Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№824 август, 17 - 23-август, 2018-


(Башталышы өткөн сандарда)

Бир тууган адамдын кучагы, далысына тамып жаткан анын туздуу көз жашы... Балким, азыр “ыйлаба, эже, менде баары жакшы. Мына мен чыкпадымбы. Болду эми ыйлаба” деп эжесин сооротуу керек болгондур. Бирок Азамат анткен жок. Бекем гана кучактап койду. Сүйлөгүсү келсе сүйлөмөк. Бирок азыр оозунан сөз чыкты дегенче анын ойлоруна, анын максаттарына, анын жан дүйнөсүнө чабуул башталат, керексиз сөздөр, керексиз кеңештер... Жок, кереги жок. Ашыкча сөздөрдүн кереги жок. Анын үстүнө эмнени сүйлөйт, эмнени айтып берет? Айтып берүүгө татыктуу болгон эмне болду анын жашоосунда? Түрмөдөгү 3 жылды айтып береби? Эжесинин жүрөгүн эзип кыйналганын баяндайбы? Дегеле сүйлөгүсү келген жок. Сөздөр ашыкча болмок. Ушинтип ойлонду.

Унаанын алдыңкы орундугунда үн-сөзсүз бара берди. Анын тынчтыгын бузуудан коркконсуп эжеси да, жездеси да унчугушпайт.

–  А бизде болсо баары баягыдай. Айылда, билесиң да, көр оокат. Тытынып эле жүрөбүз. Сага бир нече жолу келдик. Бирок... Бирок сен чыкпадың. "Чыккысы келген жок" деп айтышты. Таарынган чыгарсың бизге. Биз сени чыгарууга аракет кылып эле жаттык. Тилекке каршы, колубуздан көп деле нерсе келбеди. Сен бизди кечирип кой.

Азамат чынында эле аны көрүүгө келген эжеси менен жездесине чыкпай койгонун эстеди. Аларды көрсөм бошой түшөм, эжем мени көрүп жүрөгү эзилет. Мен бошобошум керек, кайратымдан жанбашым керек. Жолугушуунун кажети жок деп ойлонгон. Ошентип чыкпай койгон эле. Анын бул кылыгын таарынды деп түшүнүшкөн тура... Азамат рулда бара жаткан жездесин акырын далыга чаап, муңдуу жылмайып койду. “Мен таарынган жокмун” деген ишарат болчу. Жездеси да түшүндү. Кадимкидей жеңилдей түштү.

ххх

Кечке жуук алар айылга кирип келишти. Балалыгы өткөн айыл. Бир кезде өзү өрттөп качкан үйү тарапты карады. Бак-шак гана көрүнөт.

– Тиги күйгөн тамдын ордун тазалап койгонбуз. Алма бак болуп калды азыр. Чөбүн жулуп тазалап турабыз,- жездеси актангандай сүйлөдү. Азамат ыраазы боло башын ийкеди. Бирок ал бир кезде жашаган үйү тарапты "үй тарап эмне болду, сарай калды эле, мал-жан кантти экен, чөп баскан жокпу?" деп караган эмес, ал апасынын элесин издеп караган. Апасы далай баскан үйгө кетчү ичке жол... Мына ошол жолдо апасы басып баратканын саамга элестеткиси келди. Бир жагына кыйшайып калган дарбаза... Оо муну канча ирет ачкан апасы. Жылмайып дарбазаны ачып жаткан апасын көз алдына тарткысы келди. Дарбазанын туткасында апасынын колдорунун жыттары калды бекен? Кайда-ан?

ххх

Кечки тамакты ичип болору менен күүгүм киргенине карабай Азамат үйдөн чыгып кетти. Жездеси да, эжеси да жигиттин апасынын бейитин көздөй кеткенин айттырбай түшүнүштү.

Бурулга эстелик тургузулуптур. Ак калың жоолугу боло турган, ошону салынып түшкөн сүрөтү турат эстеликте. Мүрзөнү шыбак басыптыр. Азамат шашпай гана апасынын жанына келди.

“Мен келдим, апа” деди ичинен. Эстеликти колу менен сылап койду. Анан куду апасынын жанына отурчудай эстеликтин капталына өтүп, шыбак баскан дөбөгө жакындады.

“Келдим, апа. Сагынып келдим. Менде болсо баары жакшы. Кам санаба! Бирок... Бирок сен көрүп жаткандырсың баарын. Жашоодо сыноолор болот да, апа. Аны сен мага өзүң айткансың. Сыноолордон өтүш керек. Татыктуу өтүш керек. Ар дайым кыйналып баштаганда "мына азыр сынып туруп баарына кайыл болуп коём, өзүмө-өзүм кол салып туруп ушул азаптын баарын токтотом" деген башыма шойкомдуу ой келгенде сени эстедим, апа. Сен карап тургандай болдуң. Карап жаттың, билем. Жүрөгүң тилингендир, ээ? Байкушум десе. А билесиңби, апа, мен баары бир бактылуу киши экенмин деп калдым өзүмдү. Чын. Армансыз адам болобу? Мен да арман кылам. Сени экинчи көрө албай калганым арман. Бирок сен жанымдасың. Мен аны билем.

Билесиңби, мен эмнеге бактылуумун? Менин мээм да, жүрөгүм да бош эмес. Мен сагына алам. Сагындырган адамдарым бар. Сен, Айназик... Сагыныч деле бакыт тура, апа. Түрмөдөн эмне деген адамдарды көрбөдүм, апа? Сагынарга адамы жоктор бар экен. Экөөңдү кандай жакшы көрөм. Жакшы көрө билүү да бакыт турбайбы. Жакшы көрө албагандар, жүрөгү муздар бар тура. Ээх, апа, кайсы бирин айтайын? Максаттарын жоготкондорду көрдүм. Жалган максаттарды ээрчигендерди көрдүм. Адашып калгандары канча? А менчи? Мен үмүттү жоготподум. Кызыма, сага болгон сүйүүм бар жүрөктө. Мындан артык эмне керек? Сүйүү, үмүтү барлар бактылуу экенин түшүнө албагандар толтура турбайбы, апа? Деги алар эмнени кууп жүрүшөт? Эмнеге жете албай жүрүшөт? Көкүрөктөрү, мээлери бош! Жөн эле өлбөчүдөй эч кимди сүйбөй, жакшы көрбөй эле жүрүшөт... Түшүнбөйсүң! Ырахатты издешкеничи? Баңгиликтен, арактан ырахат издешет... Сагынуунун ырахатындай ырахат барбы, апа? Жо-ок, алар аны түшүнчүдөй эмес. Ошол адамдардын арасында жүргөндө Айназикке, сага болгон сагыныч эле сактады окшойт мени. Сен мага анчейин санаа тартпа, апа! Көрүп турасың го, баары жакшы. Эсен-соомун. Кызыма барам жакында. Мен аны табам, көрөсүң. Жок, ал мени унуткан жок. Эстейт. Көрөсүң го... Көрөр замат эстейт. Сени да эстейт. Билесиң го, кызым өзгөчө эмес беле. Жароокер, өтө акылдуу... Апа, сен Айназиктин түшүнө кирип тур, ээ? Эстетип тур. Чачынан сылап коюп тур... Ал сезет. Сенин жанында жүргөнүңдү сезет”.

ххх

Мүрзөдөн кеч кайтты. Баары жатып алышты го деп ойлоп дарбазаны шашпай ачып кирди. Кире бериште эжеси аны күтүп турган экен.

– Апама бардыңбы?- деди эжеси муңайым. Азамат үнсүз баш ийкеди.

–  Аа... Мен сага төркү үйгө төшөк салып койдум. Анан... Баягыда Айназиктин мамалагы калып калган экен. Ошол төркү үйдө турат.

Башын дагы бир ийкеди да, бөлмөгө баш бакты. Мамалак төшөктүн баш жагында жатыптыр. Барып эле дароо колуна алды. Көптөн көксөп көргүсү келип жүргөн тирүү жанды карагандай карады. Бул болгону мамалак го. Бирок бул дайым кызынын бойтойгон колдорунда жүрчү, кызы өпкүлөчү, жыттагылачу, анан калса кызынын мээсине сиңген жалгыз жомок ушул мамалак тууралуу эмес беле. Шуу жыттады. Кызынын жытын издеди. Байкуш мамалактын өңү өчүп эскириптир. Көздөрү мурункудан да муңайым болуп калган экен. Саамга колуна кармап туруп, капыстан көзүнөн жаш кулаганын сезди. Канчадан бери кызына болгон сагынычы топтолуп отуруп көкүрөгүнө мелт-калт толгон экен. Бул мамалакты көргөндө сезимдери ашып-ташып кетти окшойт. Жанараак апасынын мүрзөсүндө да көкүрөгү бошоп келе жатканда өзүн токтотуп “кой, апамды кыйнай бербейинчи” деген эле. Азыр болсо бул мамалак экөө тең көздөрү күнөөсүз, кыткылыктап көп күлгөн баягы кичине кызды чогуу бирдей сагынышканын, мамалак экөө тең бир учурда таптакыр жалгыз калып, экөө тең кайра жолугушчу күндү күтүп саргайышканын ойлоп, мамалакты армандаш, тагдырлаш көрүп, аны тирүү бир жан катары кабыл алып эле сагынычын аны менен бөлүшүп ыйлай баштады. Токтогусу келген жок.

Мамалакты караган сайын көз алдына өткөн күндөрү тартыла берди. Мына кызы там-туң басып мамалакты кулагынан сүйрөп жүрөт, мына аны кучактап алып уктап жатат. Мамалак тууралуу жомокту божурап айткандарычы? Баарын көз алдынан шурудай тизип өткөрдү. Акыркы жолу кызы экөөнү ажыратканда чырылдап ыйлаганын да эстеди. “Биз жакында жолугабыз... Аз калды, кызым. Сен, мен, мамалак... Бизди алдыда сонун күндөр күтүп турат”.

ххх

– Биз деги үй-бүлө болобузбу акыры?

–  Аз калды, жаным. Айсулуу жакында жумуш тапты. Байэл бакчага барып баштады. Эми мыйзамдуу ажырашсак эле, экөөбүз үйлөнөбүз,- Тимур Нуржанды чекесинен өөп койду.

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Башка сандарда:
Комментарийлер(11)
21.08.2018. 09:29 
Тайпасы:
Жаран
Комментарийлердин саны:
32
Катталган:
27-07-2011
Соӊку аракети:
18-09-2018 12:04
Жынысы:
Белгисиз
Калаасы:
Москва
+1
Аз калды окшойт кызына жолугат буйруса
21.08.2018. 09:58 
Тайпасы:
Жаран
Комментарийлердин саны:
2
Катталган:
22-01-2018
Соӊку аракети:
19-09-2018 21:23
Жынысы:
Белгисиз
+3
Буйруса жолукса экен
21.08.2018. 09:58 
Тайпасы:
Жаран
Комментарийлердин саны:
144
Катталган:
06-02-2017
Соӊку аракети:
18-09-2018 23:58
Жынысы:
Белгисиз
Калаасы:
убактылуу жашоодо!!!
+7
Сагыныч жаман ыйлпгым келип кеттти ))))
Окуп жаттып баарын элестетип окуймун Азаматтын ыйлаганына чейин.
21.08.2018. 10:04 
Тайпасы:
Жаран
Комментарийлердин саны:
19
Катталган:
31-08-2017
Соӊку аракети:
18-09-2018 22:17
Жынысы:
Белгисиз
-1
Эмне мынча көп жазып салгансыңар эки тиктеп койсом эле бүтүп калды.
21.08.2018. 11:41 
Тайпасы:
Жаран
Комментарийлердин саны:
130
Катталган:
10-03-2016
Соӊку аракети:
18-09-2018 18:35
Жынысы:
Белгисиз
Калаасы:
Кыргызстан
+2
Эртерээк жолукса экен
21.08.2018. 11:57 
Тайпасы:
Жаран
Комментарийлердин саны:
7
Катталган:
11-12-2017
Соӊку аракети:
19-09-2018 19:55
Жынысы:
Белгисиз
+2
Тан атпай окудум эле ыйлатты. Эртерек жолукса экен.
21.08.2018. 13:01 
Тайпасы:
Жаран
Комментарийлердин саны:
92
Катталган:
06-01-2012
Соӊку аракети:
19-09-2018 20:22
Жынысы:
Белгисиз
0
Боец деген фильмдей экен анда да дудук болуп алат бала актанганга чейин
21.08.2018. 16:14 
Тайпасы:
Жаран
Комментарийлердин саны:
4
Катталган:
16-01-2018
Соӊку аракети:
23-08-2018 00:09
Жынысы:
Белгисиз
Калаасы:
Тоолордун чокусунда...
+4
Тимур ажырашты дейли, Нуржан менен баш кошту. Азамат, Айназикке келди дейли. Айсулуу менен Байэл эмне болот?
Азамат жүрөгү кенендик кылып, Айсулууну кайра алып, Байэлге да ата болуп береби?
Жооок... Айсулуу аз да болсо, кыйналып акылсыз кадамдарынын азабын тартсын дээр элем... Балким таш боордурмун. Бирок Тимур менен Айсулуу дээрлик кыйынчылык көрө элек... Акылына киргизеер запкы жешсин турмуштан...
22.08.2018. 10:22 
Тайпасы:
Конок
Комментарийлердин саны:
4
Катталган:
13-08-2018
Соӊку аракети:
19-09-2018 19:49
Жынысы:
Белгисиз
+1
Мен да кызымды сагындым,бирок мен Азаматтай күчтүү ата эмесмин.
22.08.2018. 12:56 
Тайпасы:
Жаран
Комментарийлердин саны:
9
Катталган:
23-11-2017
Соӊку аракети:
19-09-2018 14:07
Жынысы:
Белгисиз
0
Азамат менен Нуржан Айназик чоогуу болуп калышса экен!
23.08.2018. 10:27 
Тайпасы:
Жаран
Комментарийлердин саны:
102
Катталган:
26-03-2014
Соӊку аракети:
18-09-2018 21:38
Жынысы:
Белгисиз
0
Ыйлатты
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: