Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨЛҮМДҮН ҮЧ ТҮСҮ (Миллионердин акча үчүн болгон курмандыгы, өлүмү, сүйүүсү тууралуу сериал)

№822 3 - 9-август, 2018-ж.


(Башы өткөн сандарда)

Аман Элинага өтмүшүнүн эч нерсесин кеп кылчу эмес. Сураса дароо эле кабагы салынып, сөздү башка нерсеге бурганга аракет кылчу. Ошол үчүн Элина андан эч нерсе сурачу эмес. Эртең менен уктап жатып ал Аманды түш көрдү. Так эле тирүүсүндөгүдөй экен. Төшөгүнүн башына келип чачтарынан сылады.

– Сагындыңбы?- деди мурункусундай.

– Сагындым, качан келесиң?

– Мен келе албай жатпаймынбы...

Аман шуу үшкүрүп алды. Карааны алыстап бара жатат, Элина болсо аркасынан кыйкырып жатып ойгонуп кетти.

– Аман!

Апасынын кыйкырыгынан балдары ойгонуп кетти. Уйкулуу көздөрүн ушалай эшикке чуркашты. Оозгу бөлмөгө келип томсоруп туруп калды.

– Кана атам?

– Аман деп кыйкырдың го...

Экөө тең апасына суроолуу карашты. Элина шалдырай тизе бүгүп отурду да, экөөнү бооруна кысты.

– Келет атаң...

Ушул учурда эшиктин коңгуроосу шыңгырады. Тура калган балдары эшикке аталап чуркашты. Эшикти ачса бейтааныш адам турган эле. Оозунан арактын жыты буруксуйт.

– Сиз кимсиз?

– Хе, мен киммин? Мен бул үйдүн ээсимин. Кайненең келип бир жумадан кийин бошот деди беле? Ошол Зейнептин баласымын. Силер дагы деле бул жердесиңерби?- деди ал жөөлөй кирип.

Балдар мас адамдан коркуп ыйлап жиберишти. Элина балдарын башка бөлмөгө киргизип, тигини ашканага чакырды. Сүйлөшүп жатып ал кайненесинин экинчи күйөөсүнөн төрөлгөн уулу экенин билди.

– Сенин күйөөңдүн акылы таптакыр жок болчу, билесиңби? Акчаны уучтап жүрүп бир тууганы мага жардам берген жок. Канча жолу келдим мен? Апамды ортого салдым. Эч бербеди. Мен үчүн апасына да жардам берген жок. Анткени мен апамдын эсебинен жашайт имишмин! Бул калп! Мен дагы иштечүмүн.

Мас адамдын сөздөрүнөн улам Аман апасына бул иниси үчүн жардам бербей жүргөнүн билди. Бул үйдү апасына белек кылганы менен, тиги жатып ичер уулу үчүн жашатпаган экен. “Сенин атыңда бул үй, болгону мен тиги акмак уулуң сени пайдаланышына жол бербейм” деп койгон экен. Элина эптеп аны үйдөн чыгарып, шалдырап отуруп калды.

ххх

Эшиктен кирип келген Зейнепти көрүп уулу обдула берди.

– Кайда жүрөсүң?

– Бир жерде.

– Билем мен сени! Өлгөн уулуңдун мүрзөсүнө барып келдиң.

Апасы көңүл бурган жок. Шуу үшкүрө отуруп калды.

– Тигилерди качан чыгарасың? Бир нече үйү бар дейт, а сен аларды аяп отурасың. Сен аракет кылбасаң, мен милицияга арыз менен кайрылам.

Зейнеп уулун чарчаңкы тиктеп койду. Маркум атасы да ушундай эле. Эч нерсени түшүндүрө алчу эмес. Кечке эзе бергенинен улам оозу бош “макул, ушу жума чыгып кетишет” деп кутулду.

ххх

Элина болжолдогон жерге Жаныбек келе элек экен. Машине токтоп, андан бойлуу жигит түштү.

– Сизби Элина?

– Мен.

– Саламатсызбы? Келиңиз бир жерге отуруп сүйлөшөлү.

Экөө чакан кафеде отурушту. Элинанын айткандарын угуп отуруп Жаныбек таң кала берди.

– Сиздин Аман менен расмий никеңиз жокпу?

– Жок.

– Анда чатак. Ал, демек, мурунку аялы менен ажырашкан эмес көрүнөт.

– Эмне дейсиз?- Элина уккан кулагына ишене албай турду.

– Му-мурунку аялы дедим. Сиз билген жок белеңиз?

Андан аркысын уккан жок. Бир жерди теше тиктеп катты да калды. Тиги эсин жоготуп калабы деп коркуп кетти.

– Элина, мына суу. Суу ичсеңиз жеңилдей түшөсүз.

Чыйпылыктаган жигит бозоруп турган Элинага чын дилинен боору ооруп карап калды.

– Сиз эмне деп жатасыз? Амандын менден башка аялы жок, болушу да мүмкүн эмес!- деди кичине эсине келген Элина.

– Мен да билчү эмесмин. Аны тааныган адамдын баары анын мурун үйлөнгөнүн билчү эмес. Сиз чалгандан кийин мен сураштырып жүрүп ал көп жыл мурун Зарина деген кызга...

– Мүмкүн эмес.

– Жаңылыштык чыгар, бирок мага айткан адам Амандын жакын адамы болчу. Ал калп айтышы мүмкүн эмес.

– Ким ал?- деди жаалданган Элина. – Мени дароо ошол адамга алып бар.

– Ал бул өлкөдө эмес.

Элина башын мыкчып отуруп калды. Таптакыр башына уккан сөздөрүн киргизе албай турду. “Бул бир жаңылыштык, дөөдүрөгөн бирөө өлүп калган күйөөмдүн наамына сөз тийгизип жатат” деп ойлоп турду. Канчалык сураса да Аманды жакшы билет деген адамдын атын айтпай койду адвокат.

– Сиз үйгө барып тынчтаныңыз. Жакшылап эс алыңыз, анан андан ары эмне кылабыз кеңешебиз.

Элина машинесине отурду. Жашоосунда эмне болуп жатканын түк түшүнө албай турду. Акыры өзүн колго алып жолун улады. Үйгө келсе аны дагы бир сюрприз күтүп турган экен. Босогодон эле кайненесин көрдү. Жек көрө тиктеп алды. Көзүн ала качкан аялды тиктеп туруп эмнеге келгенин түшүндү.

– Азыр чыгып кете албайбыз. Мен баш-аягымды жыйнап алайын. Жетишесиңер. Балдар атасын сагынып ким коңгуроону чертсе чуркап жатышат. Алар сиздин небереңиз. Бул үйдөн чыгып кетсек ого бетер кыйналышат.

– Мен түшүнүп турам, бирок...

Элина көзүн жумуп отуруп калды.

– Мен эмне кылам, ия?- деди. Кайненесине айтып жатабы же өзүнөбү, белгисиз эле.

– Мен бул жаман түштөн ойгонуп кетсем, жанымда Аман болсо, ал түш экенин айтса... Билесизби мен эмнеден коркчумун? Ар дайым мен аны жоготуп алгандан коркчумун. Ал мага күйөө эле эмес болчу. Атам, агам, досум эле. Аман колунан келбеген эч бир маселе жок болчу. Ал күчтүү болчу. Кучагында турганда анын күчтүү экенин ар дайым сезчүмүн.

Элинанын көздөрүнөн жаш эрксизден агып жатты. Ал жашын аарчып койбой сүйлөй берди.

– Менин бир чоң энемден башка эч кимим жок эле. Чоң энем экөөбүздүн жашообузда кара жана ак эле түс болчу. Башка түстү билчү эмеспиз. Аман келди. Менин жашоом таптакыр башка түскө бөлөндү. Ар түркүн... Баса, сиз ал тууралуу эч нерсе билбейсиз да. Ал тамактардан мантыны жакшы көрчү. Эчен мамлекетти кыдырып, эчен тамак жеп көрсө да, мен жасаган мантыны сагынып келчү. Ар дайым ал келерде манты жасап күтүп алчумун.

Анан ал караңгылыкты сүйчү эмес. Уктаарда да кичине шоола болуп турганын каалачу. Анткени кичине кезинде апасы балдар үйүнө таштап кеткенде ал баарынан караңгылыктан коркконун айтып калчу.

Ал аз сүйлөчү, бирок маанайы болуп турганда кечке тамашалап күлдүрө берчү. Өзү тууралуу көп айтчу эмес, бирок менин кыялымды, эмнени жакшы көрөм, эмнени жаман көрөм, баарын сурап алчу.

Ал мени, балдарын бул дүйнөдөгү бардык нерседен коргогусу келчү. Өзгөчө уулун жакшы көрчү, анткени мен кызым менен алектенип, ал көбүнчө Адамды багып калчу. Бир күнү келсем Адамды жаткырып алып ага дүйнөдөгү кооз сөздөрдү айтып жалынып жаткан экен. Элдин көзүнчө эмоциясын чыгара алчу эмес да. Билесизби, ал Алиянын төрөлүшүн каалаган эмес, бирок кийин “мени кызымдай эч ким бактылуу кылган эмес” деп айтты.

Ал айта берди. Бирок Зейнептин жүзү эч өзгөргөн жок. Жөн гана кошунасынын арманын айтып жаткандай суз угуп турду. Бир учурда Элинанын ийнине акырын колун коюп таптап койду да, үн катпай узай берди.

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Башка сандарда:
Комментарийлер(10)
07.08.2018. 09:27 
Тайпасы:
Жаран
Комментарийлердин саны:
101
Катталган:
06-01-2012
Соӊку аракети:
14-11-2018 10:00
Жынысы:
Белгисиз
+5
Ушунча бай болуп эмнеге жашаган уйу башка бироонун атында болгон тушунуксуз и башка уйун эмнеге айткан эмес
07.08.2018. 10:15 
Тайпасы:
Жаран
Комментарийлердин саны:
42
Катталган:
08-06-2015
Соӊку аракети:
14-11-2018 08:56
Жынысы:
Белгисиз
+3
Бул жерде бир сыр жатат
07.08.2018. 11:05 
Тайпасы:
Жаран
Комментарийлердин саны:
3
Катталган:
08-08-2017
Соӊку аракети:
05-11-2018 12:34
Жынысы:
Белгисиз
+2
Чоң энесинин үйүнө деле барбайбы ээ
Maral97 түзөттү 2018-08-07 11:06:49
07.08.2018. 11:28 
Тайпасы:
Жаран
Комментарийлердин саны:
43
Катталган:
19-09-2017
Соӊку аракети:
02-10-2018 13:13
Жынысы:
Белгисиз
Калаасы:
Ордолуу Ош
+2
Аман дагы "эркек" экенго
07.08.2018. 12:37 
Тайпасы:
Конок
Комментарийлердин саны:
1
Катталган:
30-07-2018
Соӊку аракети:
12-09-2018 15:27
Жынысы:
Белгисиз
+1
журок ооруулу болуп калмай болдум....
07.08.2018. 17:10 
Тайпасы:
Жаран
Комментарийлердин саны:
2
Катталган:
16-02-2018
Соӊку аракети:
13-11-2018 14:50
Жынысы:
Белгисиз
Калаасы:
Бишкек
+1
Ушундай чырактай жаш кызды аялдыкка алып аткандан кийин, келечегине кам корсо болмок да Аман. Жок дегенде балдарын ойлоср болмок. Туура ажалы келип калганын билген жок дечи. Бирок баары бир алдын ала камдаса болмок. Бай болгондон кийин. Энесинин кейпи тиги болсо.
08.08.2018. 01:52 
Тайпасы:
Жаран
Комментарийлердин саны:
21
Катталган:
18-07-2018
Соӊку аракети:
14-11-2018 01:57
Жынысы:
Белгисиз
0
Ушул чыгарма суперстандабарбы туугандар?
08.08.2018. 13:26 
Тайпасы:
Жаран
Комментарийлердин саны:
59
Катталган:
03-04-2017
Соӊку аракети:
14-11-2018 09:25
Жынысы:
Белгисиз
0
Балким ал улгуро албай калдыго
08.08.2018. 14:04 
Тайпасы:
Жаран
Комментарийлердин саны:
162
Катталган:
19-05-2014
Соӊку аракети:
14-11-2018 11:21
Жынысы:
Белгисиз
0
Аман эч олбочуудой болсо керек эледа. Баарынан да балдарга боорум ооруп кеттат. (((
08.08.2018. 14:07 
Тайпасы:
Жаран
Комментарийлердин саны:
51
Катталган:
13-10-2017
Соӊку аракети:
04-11-2018 08:23
Жынысы:
Белгисиз
0
820санында айтым эле дал мен ойлогондой болду го башка булосу бар аны Элина билбейт деп ойлоп жаттым эле Аман озунун башынан откондорунон деле улгу алса болмок биринчисин бактылуу кыла албай жатып экинчисин неге алды да балдарын атасыз аялын жок жерден эрсиз калтырды анысы аздык болгонсуп уйсуз бир тыйынсыз талаада калтырды эх эркектер эрк-р качан эсинерге келесинер азыркы заманда кыздар бузулду дейсинер кыздар бузулбай эле эркек атуулардын баары эле бузулуп баратат Адам болоюн деген бири да жок
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: