реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№804 30-март -5-апрель, 2018-ж.


(Башы өткөн сандарда)

– Алардан кабар барбы?- дагы деле тажабай Айсулуу бул суроону милиция кызматкерине берди.
– Жок.
– Анын эжесин суракка алдыңарбы?
– Ал билбейт. Аларды өлдү деп, куран окутканын сен деле укпадың беле.
– Бирок алар тирүү экен го?.. Казакстанга өтүптүр дешти го.
– Болду, андан ары из жок. Табылбай жатат. Балким, Казакстанда жүрөт. Издеп жатабыз.
– Кана издегениң? Издесең табылат эле го?
– Ай, чоң кыз, бул жер сен кыйкырып чыр сала турган жер эмес. Издеп жатабыз. Бардык жактарга кат жөнөткөнбүз. Бир илинчек чыкса эле табабыз. Күткүн. Башка эч нерсе дей албайм.
Айсулуу көңүлсүз сыртка бет алды. А тиги милиция кызматкери компьютеринде карта ойногонун улантып кала берди. Жок, булардан үмүт кылууга болбойт! Өзү барышы керек. Азаматтын эжесиникине жөнөдү.


ххх


– Ырыскан эже,- дарбазаны каккылады.
– Ким?
– Мен Айсулуу.
Ырыскан шашпай басып келип дарбазаны ачты. Бир кезде андан айбыгып турчу келини көзүнө тик карап туруптур.
– Мага айтыңыз, алар каякта?
– Билбейм. Аман болушса эле болду деп тиленип жатам.
– Жок, сиз билесиз?
– Билесиңби, сенин абийириңди төгүп, бетиңди тытып салгым келип жатат. Өзүмдү араң кармап турам. Адамдык уят-сыйыт деген барбы сенде? Мен аларды өлүп калды деп буркурап-боздоп куран окутуп, зыйнатын өткөргөнүмдү билесиң да. Уктуң да. Мен өлдү деп эле ойлодум. Азыр да алардын тирүү экенине толук ишене албай турам. Балким, бирөө аларды өлтүрүп, үйдү кошо өрттөп, алардын документи менен чек арадан өтүп кеткендир? Каяктан билем? Адамдын өлүү же тирүүсүн билбеген азап экен. Сен аны кайдан түшүнмөк элең? Кара жолтой десе!
– Менин кызым...- Айсулуу бир нерсени айтмакчы болду. Бирок көз жашка муунуп сүйлөй албай туруп калды.
– Эми керек болдубу кызың?
– Азамат анын атасы эмес, түшүнсөңүздөр. Ал баланы мага берсе жакшы болмок. Сиз ага айтыңыз.
– Жарыбаган неме экенсиң. Жападан-жалгыз инимди, апамды өлдү деп арамзаланып чуу сала тургандай киши көрүнүп турамбы сага? Эгер алар аман болушса деле баарын сага айтып коёт дейсиңби? Айназик сени менен жүргөнчө, Азаматымдын колунда жүрсө менин санаам тынч. Андай ата боло ала турган жигиттер чанда. «Бала тапкандыкы эмес, баккандыкы» дейт. Эми болсо көзүмө көрүнбөй жогол! Дагы бир жолу келчү болсоң, тиги кабанаак итти агытып, талатып салам. Жогол!
Дарбаза карс эте Айсулуунун маңдайында жабылды. Кыз ыйлап кала берди.


ххх


Тимурдун айласы кетти. Акча түгөнүп баратат. Айсулуу экөө Азамат жашаган райондун борборунда канча күндөн бери мейманканада жатышат. Кетүү керек болчу.
– Айсулуу, биз кетишибиз керек. Канча күндөн бери жүрөбүз? Же эч кандай жыйынтык жок.
– Айназик байкуш эмне болуп жатты экен? Ачкабы, токпу?
– Айсулуу!
– Кантип кетебиз, айтчы? Кантип?
– Экөөбүз ушул жерде тура берсек эле табылабы? Күнүгө тиги милициянын бөлүмүнө шылкыйып бара бергенден пайда чыгабы?
– Табуу керек!
– Жайлоону аралап кеткен мал болсо бир жөн, бир коктудан табат элек. А бул адам да. Алар из жашырышты. Азыр, балким, таптакыр башка ат менен жүрөт. Кайдан билебиз? Ориентирлерди жөнөттүк деп жатпайбы милиция деле. Табылганда кабарлашат да. Кетели, Айсулуу!
– Сенде таптакыр аталык сезим жок экен,- Айсулуу нааразы болуп сүйлөдү.
– Эмнени баштаганы жатасың? Мен сага бардыгын ачык айттым го. Акыры кетишибиз керекпи?
– Эгер Азамат Айназикти жоготуп жиберсе, ал аны ошол түнү эле таап алмак. Ооба, ал ошентмек. Ал Айназик дегенде жанын деле берет.
– Анда эмне ошол Азаматың менен калган жоксуң, а? Мен сенден сурап жатам.
Айсулуу үндөбөдү. Тимур болсо кийимдерин жыйнай баштады. Кыз Тимур дагы кетип калат деп коркуп кетти.
– Ачууланбачы,- жигиттин колунан алып сүйлөдү Айсулуу.
– Билесиң го, сени жакшы көрөм. Мен айлам кетип эмне кыларымды билбей калдым. Сен мени түшүнүшүң керек.
– Биз өз алдыбызча сураштыралы. Жарыяларды берели. Милиция өз алдынча иштесин. Бирок минтип эле отура берген кантип болсун? Акча түгөндү, иштешибиз керек.
– Кайра Москвага кетебизби?
– Ооба. Башка эмне кылабыз? Бул жакта жумуш жок. Акча болгондо Казакстанга барып дагы бир сыйра сураштырабыз.
– Алар табылбайт, сен ошентип эле чечип койдуң.
– Айсулуу, калам десең кал. Мен кеттим.
– Мен да кетем. Сен жок кайда бармак элем? Үйгө атам киргизбейт. Айназик болсо жок. Мен талаада калдым,- Айсулуу ыйлап жиберди.


ххх


– Бул жакка салыштырмалуу Кыргызстан жыпжылуу турбайбы. Ушунча да суук болобу, айланайын!- балконго бир азга чыгып, кайра үйгө кирген Бурул сүйлөндү. Ал бул шаарга көнө албай жатат. Ноябрьскке келгенден тарта көп кабаттуу үйдөн сыртка чыкпай тажап кетет. Же тааныш бирөө-жарым жок. Айласы кеткенде ушинтип балконго бир аз туруп анан кирет. Азамат болсо бейкапар кызы менен ойноп отурат. Аны карап аз да болсо көңүлү тоё түшөт Бурулдун. Атасы менен кызы бири-биринен ажыраса азаптын-азабы болмок. Азыр жок дегенде экөө бирге. Азыраак чыдап койсо, кийинчерээк Кыргызстандын башка бир бурчуна барышат да, жашай беришет. Кар жаасын, из басылсын...
– Эжеңе кабар жетти болду бекен? Тиги ким деген неме эле?
– Рустам. Баягы азербайжан айдоочуну айтасызбы? Ооба, ал бардыгы жакшы экенин айтып коёт. "4-5 жылдын аралыгында барарыбызды эжеме айт, санаа тартпасын" деп билдир дегем.
– Мм... Жетсе эле болду кабар,- Бурул үшкүрүнүп алды.
– Апа, баары жакшы болот. Баары ордуна келет. Азыр сен бир аз кыйналып жатасың, бирок көнүп кетебиз.
– Сен кызың деп, мен сен деп жүрүп ушуга келдик. Бала дегенде баарын кылууга аргасызбыз да. Жаман эмес, уулум, жаман эмес. Менин үшкүргөнүмдөн өзүңчө кыжалат болбо. Андан көрө жумуш издеп жатасыңбы?
– Ооба. Бир дүкөнгө жүк түшүргүч керек экен. Ошол жакка барсамбы деп жатам.
– Канча акчаң калды.
– Азыраак... 2 миң доллардай.
– Сен мынча көп акчаны кайдан тапканыңды акыры бир күн мага айтышың керек.
– Азыр деле айтам, апа. Уландыкынан уурдадым. Анын мектепте окуган кичине баласы атасынын акча каткан жерин классташтарына мактанып айтып баратканын уккам. Жөн гана кулагым чалган, оюма эч нерсе келген эмес. Бирок жашоо өзгөрүп кетпедиби... Мен бизге акча керек экенин түшүндүм. Уурдашым керек болду. 10 миң доллардан ашык акча бар экен. Бул жакка келгенибиз, документ жасатканыбыздан артканы ошол 2 миң доллар...
– Туура эмес жолго барыптырсың.
– Башка аргам жок эле, апа...
– Үйдү да өрттөбөй эле койсок болмок беле деп ойлоп кетем.
– Анда бизди тез эле кармап алышмак. Баары алаксып, өлдү деп ойлоп жатышканда Кыргызстандан чыгып кеткенибиз жакшы болду. Үйдү курабыз, апа. Дүнүйөнү да жыябыз. Кам санабаңыз.
Бурул канчалык Азаматка билгизбегенге аракет кылганы менен, көкүрөгүндө толтура түпөйүл ойлорунун айрымдарын сыртка чыгарып жиберип жатат. Бирок уулу үчүн баарына түткөнгө аргасыз. Ал Азаматтын табиятын билет. Жигитти азыр толук кандуу жашоо менен жашатып жаткан бул кичинекей кыз. Андан ажырады дегенче баягы түнт, мүнөзү табышмак болгон, көздөрү муңга толгон түшүнүксүз адам болуп калат. А андай болушун эне каалабайт. Мейли, ал Азаматынын кызы болбосун, Айназиктин атасы баягы Айсулуу менен келген жигит болсун, кеп анда эмес. Башкысы, Айназик Азаматты өзгөртүп койду, анын жашоосун түркүн түскө боёп салды. Азыр Азаматта максат бар, жашоосунун мааниси бар. Мунун баарын булдуруктап сүйлөп, улам атасынын моюнуна асыла калып ойноп жаткан көздөрү күнөөсүз наристе жаратты. Анан кантип бул кичинекей, тулку бою сүйүүгө толуп турган, сүйүү жыттанган, бакыт жыттанган наристени жакшы көрбөй койсун? Элжиреп кетти Бурул. Небересин бооруна тартып бекем кучактап өөп койду. «Сени берген Кудайга рахмат» деди өзүнчө...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Башка сандарда:
Комментарийлер(9)
03.04.2018. 09:17 
Тайпасы:
Жаран
Комментарийлердин саны:
231
Катталган:
24-01-2014
Соӊку аракети:
20-11-2018 23:15
Жынысы:
Белгисиз
Калаасы:
Москва шаары
0
Бир жума кутмой...
03.04.2018. 09:22 
Тайпасы:
Жаран
Комментарийлердин саны:
78
Катталган:
22-01-2018
Соӊку аракети:
21-11-2018 00:22
Жынысы:
Белгисиз
+1
аябай азго
03.04.2018. 09:34 
Тайпасы:
Жаран
Комментарийлердин саны:
60
Катталган:
15-05-2013
Соӊку аракети:
19-11-2018 17:27
Жынысы:
Белгисиз
0
ата
03.04.2018. 09:52 
Тайпасы:
Жаран
Комментарийлердин саны:
45
Катталган:
08-02-2017
Соӊку аракети:
20-11-2018 23:13
Жынысы:
Белгисиз
+1
Азаматта эле болгону жакшы мамалактын
03.04.2018. 10:19 
Тайпасы:
Жаран
Комментарийлердин саны:
156
Катталган:
06-02-2017
Соӊку аракети:
07-11-2018 14:25
Жынысы:
Белгисиз
Калаасы:
убактылуу жашоодо!!!
+1
Айсулу кочодо калсан экеен какшап....
03.04.2018. 10:19 
Тайпасы:
Жаран
Комментарийлердин саны:
141
Катталган:
05-03-2017
Соӊку аракети:
20-11-2018 16:10
Жынысы:
Белгисиз
+5
Ата кызын жакшы коргон кандай соонун аа? Менида атам раматылык кечке эркелетет эле. Азыр кызымы атасы ошентет. Бирде бир жарым ай уйдо журуп учуп барсак аэропортон тосуп алып колтуктарынан бери опкон. Тан калгам жолдошума ушунчалык баласак турбайбы деп. Атага кыз жакын болотго. Атама менда жакын элем.
03.04.2018. 11:42 
Тайпасы:
Жаран
Комментарийлердин саны:
30
Катталган:
23-11-2017
Соӊку аракети:
20-11-2018 11:34
Жынысы:
Белгисиз
+2
Менин божомолум туура эле чыкты Уландын акчасын Азамат уурдаптыр.Бир жагынан жиним келсе бир жагынан кызы учун ушу долго барганына боорум ооруп кетти
04.04.2018. 16:02 
Тайпасы:
Жаран
Комментарийлердин саны:
51
Катталган:
13-10-2017
Соӊку аракети:
04-11-2018 08:23
Жынысы:
Белгисиз
0
Men da oilop jatym ele Azamat urdagan boluw kerek antpese kaisy akcha mn kachmak dep jatkam tuura chykty oilorum emi kuno birok kyzy uchun bawka arga jok bolchu da baikuw ai Kudai ozu kechirsin seni tigi Aisuluu degen wurku9 kyzyn korugo zaar bolso eken omuru otkucho tabylbai izin suutup ketse eken Azamat
08.04.2018. 22:01 
Тайпасы:
Жаран
Комментарийлердин саны:
37
Катталган:
31-12-2017
Соӊку аракети:
06-11-2018 17:30
Жынысы:
Белгисиз
0
Азамат жигитсин!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: