Кыргыз Республикасынын Эмгек сиңирген артисти Самара Каримова Инстаграмдын Кыргыз сегментинде алгачкы миллионер болду, башкача айтканда, миллион фолловерге ээ болду. Ырчы айым бул окуяга карата: “Абдан толкунданып турам, мени менен иштешкен жалпы жакшы адамдар баарыңыздарга таазим! Мекенибиз өссүн, өнүксүн, миллиондор көбөйө берсин. Сиздерди чексиз сыйлайм. Бар болуңуздар менин 1 000 000 досторум!”- деген кубанычка толо билдирүүсүн жарыялады.
Инстаграмдагы кыргыз колдонуучулар арасында алгачкы миллионердикке ырчы Анжелика менен модель Айжан Асемованын ортосунда тымызын атаандаштык болуп келе жаткан. Самара Каримова экөөнү артка калтырды. Бул окуянын урматына ырчы айым сахналаштарын Бишкектеги чайханалардын бирине чакырып, чакан майрам да уюштуруп жиберди.
Инстаграмдын Кыргызстандагы ырчы колдонуучуларынын арасында баракчасына расмий макам алгандар жок. Миллион катталуучусу менен Самара Каримова деле расмий макам ала элек.