Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№803 23-март -29-март, 2018-ж.


(Башы өткөн сандарда)

– Ал эмне дегениң?
– Апа, сен мени түшүнүшүң керек. Бул кыз менин кызым. Ооба, сен азыр тиги баланы көрдүң да ага окшоштуруп жибердиң, ичиңде эмне ойлор болуп жатат, билбейм. Бирок сенин шектенип жатканың байкалып эле турат. Шектенбе, апа. Бул сенин неберең, менин кызым! Мен муну апасына бере албайм. Ал жоопкерчиликсиз. Кылган кылыгын көрдүк го? Эми кантип карматам ага? Айназикти алып кетсе, мен аны экинчи көрбөйм. Санаа тартып жинди болуп калам. Жок, кызым өзүмдө болгону жакшы. Мага ишенсең, кызды алып чогуу кетели.
– Бала сеники болсо соттошолу. Акыр аягына чейин баралы. Кайда кетмек элек?
– Жок. Сот бала энесинде болсун деп салсачы?
– Сен кеткенде таппай калмак беле?
– Менде арга калбай калды, апа. Мен ушул жолду гана көрүп турам. Башка өлкөгө кетебиз, Орусиябы, Өзбекстанбы айырмасы жок. Кызым чоңойсун. Ошондо кайра келебиз. Ага чейин баары унутулаттыр.
Бурул унчукпай калды. Азаматтын бала кезинде атасын жоготкондон кийин кусалыктан ооруганын, сүйлөбөй түнт болуп кеткенин эстеди. Азыр да кызынан ажыраса ошондой абалга кептелчүдөй. Айназиктен ажырачу болсо бул жок болуп кетет. Энелик жүрөгү менен ушуну сезди, түткөн жок. Уулу небереси үчүн тозокко барганга деле даяр болчу.
– Андай болсо...- уулу менен көпкө кеңешти. Жөнөкөй, баамчыл, даанышман аял болчу Бурул.


ххх


Түн капкараңгы. Кара булуттардан жылдыз да көрүнбөй турган. Азамат сарайдын эшигин ачып мал-жандын баарын сыртка чыгарып жиберди. Эки ат гана токулуу бойдон мамыда байланып турат.
Бул арада Бурул уктап калган Айназикти көтөрүп сыртка чыкты.
– Сиз атка миниңиз,- Бурулду жөлөп-таяп атка мингизип колуна Айназикти карматты.
– Мен азыр...- желим идиштеги бензинди көтөрүп үй тарапка жөнөдү. Анан дыкаттык менен үйдүн ар бир бурчуна бензин чачып чыкты да, босогодон үйдүн ичин бир карап алып ширеңке чагып, от коё берди. Үйдү дүрт этип жалын каптады. Атасынан калган там жалынга оролуп кала берди. Бурулдун жүрөгү зырп дей түштү. Ананчы, бул үйдү канча мээнет менен салышты эле, бул үй канча кубанычтын, канча кайгынын күбөсү болбоду беле?! Кышта жылуу, жайда салкын, аны салган адамдар сыяктуу эле жөпжөнөкөй, кең, тыкан салынган там болчу.
Азамат чуркап келип атка минди да, апасынан Айназикти алып теминди. Эртерээк алыстап кетиш керек. Кызы болсо жылуу жуурканга оролуп, мемиреп эч нерсе сезбей уктап жатат. «Сени эч кимге бербейм. Сен менин бакытым болсоң, жашоом болсоң... Менин кызымсың. Кантип сени башкага берейин?» кызын бооруна кысып, кере-кере жыттап койду. Айназиктен күнөөсүздүктүн, тазалыктын жыты келип турду. Наристелер гана мындай жыттанат.


ххх


Айсулууга таңдын атышы азап болду. Кызы аны тааныбай койгону үчүн бушайман болуп чыкты. Анын энелик сезими тепселип калгандай, ызага муунуп жүрдү.
Бул аймакта жакын туугандары жок болгондуктан, алар райондогу мейманканага келип жатышкан болчу. Таң эрте ойгонуп эле Тимурду, апасын ээрчитип Азаматтыкына жөнөдү.


ххх


Адегенде ал үймөлөктөшкөн элди көрдү. А үй кайда? Тызылдап чуркап жөнөдү. Анан улам жакындаган сайын буттарынын алы кетип, шилтөөгө дарманы келбей калды.
– Кызым!- чаңырып жиберди. Бир кезде сырты акталган жумурткадай тамдын ордуна үйүлгөн күл, жарым-жартылайы урап түшкөн кара дубалдар сербейип турду. Буркурап боздоп Азаматтын эжеси Ырыскан жүрөт. 3-4 аял аны жөлөп-таяп алышкан.
– Кызым!- Айсулуу эми чындап коркуп кетти, ачуу үн көкүрөгүн жарып чыкты. Түз эле күл сапырылып жаткан, кара дубалдарды аралай чуркады.
– Жуттуң, шуркуя! Жуттуң!- Ырыскан кыйкырды аны көрүп. Жанындагы аялдар кармап турбаганда ал Айсулууну өлтүрүп салуудан кайра тартмак эмес. Ал кечээ баарын уккан болчу.
– Айназик, кызым!- Айсулуу бир кездеги бөлмөлөрдүн калган ордуларына барып кыйкыра берди. Кимдир бирөөлөр келип кармап, «сабыр кыл» деп жатышканын укту. Арыда болсо апасы жер чапкылап ыйлап жатты. Тимур гана элейип эмне кыларын билбей туруп калды.
– Кызым! Кызы-ым...- Айсулуунун үнү бүтүп баратты.


ххх


– Өрттөнүп эле өлгөн го?
– Ток-поктун айынан эле болсо керек. Уктап жаткан немелер ышка думугуп өлдү. Анан от деген от. Денелери күл болуп калды да.
– Ээ, бирок сөөк калыш керек эле да. Тыптыйпыл эч нерсе жок болуп жатпайбы?
– Ой, адам дегениң бир ууч эле күл болуп калат. Кинодон көргөн эмес белең?
– Ай, ким билет? Бирөө атайын өрттөгөн эмеспи? Мал-жандыгынын баары сыртта жүрөт. Эки аты жок. Ууру-кескилердин эле колунан келген жокпу, ыя?
Азаматтын айылдаштары аны өлдү деп эле эсептешти. Кызуу талкуулап жатышты. Бирок Айсулуу баары бир кызын жоготконуна ишене албай койду. Жүрөгү эмнегедир түпөйүл тартып жатты.


ххх


Айылдаштары менен кошо Азаматтын өрттөнүп өлгөнүн бир топко талкуулап келген Улан босогосун аттап жатып, бир кезде андан токмок жегенин эстеп кетти. «Энеңдурайын» деп сөгүнүп койду ичинен. Үйгө апасы да жаңы эле келген окшойт. Дүкөндөн түшкөн бүгүнкү акчаны ашканада санап жатыптыр. Уланды көрө сала 5-6 миң сомдой акчаны сунуп:
– Ме, муну салып кой тиякка. Бүгүн анча-мынча карыздар чогулду,- деди кудуңдап.
Булардын үйүнүн төркү бөлмөсүнүн полунда эки-үч тактай алынчу. Жашыруун жай кылып аны Улан өзү жасаган. Үстүнөн килем жаап койсо таптакыр билинбей калат. Ал жакта Улан кичинекей темир сандыкка акчасын катып жүрчү. Азыр апасынан алган акчаны да ошол жашыруун жайына катмакчы болуп, полдогу тактайларды акырын ала баштады. Бирок темир сандыгы ордунда жок болуп чыкты. Жүрөгү шуу дей түштү. Жол тандабас унаа алайын деген 10 миң доллардан ашык акчасы бар болчу эле.
– Апа! Эмне, сандыкты алдыңыз беле?- үнү калтырап чыкты.
– Жок, ботом! Эмне болду?
– Ордунда жок! Үйгө бирөө келди беле?
– И-ий! Мен кайдан билейин, дүкөндөн келдим мен. Ай, атаңдан сура, аялыңдан сура.
Ызы-чуу түшүп эле жатып калышты. Атасы да, аялы да темир сандыктын кайда экенин айта алышкан жок. Улан башын мыкчып отуруп калды. Муну эч ким билчү эмес эле го. Эми кайдан табат?


ххх


– Жок, алар өлгөн жок!- Айсулуу унаада бет алдын телмире тиктеп бара жатып сүйлөдү.
– Жүрөгүм сезип жатат. Алар тирүү...
– Кызым,- апасы бир нерсе сүйлөмөкчү болду эле аны токтотуп койду.
– Жок дегенде үчөөнүн бирөөсүнүн бир нерсеси калат эле го. Эч кандай сөөк да жок. Кантип ушундай болсун?! Милицияга арыз жазып, текшертүү керек баарын. Балким, Азамат Айназикти алып качып кетүү үчүн атайын кылгандыр...


ххх


Милиция бардык жагдайды териштиргенче кыйла убакыт өтүп кетти. Дагы деле так жооп жок. Анын-мунун жыйынтыгы чыксын болуп эле убакыт созулуп жатат. Дээрлик 10 күндөн ашык убакыт өткөндө гана күтүлбөгөн кабар Бишкектен келди.
Алакандай кагазда «Камчыбек уулу Азамат, Тезекбаева Бурул ушул жылдын 26-декабрында кыргыз-казак чек ара бекетинен Казак мамлекетин көздөй чыгышкан» деп жазылыптыр. Айсулуу муну укканда жүрөгү кабынан чыгып кетейин деди.
– Мен билгем! Мен билгем,- деп сүйлөнүп жатты ал.


ххх


Азамат мейкин талаада зымырап бара жаткан унаада арткы орундукта чоң энесине ыктап уктап жаткан кызын карап жылмайып койду.
– Тууган, Орусиянын кайсы аймагына кетип калсам?- деди азербайжан улутундагы айдоочуга.
2 күндүк жол жүрүүдө булар ынак боло түшүшкөн.
– Эмне, барар жериң анык эмеспи?
– Москвага барсамбы дегем, бирок айнып жатам. Отурукташа турчу жер тапкым келип жатат.
– А эмнеге?
– Жаңы жашоо баштасамбы дейм. Жаңы тууган күтөм. Мени эч ким тааныбаган жер керек.
– Эмне, кылмыш кылдың беле?
– Кылмышпы, кылмыш эмеспи, билбейм. Аялым экөөбүз кызыбызды талашып кеттик. А мен бергим келген жок. Анын жаңы күйөөсү буга кандай мамиле кылат, кызым кантип чоңоёт? Өгөй атасы урбайбы? Мындай суроолор менен жашай алмак эмесмин. Айтпай-дебей алып кетип калдым.
Тиги жигит олурая карап койду. Саамга үндөбөй калды. Анан ойлонгондой:
– Бирок балага апа керек да.
– Түшүнөм, бирок ал жоопкерчиликсиз мамиле кылды. Баладан мурун өзүн ойлоп башка эркекке кетти. Балким, бул сүйүүдүр. Бирок ошондо да баладан мурун өз камын ойлоп, өзүнүн кумарына жеңдирип салган аялга баланы тапшыруу туура болот беле?
– А сен жоопкерчиликтүүсүңбү?
– Жоопкерчиликтүү болгонго аракет кылам. Бул дүйнөгө бир адам сени «ата» деп келдиби, болду, анда ата деген атка татыктуу бол! Ал дүйнөгө сага ишенип келди, анын жашоосун талкалаганга сенин акың жок! Сен ал үчүн жоопкерсиң. Ал сени ата деген күндөн тарта сен өзүңө өзүң ээ эмессиң. Сен каалаганыңды кыла албайсың. Башканы сүйүп калдым же кыйналып жатам деп кеткенге болбойт. Себеби сен бирөөгө атасың! А ата болуудан артык эмне бар? Мен аны коргоосуз калтыра алмак эмесмин...
– Башкача адам экенсиң. Ар бир ата сендей жоопкерчиликтүү болсо, баласын сендей жакшы көрсө тирүүлөй жетим жүргөндөр аз болмок.
– Мени издеп башташса, таап алышабы деп корком.
– Сен Ямалга кетип кал. Эч ким таппайт! Ал жерде баары эле бири-бирине окшош. Кимдин-ким экени айырмаланбайт. Жергиликтүү эл менен сиңишип кетесиң. Документтериңди жаңы жасатып ал.
– Ямалың каяк?
– Ямал – Ненец аймагы. Орусиянын эң суук делген бөлүгү...


(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Башка сандарда:
Комментарийлер(18)
27.03.2018. 09:14 
Тайпасы:
Жаран
Комментарийлердин саны:
2
Катталган:
11-01-2018
Соӊку аракети:
13-08-2018 00:38
Жынысы:
Белгисиз
+1
jakshy boldu ketip kalyp. Emi tappai ele kalsa eken
27.03.2018. 09:33 
Тайпасы:
Жаран
Комментарийлердин саны:
132
Катталган:
15-02-2013
Соӊку аракети:
23-09-2018 20:32
Жынысы:
Белгисиз
Калаасы:
Бишкек Новосибирск
0
Олду улан деген Ким эле?
27.03.2018. 09:41 
Тайпасы:
Жаран
Комментарийлердин саны:
27
Катталган:
23-11-2017
Соӊку аракети:
21-09-2018 12:39
Жынысы:
Белгисиз
-1
Ошондо Уландын акчасын Азамат алган болобу
27.03.2018. 19:56 
Тайпасы:
Жаран
Комментарийлердин саны:
136
Катталган:
27-01-2013
Соӊку аракети:
17-09-2018 21:07
Жынысы:
Белгисиз
Калаасы:
Токтогул
+1
Baiana2017,менимче Азамат алган жок,бирок Азаматтан коруп калышатго кыязы.
27.03.2018. 09:50 
Тайпасы:
Жаран
Комментарийлердин саны:
77
Катталган:
22-01-2018
Соӊку аракети:
23-09-2018 16:22
Жынысы:
Белгисиз
0
жакшы болду кетип калганы
27.03.2018. 09:51 
Тайпасы:
Жаран
Комментарийлердин саны:
12
Катталган:
11-06-2014
Соӊку аракети:
23-09-2018 14:48
Жынысы:
Белгисиз
0
Улан деген эми кайдан чыкты.
27.03.2018. 13:08 
Тайпасы:
Жаран
Комментарийлердин саны:
11
Катталган:
25-01-2018
Соӊку аракети:
23-09-2018 11:29
Жынысы:
Белгисиз
+1
murgab2014, айылдашы, магазинчи аялдын баласы болчу. Бирде уруп салган эле
27.03.2018. 10:36 
Тайпасы:
Жаран
Комментарийлердин саны:
8
Катталган:
01-10-2014
Соӊку аракети:
23-09-2018 16:05
Жынысы:
Белгисиз
+1
Улан Азаматтан токмок жеген бала
27.03.2018. 11:37 
Тайпасы:
Жаран
Комментарийлердин саны:
130
Катталган:
07-05-2016
Соӊку аракети:
18-08-2018 23:44
Жынысы:
Белгисиз
Калаасы:
ГАЛАКТИКА
+2
Айсулуу негизи ушуга татыктуу болчу. Бирок, качып кеткенин билип калганы жаман болду
27.03.2018. 13:10 
Тайпасы:
Жаран
Комментарийлердин саны:
20
Катталган:
22-01-2017
Соӊку аракети:
16-08-2018 20:47
Жынысы:
Белгисиз
+12
Ямалга келе бер Азамат,бул жерде кыргыздар азбыз.Бирок ынтымактуу,бир бирине жардамдашып турушат.
aiba-889290 түзөттү 2018-03-27 13:11:27
27.03.2018. 14:52 
Тайпасы:
Жаран
Комментарийлердин саны:
138
Катталган:
18-03-2011
Соӊку аракети:
22-09-2018 10:37
Жынысы:
Белгисиз
Калаасы:
Бишкек
+7
aiba-889290,тосуп алып, жардам берип койгула)))
27.03.2018. 14:12 
Тайпасы:
Жаран
Комментарийлердин саны:
5
Катталган:
16-10-2017
Соӊку аракети:
27-03-2018 16:06
Жынысы:
Белгисиз
-3
Байкуш улик ХХХХХХХХХХХХ....Ха-ха-ха-ха-ха чала болот Ошол ХХХХХХХХ
Модератор admin_media түзөттү 2018-03-27 14:32:17
27.03.2018. 18:26 
Тайпасы:
Жаран
Комментарийлердин саны:
40
Катталган:
03-04-2015
Соӊку аракети:
23-09-2018 10:33
Жынысы:
Белгисиз
+1
суроттогу уйдон тутун чыгып жатканын бугун байкадым
27.03.2018. 21:35 
Тайпасы:
Жаран
Комментарийлердин саны:
130
Катталган:
10-03-2016
Соӊку аракети:
18-09-2018 18:35
Жынысы:
Белгисиз
Калаасы:
Кыргызстан
0
Кийир азамат турмого тушуп калат окшойт. Кызына бакчадан жолугат эмеспи сагынышып колуна мамалак алып алып
28.03.2018. 07:44 
Тайпасы:
Жаран
Комментарийлердин саны:
16
Катталган:
28-12-2016
Соӊку аракети:
14-08-2018 09:43
Жынысы:
Белгисиз
0
Саламатсызбы админ,башка сандарына шилтеме берип коё аласызбы?
28.03.2018. 09:44 
Тайпасы:
Супермодератор
Комментарийлердин саны:
437
Катталган:
22-02-2011
Соӊку аракети:
21-09-2018 18:13
Жынысы:
Белгисиз
Калаасы:
...
0
aylin_kg,4
Саламатсызбы! Макаланын астында "Башка сандарда" деп жазылып турат.
28.03.2018. 17:09 
Тайпасы:
Жаран
Комментарийлердин саны:
18
Катталган:
16-05-2016
Соӊку аракети:
09-09-2018 00:27
Жынысы:
Белгисиз
0
анан Азамат акчаны кайдан тапты экен.Уландын акчасын Азамат алган шекилде менимче
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 3 колдонуучу (Катталган: 0, коноктор: 3) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: