таза аба менен дем алсын дегени. Азыр да ошентип кызы менен ар кайсыны сүйлөшүп эшикте жүргөн, жанына Айсулуунун басып келгенин байкабай калды.
– Мени үйгө качан алып барып келесиң?- деди Айсулуу. Атайын даярданып келгендей сүйлөдү.
– Апам атаң менен сүйлөшүптүр. Күн жылыганда эле келиңиздер деген экен. Апрель же майда барсак болот.
– Азамат, биз эмне ушул бойдон айылда калабызбы?
– Ооба.
– Ий, өмүрүбүздүн баары ушул жакта өтөбү?- курбулары менен отуруп калганда «эзели айылга тийбейм. Чыдабайм, бул жакта эртең менен оокат, түштө оокат, кечинде оокат» деп айтканы эсине түштү.
– Балага айыл эле жакшы го. Чыйраак өсөт, адамдар менен мамилеси да башкача болот.
– Уф, кантип чыдайм, билбейм,- Айсулуу өзүнчө жинденип койду...


(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Башка сандарда:
Комментарийлер(18)
13.02.2018. 09:18 
Тайпасы:
Жаран
Комментарийлердин саны:
3
Катталган:
22-03-2014
Соӊку аракети:
10-08-2018 05:35
Жынысы:
Белгисиз
-3
Биринчи ☺
13.02.2018. 09:21 
Тайпасы:
Жаран
Комментарийлердин саны:
19
Катталган:
29-07-2016
Соӊку аракети:
17-11-2018 18:14
Жынысы:
Белгисиз
Калаасы:
Там где счастье)
+1
Эхх.. Айсулуу Айсулуу
13.02.2018. 09:47 
Тайпасы:
Жаран
Комментарийлердин саны:
8
Катталган:
02-08-2017
Соӊку аракети:
17-11-2018 20:34
Жынысы:
Белгисиз
+3
суротун коруп,Азаматка кызын таштап,Тимур менен кетип калат окшойт деп эле кыжаалат болуп кетем
16.02.2018. 04:48 
Тайпасы:
Жаран
Комментарийлердин саны:
183
Катталган:
27-01-2013
Соӊку аракети:
16-11-2018 11:01
Жынысы:
Белгисиз
Калаасы:
Токтогул
0
ninja82,чын айтасын,ошентет окшойт...
13.02.2018. 10:13 
Тайпасы:
Жаран
Комментарийлердин саны:
149
Катталган:
10-03-2016
Соӊку аракети:
13-11-2018 22:50
Жынысы:
Белгисиз
Калаасы:
Кыргызстан
+6
Азаматтын баркына жетсе экен
13.02.2018. 10:18 
Тайпасы:
Жаран
Комментарийлердин саны:
328
Катталган:
21-07-2014
Соӊку аракети:
15-11-2018 00:49
Жынысы:
Белгисиз
Калаасы:
Деңиз жээгинде.
+15
Ушул Айсулууга окшогондорго кайран эр...
belka түзөттү 2018-02-13 10:19:00
13.02.2018. 12:11 
Тайпасы:
Жаран
Комментарийлердин саны:
136
Катталган:
04-09-2014
Соӊку аракети:
17-11-2018 10:57
Жынысы:
Белгисиз
0
belka,Азаматка бооруң ооруп кеттиби?
13.02.2018. 11:29 
Тайпасы:
Жаран
Комментарийлердин саны:
6
Катталган:
15-02-2013
Соӊку аракети:
17-11-2018 16:25
Жынысы:
Белгисиз
Калаасы:
Бишкек Новосибирск
+24
Эшек ылайдан отуп алып Эми айылда жашабайм тммурдун энеси жоолук салса кана деп Тим эле бир нерсени кыйратып койгонсуйтго. Кудай сакта ушундай бети жоктордон
13.02.2018. 12:13 
Тайпасы:
Жаран
Комментарийлердин саны:
136
Катталган:
04-09-2014
Соӊку аракети:
17-11-2018 10:57
Жынысы:
Белгисиз
0
ady-88,колуңда беш манжаң барабар эмес го,адам да ушул сыяктуу жылкы пейил болот.
13.02.2018. 13:58 
Тайпасы:
Жаран
Комментарийлердин саны:
5
Катталган:
16-06-2011
Соӊку аракети:
17-11-2018 23:17
Жынысы:
Белгисиз
Калаасы:
Москва
+7
Айсулуу ХХХХХХХХХХ тыпылдап кызматын кыла бербейби... тим эле айылда жашай албайт имиш...
Модератор admin_media түзөттү 2018-02-13 18:12:13
13.02.2018. 17:36 
Тайпасы:
Жаран
Комментарийлердин саны:
0
Катталган:
19-09-2017
Соӊку аракети:
02-10-2018 13:13
Жынысы:
Белгисиз
Калаасы:
Ордолуу Ош
+4
Азаматты сүйүп калдым го элестетип алып))))
13.02.2018. 18:47 
Тайпасы:
Жаран
Комментарийлердин саны:
3
Катталган:
12-02-2017
Соӊку аракети:
10-04-2018 19:24
Жынысы:
Белгисиз
+2
Айсулуу келесоо экен го.
13.02.2018. 19:21 
Тайпасы:
Жаран
Комментарийлердин саны:
4
Катталган:
03-01-2018
Соӊку аракети:
08-05-2018 16:27
Жынысы:
Белгисиз
+2
Айсулуу Тимурду тандаса, Айназик Азаматты тандайтко дейм
13.02.2018. 21:02 
Тайпасы:
Жаран
Комментарийлердин саны:
5
Катталган:
06-01-2018
Соӊку аракети:
17-11-2018 17:11
Жынысы:
Белгисиз
0
Аял киши суйуп калса мин жолу конулун алып барктасан да барибир конулу жок адамга эч качан ийилбей неге мындай болот екен
13.02.2018. 22:41 
Тайпасы:
Жаран
Комментарийлердин саны:
77
Катталган:
22-01-2018
Соӊку аракети:
17-11-2018 23:43
Жынысы:
Белгисиз
0
жинди десе колдо бар алтындын баркы жок деген чын экенда
14.02.2018. 11:46 
Тайпасы:
Жаран
Комментарийлердин саны:
115
Катталган:
26-03-2014
Соӊку аракети:
18-11-2018 00:02
Жынысы:
Белгисиз
0
Бир жакшыга бир жаман деген ушул экен го, Айсулуу ото женил ойлуу кыз экен
14.02.2018. 13:11 
Тайпасы:
Жаран
Комментарийлердин саны:
Катталган:
14-04-2016
Соӊку аракети:
11-10-2018 22:31
Жынысы:
Белгисиз
Калаасы:
Түп айылы
0
Ары жок Айсулуу го! Адам деген кичине артын караса!
15.02.2018. 13:20 
Тайпасы:
Жаран
Комментарийлердин саны:
44
Катталган:
04-06-2011
Соӊку аракети:
16-11-2018 23:08
Жынысы:
Белгисиз
Калаасы:
россия москва
0
Айсулуу кок мээ, доопорос!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: