Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

№827 7-13-сентябрь, 2018-жыл


III ДҮЙНӨЛҮК КӨЧМӨНДӨР ОЮНДАРЫ: КЫЗЫГУУ ДА, СЫН ДА АРБЫН

2014-жылдан бери ар 2 жыл сайын сентябрь айында Кыргыз өлкөсүндө дүйнө жүзүндө азырынча аналогу жок оюндар өтүп келе жатат. Ал – Көчмөндөр оюндары. Көл жээгинде 3-ирет өткөрүлүп жаткан оюндардын өзгөчөлүктөрү жана кызыктары тууралуу маалымат бермекчибиз.



КАТЫШУУЧУЛАРДЫН САНЫ ӨСТҮ

Оюндардын ачылуу аземи Чолпон-Ата шаарындагы ат майданында өтүп, ага өлкө башчысы Сооронбай Жээнбеков, Казакстандын президенти Нурсултан Назарбаев, Түркиянын президенти Режеп Тайип Эрдоган, Татарстан Республикасынын президенти Рустам Минниханов жана Венгриянын премьер-министри Виктор Орбан күбө болушту. Жээнбеков оюндардын бедели өсүп жаткандыгын баса белгилеп, мелдештерди ачык деп жарыя кылды. Ачылуу аземи театралдаштырылган көрсөтүү менен уланып, философияга басым жасалды. Ат майдан көрүүчүлөргө батпай, кол чабуулар үзүлгөн жок.

Көчмөндөр оюндарынын аброю барган сайын өсүп жаткандыгын мелдештерге катышуучу өлкөлөрдүн, спортчулардын саны көргөзүп турат. Мындан тышкары кызыгууну арттыруу үчүн спорт түрлөрүнүн саны да өскөн. Алгачкы оюндарда 19 мамлекеттин 583 спортчусу 10 спорт түрүнөн күч сынашса, 2016-жылы 62 мамлекеттен 1200 спортчу 26 спорт түрү боюнча медалдарга ат салышкан. Быйылкы жылы спорттун 37 түрү боюнча мелдештер орун алып, 82 өлкөдөн 3 миңден ашуун спортчу катышууда.


СПОРТ ТҮРЛӨРҮНҮН КӨПТҮГҮ, УБАКЫТТЫН ТАРТЫШТЫГЫ

Бул оюндарда спорт түрлөрү көп, бирок убакыт абдан аз. Бир мелдеш бүткөн соң экинчиси көп тыныгуусуз эле уланууда. Алсак, алгачкы мелдеш – тажик күрөшү оюндардын расмий ачылуу аземине чейин эле старт алган. Андыктан Кыргыз өлкөсүнүн куржунуна алгачкы медалдар бат эле түшө баштады. Тажик күрөшүндө 68 килограммга чейинки салмак ченинде кыргыз балбаны Марлен Абдрасулов 1-орунга ээ болуп, өлкөгө алгачкы алтын медалды алып келди. Алыш – Кыргыз спортчуларын медаль жыйнаткан спорт түрүнүн катарында эле. Бирок бул жолу 9 медалдан экөө гана алтын болду. Чемпиондук наамга Эсенбек Кудайбердиев менен Нурзат Бактияр кызы ээ болушту.

Армрестлинг же кол күрөш боюнча мелдештерде казак спортчулары алтын медалдарга көбүрөөк ээлик кылышты. Кыргыз өлкөсүнөн Мырза Билалов 2 алтын медаль алып келди. Ал оң колу менен да, сол колу менен өткөн мелдеште жеңип алды.

Оюндар бат-баттан өтүп, арасында убакыт аз болгондуктан көпчүлүк көрүүчүлөр кайсы оюнга барарын билбей калып жатышты. Бир эле маалда спорт залында күрөштүн түрлөрү өтсө, анын эшик алдында эле кол күрөш, ат майданда көк бөрү...


ЧЫР САЛГАН КАЗАК УЛАКЧЫЛАРЫ

Көчмөндөр оюндарынын эң кызыктуу оюну көк бөрүгө жалпы 11 команда катышып жатат. Кыргыз өлкөсү тайпалык оюндарда Монголия жана Алтай менен беттешмей болду. Алгачкы оюнда биздин улакчылар монголдорго туш келип, алгачкы 5 мүнөт ичинде эле чабуулчулар Манас Ниязов, Сейитбек Анарбек уулу жана Рустам Тыналиев бир жолудан тай казанга улак таштап, оюндун нугу кандай өңүттө болорун көрсөтүп коюшту. Оюндун жыйынтыгы 29:5 болуп, улакчылар мыкты даярдыкта экендигин далилдешти.

Бул арада казактар белгиленген убакытта өз оюнун өткөрбөй коюшту. Алардын айтымында, оюндар көкпардын (казактардын көк бөрүсү) эрежелерине ылайык өткөрүлүшү керек. Маселе эки өлкөнүн Көк бөрү федерациясынын өкүлдөрүнүн сүйлөшүүсүнөн кийин гана чечилип, казактар ойномой болушту. “Сүйлөшүүлөр жүргүзүлдү, жыйынтыгында казактар 5-сентябрдан тарта мелдешке чыгышат. Техникалык жеңилүү жазылган жок, андыктан казактар тайпада бардык оюндарын өткөрөт”,- деп билдирди өлкөбүздүн Көк бөрү федерациясынын президенти Жыргалбек Саматов. Казак улакчылары "С" тайпасында АКШ жана Красноярск менен беттешет.


КҮРӨШТҮН ТҮРҮНӨН БАШ АЙЛАНАТ...

Баса белгилей кетчү жагдай, бул оюндарда күрөш түрлөрүнөн баш айланат. Тажик күрөшү, түркмөн күрөшү, казак күрөшү, иран улутунун күрөшү – пахлавани жана кыргыз күрөшү. Мелдештин экинчи күнү күрөштүн 3 түрү боюнча мелдештер орун алды. Алсак, түркмөн, казак жана иран күрөшү боюнча 3 салмак категориясында жеңүүчүлөр аныкталды. Ар бир өлкөнүн улуттук күрөшүндө ошол өлкөнүн спортчулары мыктылыгын көрсөтүп жатышты. Түркмөн күрөшүндө Руслан Табалдиев (82 килограмм) жана Байышбек Тажыгул уулу (абсолюттук салмак) финалга чыкканы менен, түркмөн атаандаштарына жеңилип калышты.

Мындан тышкары, казак күрөшүндө Мирлан Эралиев (70 килограмм) финалда Абилбакир Мауленинге алтын медалды тарттырып жиберди. Пахлавани күрөшүнүн 70 килограммдык салмактын финалында Курбат Азизбаев ирандык Мухаммед Надериден жеңилип, күмүш медалга ээ болду.

Көчмөндөр оюндарынын алкагында дагы монгол бох, ссирым, сумо сыяктуу беттештер өтөт. Күрөштөрдүн жыйынтыгы – көчмөндөрдүн улуу күрөшү менен жыйынтыкталат. Мында бардык күрөштүн абсолюттук салмактагы чемпион аталган спортчулары бири-бири менен килемге чыгат. Бул мурунку оюндардан өзгөчөлүк болду.


III ДҮЙНӨЛҮК КӨЧМӨНДӨР ОЮНДАРЫ: КЫРЧЫНДАН КӨЗ ИРМЕМДЕР

Кырчынга жетүү оңой эмес. Оюндар башталар замат жайлоого жетчү жолдордо ушундай тыгын жаралды.


www.zanoza.kg

Кырчындагы маданий иш-чаралардын ачылыш аземине Кыргыз Республикасынын Президенти Сооронбай Жээнбеков, Венгриянын премьер-министри Виктор Орбан жубайы менен, ошондой эле экс-президент Роза Отунбаева катышты.



Ачылыш аземи театралдаштырылган номер менен коштолуп, анда кыргыз каганы тууралуу көрсөтүү коюлду.



Сокулук району 140 жылдан бери пайдаланып келе жаткан боз үйдү таап келип тигишкен. Ичинде жасалганына 200 жыл болгон буюмдар да бар.

Ар бир облус жана Бишкек менен Ош шаарлары өз-өзүнчө ордо курушкан. Аларда майрамдык маанай, ар бир ордо өзгөчө болууга аракет кылган. Орточо эсеп менен ар бир ордо 30-40тай боз үй тигишкен. Эң көбү Ысык-Көл облусунда, анда 150дөн ашык боз үй тигилген.


www.turmush.kg

Азем ат үстүндөгү чеберлерсиз өткөн жок. Жигитовка, эр сайыш, кыз куумай өңдүү оюндар көрсөтүлдү.




Этнофестивалдын алкагында жайлоодо этно базар уюштурулган. Анда улуттук кол өнөрчүлөрдүн эмгектеринин түрүн тапса болот. Шырдак десе шырдак, комуз десе комуздун түрлөрү, атүгүл карышкырдын терисине чейин сатылууда.




Миллиондорго салынган дааратканага кезекке тургандар да “миллион”. Жайлоого орнотула турган дааратканалар үчүн 2 миллион 300 миң сом каражат бөлүнгөн. 5 орундуу контейнер тибиндеги 8 даараткана жана бир орундуу жыгачтан жасалган 20 даараткана орнотулган. Элдин көптүгү жана дааратканалардын аздыгы кезек күтүүнү 1 саатка чейин создуктуруп жатты.



(Уландысы келерки санда)

Адилет Керимбек уулу
Султан Досалиев
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -3 
Комментарийлер(6)
11.09.2018. 12:35 
Тайпасы:
Жаран
Комментарийлердин саны:
117
Катталган:
05-03-2014
Соӊку аракети:
17-11-2018 18:34
Жынысы:
Белгисиз
Калаасы:
Ош
+3
Эмненси болсо да жакшы откоруп алдык.
11.09.2018. 12:43 
Тайпасы:
Жаран
Комментарийлердин саны:
545
Катталган:
05-05-2018
Соӊку аракети:
17-11-2018 18:55
Жынысы:
Белгисиз
Калаасы:
Уч-Коргон
-5
Кыйналбай карызга да батып алдыык,эми тытынып иштеп,кутулушабыз карыздарды,болбосо жерлерибиз отту дей бергиле
11.09.2018. 14:45 
Тайпасы:
Жаран
Комментарийлердин саны:
130
Катталган:
15-12-2014
Соӊку аракети:
16-11-2018 12:15
Жынысы:
Белгисиз
+1
monster_high_98,карызга баткан жокпуз, чет элден келгендер канча киреше алып келишти
12.09.2018. 00:16 
Тайпасы:
Жаран
Комментарийлердин саны:
545
Катталган:
05-05-2018
Соӊку аракети:
17-11-2018 18:55
Жынысы:
Белгисиз
Калаасы:
Уч-Коргон
0
Mavlyuda, Келген саналуу туристтерден бир канча млн эле тушту бюджетке,а калганычы? Озу канча карызга батып турганыбыз жонундо кабарыныз барбы?
monster_high_98 түзөттү 2018-09-12 00:16:38
11.09.2018. 14:21 
Тайпасы:
Жаран
Комментарийлердин саны:
33
Катталган:
25-02-2014
Соӊку аракети:
13-09-2018 07:41
Жынысы:
Белгисиз
+7
Жамандыктарга деле кетип жатпайбы чыгым.чыгым кетсе да жакшылыкка кетти жакшы жагыбызды маданиятыбызды корсото алдык.дагы да оркундой бересин.
11.09.2018. 14:46 
Тайпасы:
Жаран
Комментарийлердин саны:
130
Катталган:
15-12-2014
Соӊку аракети:
16-11-2018 12:15
Жынысы:
Белгисиз
+20
Мен болдум Кырчында, 9 күн боз үйдө таң атырып накта кыргыз жыттанган салт менен жашап, улуттук каада-салттарыбызды көрүп сонун эс алдым жана терме согуу боюнча конкурска катыштым. Укмуш жасалган этношаарды көрүп кыргыз экениме дагы бир жолу сыймыктанып кеттим, сүрөткө түшүү планы толду. Чет жерлик коноктордун эмоциясы жүзүнөн көрүнүп турду, баары аябай жакканын,башка дүйнөгө түшүп калгандай болушканын айтып жатышты. Бул чоң иш-чараны өткөрүү менен элибиздин, мамлекетибиздин кадыр-баркы өстү
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: