Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨЛҮМДҮН ҮЧ ТҮСҮ (Миллионердин акча үчүн болгон курмандыгы, өлүмү, сүйүүсү тууралуу сериал)

№820 20-июль -26-июль, 2018-ж.


(Башталышы өткөн сандарда)

Андан кийин дагы уулдуу болушту. Бактылуу 5 жыл жашашты. Бактылуу эле эмес, керемет жылдар эле экөө үчүн. Ар бир мүнөтүндө сүйүү бар беш жыл! Ар бир тиктешинде ашыктык бар күйөө-аял! Элинанын экинчи баласы боюнда бар кезде чоң энеси кайтыш болду. Оор жоготууну Амандын жанында туруп көтөрдү.

– Сарым, орун-очок алганыңды көрүп өлсөм дегем. Кудай тилегимди берди. Мына, жакында көз жарганы турасың. Аман жаныңда. Кайраттуу бол! Бырылдап ыйлаба, күчтүү бол, кызым. Мени өзөлөнүп жоктобо. Үй-бүлөң кашыңда турат. Күйөөң мыкты жигит. Мага аны чакырып, өзүң палатанын сыртында туруп турчу. Ага да айтар сөзүм бар,- деди энеси кеберсиген эриндерин араң кыбыратып. Акылман кемпир болчу.

Аман экөө ошондо көпкө сүйлөштү. Палатадан чыкканда күйөөсүнүн көздөрү кыпкызыл болуп ыйлаганын сезди. Элина билгенден Аман өтө катуу, оңой менен эмоцияга жол бербеген адам эле. Аны жаш балача ыйлата турган эмне болду экен? Кийин бул тууралуу көп ойлонду. Аман дайыма «убагында айтып берем чоң энеңдин айткандарын» дечү. Ага да жетишпей калды. Эми экөө тең жок. Кандай сырды ичине алып кетти экен экөө, ал да табышмак.


ххх


Элина балдарын бакчага алып барды. Эшиктен тосуп алган тарбиячысы ага бул айдын акчасы төлөнбөгөнүн эскертти.

– Аа, эсимден чыгып кетиптир. Бүгүн төлөйм.

Ал жактан чыгып тез эле банкка барды, эсептик карточкасын салып акчасын алайын деп эле алайып туруп калды. Анткени эсебинде нөл деген сумма турган экен. Алдастап кетти. «Кантип? Эмнеге?» деди эриндери күбүрөп. Кайра-кайра текшерип көрдү. Жок!

Банктын кызматчыларына кайрылды.

– Сизге күйөөңүздүн карточкасынан түшүп турчу. Күйөөңүз эсебиңиздеги акчаны жаап салыптыр. Бул анын укугу. Биз эч нерсе дей албайбыз.

– Кандайча?- деди эч нерсени түшүнбөгөн Элина.

Тиги адам кайра-кайра түшүндүрүп берди. Банктык систем боюнча анын карточкасы Амандын карточкасына байланган экен. Алып койгонго, акча кошуп койгонго бир гана анын укугу бар экенин айтты.

– Күйөөм август айында каза болуп калган.

– Анда банк үч күндүн ичинде мыйзамдуу аялына анын бардык укуктарын өткөрүп берет.

– Аялы менмин!

– Расмий никеге турдуңар беле?

– Жок.

– Күйөөңүздүн башка аялы барбы?

– Жок.

Банк кызматкери түзүлгөн абалдан эч нерсени түшүнө алган жок. Жакшы бир адвокат жалдап туруп ишти териштирүүнү суранды. Көп жолу расмий никеге туруу тууралуу суранган. Азыр да көз алдына тартыла калды.

– Убактым тар, жаным,- деди ал кыжалаттана галстугун байлап жатып.

– Аз эле убакыт кетет.

– Сарыш, мени кыжалат кылбачы. Таптакыр убактым жок. Бирок бир күнү сөзсүз турабыз. Алия менен Адамды жакшы кара,- деп мурдунан өөп чыгып кеткен.

Кийин сөз баштаса дагы бир шылтоолорду айтчу. Биринде ичи өтүп тура албай жатам десе, дагы биринде достору менен кезиге турганын айткан. Элина акыры өзү да унутуп калган экен.

Банктан башы тумандап чыкты. Кимге барып, кимден акыл сураарын да билбеди. Көчөдө максатсыз ары-бери басып жүрүп кечинде бакчага барып балдарын алды.

– Апа, шоколад жейм,- деди кызы машинеге отуруп жатып.

– Макул, азыр алып берем. Алия, Адамды катуу карма.

Машинесине отуруп алып үйүн көздөй жөнөдү. Үч бөлмөлүү мыкты райондогу үйдө жашашчу. Балдарына бир нерселерди алып берип коюп, эшиктин алдында ойлонуп отурду. Томпоңдоп өз ара сүйлөшүп жаткан балдарын карап эрксизден жылмайып алды. Кайненесинин бир жумада үйдү бошотуп койгула дегени эсине түштү. Амандын бир нече үйү бар эле. Аларды батирге берип коюшчу. Бирок ал үйлөр кайсы жерде экенин, канча акчага берилип жатканын деле билчү эмес. Үй-бүлөнүн бардык финансылык маселеси күйөөсүнүн колунда эле. Элинаны эч бир аралаштырчу эмес. Өзү деле аралашканга аракет кылбаптыр. Ага бул жашоосу таптакыр бүтпөчүдөй сезилчү. Кайрадан жүрөк-боорун куушурган кусалык эзип баштады. «Мен сенсиз жашай албайм» деди шыбырай.

– Апа, Адам жыгылып кетти,- Алия чуркап келип апасынын дагы ыйлап жатканын көрдү. Элтейип токтоп калды.

– Атам качан келет?- деди ал дайымкы суроосун кайталап. Эмне деп жооп бериш керек? Көздөрүнө тиктеп турган периште кызынын суроосунан дайым такалат. «Атаң өлүп калды» деп көзүн тиктеп туруп айта албайт эле. Алгач ал үчүн бул чындыкты өзү кабыл алышы керек. Бала булар эмес, Амандын каза болгонун өзү кабыл ала албай жатпайбы?..

– Келет, жаным, жакында...

– Анда эмнеге күндө ыйлап жатасың? Атамдын көйнөгүн кучактап алып жатасың.

Элина көз жашын аарчып алып аргасыз жылмайды.

– Анткени атаңды сагындым.

– Анда телефон чал, видео менен мурункудай сүйлөшөлү.

– Ал жактан видео менен сүйлөшө албайбыз, кызым.

– Калп айтпа, атам «Австрияга кетсем, ал жактан көп сүйлөшөбүз» деген.

Эки мөлтүрөп турган көздөн кача албай, жооп бере албай балдарын бооруна кысты.

– Атаңа чалабыз. Бир күнү...- деди ал ишенимсиз.

Кечкисин аларды уктатып коюп документтерди алып чыгып карап жатты. Блокнотторун карады. Биринде адвокат Жаныбек деп жазылып турган экен. Аны тере баштады.

– Алло, саламатсызбы?

– Саламатчылык.

– Мен Элина. Амандын аялымын. Аманды таанычу белеңиз?

– Кайсы Аман, Алымбеков Аманбы?

– Ооба.

– Ии, жаман окуя болду, кайрат кылыңыз. Мен да кабарлардан окуп...

– Рахмат...

Элина өзүн колго алып, иштин жайын ага түшүндүрө баштады. Ал жардам берерин айтып телефонду койду.


ххх


Көрүстөнгө жалгыз аял келди. Отуруп бетине бата тартты. Тирүүсүндө Аманга эч эне боло албады. Төрт жашында балдар үйүнө калтырып кетти. Антпегенге аргасыз эле. Амандын атасы менен ажырашып кеткенден кийин жыл айланбай турмушка чыккан. Башында «сенин балаң – менин балам» деп жатып үйлөнгөн күйөө баласына катаал чыкты. Төрт жаштагы баланы уруп койчу. Кичине бир иш кылса эле өчүн алып жаткансып чыркыратып сабачу. Колунан жулуп алганга жүрөгү өлүп калган байкуш батына алчу эмес. Ары карап ыйлап, бери карап күлгөнгө, кайрадан жашоосун улантканга аргасыз эле. Анткени экинчи күйөөсүнөн боюнда бар болчу.

Бир күнү сырттан кирсе кичинекей Аман мышыкка берчү табактан алып жугунду талашып жеп отурган экен. Өгөй атасы маашырлана күлүп эрмектеп отуруптур.

– Акмак, кенедей баланы мынча кордогондой эмне кылды?- деп ачуу кыйкырды.

– Катын, ишиңди кыл. Мунуң жугунду ичип эле чоңоё турган бала,- каткырып күлгөн адам түспөлүндөгү айбанды тиктеп туруп дене бою зыркыраган. Мындан катуу кетсе өзүн тирүү өлүк кылып уруп саларын да билчү, ошондуктан ачуусун кылк жутуп баласын алып аркы үйгө кирип кеткен.

Эртеси райондогу балдар үйүнө алып жөнөдү. Эчен артка кайта турган болуп барып «жок дегенде мышыктан жугунду талашып ичпейт. Жок дегенде жонун тилип эч ким сабабайт» деп ойлоп кадамын ылдамдата берген. Эчен жолу босогосуна барып, кайра кайтканы менен, төрт жашында аны балдар үйүнө өткөрүп берген.

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Башка сандарда:
Комментарийлер(9)
24.07.2018. 09:21 
Тайпасы:
Жаран
Комментарийлердин саны:
329
Катталган:
28-04-2017
Соӊку аракети:
23-09-2018 21:43
Жынысы:
Белгисиз
+1
Биринчилер кайда?
24.07.2018. 09:36 
Тайпасы:
Жаран
Комментарийлердин саны:
6
Катталган:
07-03-2017
Соӊку аракети:
17-08-2018 19:53
Жынысы:
Белгисиз
-1
Ошентип Аман олуп калдыбы ээ.Сырларды биз да билбей калдыкпы ээ? Мынчалык табышмактуу болбосо.
24.07.2018. 09:45 
Тайпасы:
Жаран
Комментарийлердин саны:
6
Катталган:
07-03-2017
Соӊку аракети:
17-08-2018 19:53
Жынысы:
Белгисиз
+1
Аман сырларын жашырып кетти го.Эми убара болуп изкубарлар жума сайын Элинага жардамга барат экен биз да ээ
24.07.2018. 10:00 
Тайпасы:
Жаран
Комментарийлердин саны:
229
Катталган:
15-08-2017
Соӊку аракети:
22-09-2018 18:23
Жынысы:
Белгисиз
+1
Убакытты аябай тез учуруп ,кыскача мазмундуу чыгарма экен .Жашоодо да бизге сабак болчудай.Мисалы :закондуу никеге туруп.
24.07.2018. 11:52 
Тайпасы:
Жаран
Комментарийлердин саны:
12
Катталган:
20-03-2016
Соӊку аракети:
24-09-2018 08:59
Жынысы:
Белгисиз
Калаасы:
Татарстан
+2
Бир болсо аялы бар болгонго ...
24.07.2018. 12:26 
Тайпасы:
Жаран
Комментарийлердин саны:
169
Катталган:
31-03-2009
Соӊку аракети:
23-09-2018 21:37
Жынысы:
Белгисиз
Калаасы:
Бактылуулар калаасы.
0
Адам баласы колунда бар бардык нерсени жоготууга моралдык жактан даяр болушу керек деген идея.
24.07.2018. 13:01 
Тайпасы:
Жаран
Комментарийлердин саны:
3
Катталган:
19-05-2014
Соӊку аракети:
24-09-2018 10:43
Жынысы:
Белгисиз
+2
Байкуш кыз эки баласы менен кочодо кала турган болдуго. Эч болбосо ишеничтуу адамына дайындап бир уй таштап жаздырып кетсе болмок экен ошончо акылдуу экен(((
25.07.2018. 15:43 
Тайпасы:
Жаран
Комментарийлердин саны:
47
Катталган:
13-10-2017
Соӊку аракети:
11-09-2018 21:21
Жынысы:
Белгисиз
0
Aa bilbeim ai uwul Amandyn bawka uibulosu bar bolup jurbosun owol u4un zaksyga bargysy kelbese kerek da ar kaisy wyltoonu aityp antpese ne jok degende uibulosuno jeke jawoosun jawyrbai jok degende baldarynyn baktysyn oilop koiso bolmok da uwundai 4e4kinsiz erkeksymaktardy erkek dep aituuga bolobu ozu joopker4iligi jok erkek atuuuu bawtardy jek korom da myndailardyn aiynan kan4a degen bulo kurap kul bolup jatat jon ele kyzdardyn tagdyryn talkalawuuda bir bulono baga albaisynarby albagyla4y
30.07.2018. 17:14 
Тайпасы:
Жаран
Комментарийлердин саны:
Катталган:
14-04-2016
Соӊку аракети:
19-09-2018 19:47
Жынысы:
Белгисиз
Калаасы:
Түп айылы
0
Аман байкуш кичинесинде өгөй атадан кордук көрүп, мышык менен табакташ болсо, бутуна турган кезде каза тапса...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: